Kolasas 1:7 - Manobo Sarangani

⁷ Yan se intoladà i Epapras kenyo. Sikandin heman se sineligan i Cristo, aw dakel se pedowan tadon kandin. Sikandin se egseligan day insogò day doton kenyo amon megtoladà tepad ki Cristo.

Kolasas 1:7 ပူးပေါင်းရင်းမြစ်များ

Kolasas 4:12

Minikagi heman si Epapras sebad heman sakop te probinsya niyo te dakel se pedowan din kenyo. Gayed sikandin egtolò te ibeg i Jesu Cristo. Egtawal-tawal sikandin aw ontò egpemoyò diyà te Timanem te melobos se pegpemenal niyo. Ibeg din ontò kaw metaga-taga te kedita te ibeg te Timanem diyà kenyo.

Filemon 1:23

Se doma ko si Epapras kineleboso heman tandà te pegtaking din ki Jesu Cristo, ibeg din metaga-taga ka te eg-aneng-aneng sikandin kamno.

Menge Hebreo 2:17

Meneng eked sikandin peketabang kenitadon singed aw meinang sikandin iling kenitadon menge kedowa din. Yan se doun te migpekeotaw sikandin aw timayod te kelimahan amon meinang sikandin telekagon tadon doton te Timanem, aw amon pegwedaden din se menge salà tadon. So dinetengan sikandin te kelimahan, yan doen den keido din kenitadon egdetengan te kelimahan. So neketayod sikandin te pegboyo i Satanas, yan meketabang den sikandin te kedita te otaw boyowen i Satanas.

Kolasas 4:7

Aw domateng doton kenyo se kedowa tadon te pegpemenal si Tikico, sikandin se meg-indan kenyo tepad te keogpà ko dini. Egkeseligan sikandin egtoladà, aw egkedekelan tadon sikandin te pedowan. Sikandin se doma ko eg-inang te ibeg te Pengolo tadon.

Menge Hebreo 3:2

Egkeseligan sikandin so gayed timolò te Timanem simogò kandin. Yan iling sikandin ki Moises gebii gayed timolò te Timanem te pegpengibing din te menge kemonaan tadon Judiyo ipolingun ko iling te balay te Timanem.

2 Timoteo 2:2

Se kebenalan intoladà ko kamno aw medita doma otaw, yan se keilangan itoladà no diyà te menge doma otaw keseligan amon meketoladà dan heman te menge doma otaw.

Filipos 2:25

Nayan, mig-aneng-aneng a den te mèpiya aw ipeolì ko si Epafrodito doton kenyo. Iling sikandin te kedowa ko, aw migtelaban kanak migtoladà tepad ki Cristo, aw egtolò heman te Pengolo tadon iling te pegtolò te sondalo. Insogò niyo sikandin dini amon megtabang kanak.

2 Korinto 11:23

Eg-ikagi dan te sikandan se menge sogounun i Cristo. Iling a te otaw migkebook so iduyun ko se kanak pegkeotawun, meneng siak se ontò sogounun i Cristo. Labi pa dakel se kanak neinang diyà kandan. Tandà te pegtoladà ko te kebenalan, melikit a egkelebosowen. Melikit a egbedasen, eked ko den kebilang. Melikit a agpet egkematay.

1 Korinto 4:2

So sikami se otaw sineligan din kenyan, keilangan tomolò kay te simogò kenami.

1 Timoteo 4:6

Aw megtoladà ka kenyan diyà te menge doma otaw egpemenal, mèpiya ka sineligan i Jesu Cristo, so egkagsen se pegsalig no kandin pineokit te peg-iling no te kebenalan pinemenalan no, aw pineokit te pegtaking no te kebenalan intoladà kamno.

Efeso 5:21

Keilangan megpesegmanay kaw tandà te pegtaking niyo ki Cristo.

1 Korinto 7:25

Nayan, tomaba a te insà niyo tepad te menge otaw wedà pengognan. Wedad punù ikeliwat ko kandan lekat te Pengolo tadon, meneng pineokit te keido din kanak, egkeseligan a, aw seini den se aneng-aneng ko.

1 Korinto 4:17

Yan insogò ko si Timoteo doton kenyo. Iling sikandin te batà ko egkedekelan ko te pedowan, aw egkeseligan sikandin te pegtaking din te Pengolo tadon. Ipeaneng-aneng kaw din te eg-inangen ko te pegtaking ko ki Jesu Cristo, aw yan se ipegtoladà ko doton te kedita te simbahan pengkey kenan a pesalo.

Mat. 25:21

Minikagi se amo din, ‘Mèpiya se ininang nikaw. So keseligan ka, labi pa dakel se ibegay ko diyà kamno. Ibeg ko meluba ka heman onawa te kanak pegkeluba.’

Mat. 24:45

“Se otaw egkeseligan aw biyasa eg-inang te kedita, yan se inangen te amo din egpengibing te kedita te doma otaw doton te balay din, amon memegay diyà kandan te kànen te kelikit te aldaw.

Mat. 18:29

Penga niyan, limongken se otaw aw migpeido-ido, kagi din, ‘Pegtagad ka bag te eked kenamay, so impasen ko se kedakel te salà ko kamno.’

Kolasas 4:9

Isogò ko heman se kedowa tadon te pegpemenal si Onesimo tomaking kandin. Egkeseligan heman sikandin aw egkedekelan tadon te pedowan. Sikandin se tege doton kenyo. Didowa dan se meg-indan kenyo aw eden se eg-inangen day dini.