Kolasas 1:6 - Manobo Sarangani

⁶ intoladà den doton kenyo aw doton te kebelad te keneyonan. Medita den se doma otaw nemenal kenyan, aw eg-inang den dan te mèpiya. Mig-iling kaw heman kandan, so lekat te aldaw te pegdineg niyo te doen tabang te Timanem kenyo, olò mèpiya se eg-inangen niyo, so netegahan niyo den te benal iyan.

Kolasas 1:6 ပူးပေါင်းရင်းမြစ်များ

Mat. 24:14

Onà itoladà se Mèpiya Indan tepad te peglowan te Timanem doton te kebelad te keneyonan, amon domineg se kedita te otaw. Penga niyan, domateng se temanan te keneyonan.”

Mat. 28:19

Yan isogò ko den sikiyo doton te kebelad te keneyonan. Pegtoladà kaw te kedita te otaw amon tomaking dan kanak. Pemonyagi niyo dan diyà te ngadan te Timanem Amay, aw Batà din, aw Espiritu Santo.

Mar. 16:15

Penga niyan, minikagi si Jesus, “Doton kaw den te kebelad te keneyonan. Pegtoladà kaw te Mèpiya Indan tepad kanak diyà te kedita te otaw.

Mar. 4:8

Meneng doen benì nesabog diyà te melambò tanà. Yan se timobò aw timilles, aw minongo. Doen minongo te ketlowan, aw doen minongo te keneman aw ginatos.”

Juan 15:16

Kenà sikiyo se nemallì kanak, meneng siak se nemallì kenyo, aw isogò ko den sikiyo amon megterbaho kaw kanak aw mongo kaw heman te dakel pongo wedad keeminan. Yan aw doen pemoyoen niyo diyà te Amay ko pineokit te ngadan ko, yan se ibegay din kenyo.

Juan 17:19

Amon ketebangan ko dan, ibegay ko den kamno se pegkeotawun ko tomolò te ibeg no, amon memegay dan heman kamno te pegkeotawun dan aw melobos heman se pegtolò dan te ibeg no kandan.

Juan 4:23

Dimateng den se aldaw te keilangan melobos se pedowan te otaw megsimba kandin, aw keilangan ketegahan dan heman se kebenalan tepad kandin egsimbahen dan, so yan se ibeg te Timanem te megsimba se otaw kandin iling kenyan.

Ininang 11:18

Pegdineg dan te inikagi din, wedà den dan sila kandin, meneng induyun dan se Timanem, so minikagi dan, “Pengkey menge otaw kenà Judiyo, mepakay aw megselsel dan te salà aw somalig dan ki Jesus amon begayan dan te Timanem te kaling pedowan.”

Ininang 12:24

Medita se otaw inindanan te kagi te Timanem, aw migkedita se otaw egpemenal.

Ininang 16:14

Doen sebad bayi si Lydia nenenalan kenami. Tiyatira se tinebolan din. Egpemeligyà sikandin te penenaktun melalag kidoen te Filipos. Gayed sikandin egtolò te ibeg te Timanem. Pegpenenalan i Lydia te intoladà day, migtabang se Pengolo kandin amon memenal ki Jesus.

Ininang 26:18

amon ketegahan dan se kebenalan, amon tomanan dan te kengitngit aw megpesalo dan diyà te kelowahan, amon mekelowà dan lekat te belad i Satanas aw megpesakop dan diyà te Timanem, aw pegwedaden din se salà dan pineokit te pegpemenal dan diyà kanak, amon kinewaen dan heman se ontong ibegay te Timanem diyà te kedita te batà din.’

Roma 1:13

Menge kedowa ko, ibeg ko ontò kaw metaga-taga te melikit a eglalang domoton kenyo, meneng gayed doen anggà ko. Ibeg ko, meketoladà a heman doton kenyo amon doen otaw memenal, iling te ininang ko doton te menge doma otaw kenà Judiyo,

Roma 15:19

aw pineokit te menge kepelahan egkeinang, aw pineokit te tolos te Espiritu Santo. Yan migtoladà a te Mèpiya Indan tepad ki Cristo doton te kedita te ogpeanan lekat te Jerusalem taman te Ilirico.

Roma 15:28

Penga te pegtoman ko te peg-ated ko te kwarta itabang kandan, mokit a doton kenyo te pegpesalo ko doton te Espanya.

Roma 16:26

Meneng yan se kebenalan impetaga-taga den pineokit te insolat te menge telekeliwat te kagi te Timanem gebii. Simogò se Timanem wedad temanan te ipetaga-taga iyan diyà te kedita te otaw amon somalig dan diyà ki Cristo aw tomolò dan heman kandin.

2 Korinto 10:14

Wedà a làpang te sogò te Timanem te pegtoladà ko kenyo te kagi din, meneng siak se monà kimidoen kenyo, so insogò a din meg-indan te Mèpiya Indan tepad ki Cristo.

2 Korinto 6:1

Egtoloen ko se Timanem simogò kanak aw seini se ipegtoladà ko. Aw nekekinawà kaw te tabang te Timanem, pekitai niyo te doen ontong niyo pineokit te peg-inang niyo te metòlid.

Efeso 3:2

Netegahan niyo den besi te insogò a te Timanem amon megtoladà a kenyo te doen tabang din kenyo pengkey kenà kaw Judiyo.

Efeso 4:21

so netegahan ko te tinoledaan kaw tepad ki Jesus aw impetaga-taga kaw tepad te kebenalan intoladà din.

Efeso 4:23

Keilangan meinang kaling se kenyo pedowan aw aneng-aneng.

Efeso 5:9

Aw imendayan niyo se keogpà niyo diyà te kelowahan, ketegahan iyan pineokit te mèpiya se pedowan niyo, aw metòlid se eg-inangen niyo, aw egkeseligan kaw.

Filipos 1:11

Ibeg ko, olò metòlid se inangen niyo pineokit te tabang i Jesu Cristo kenyo. Yan ipelangkaw aw iduyun se Timanem.

Filipos 4:17

Kenà te intabang niyo kanak se egkeibegan ko, meneng ibeg ko begayan kaw te Timanem te ontong tandà te pegtabang niyo kanak.

Kolasas 1:10

Yan se egpemoyoen day amon ibeg te Pengolo tadon se eg-inangen niyo, aw amon gayed sikandin meluba tepad kenyo. Aw yan se inangen niyo, mèpiya se kedita te inang niyo, aw labi kaw pa metaga-taga tepad te Timanem.

Kolasas 1:23

Meneng keilangan gayed kaw somalig diyà ki Jesu Cristo, aw keilangan lobosen niyo se pegpemenal niyo kandin. Ikà niyo egsoway lekat te kagi te Timanem pinemenalan niyo tepad ki Cristo, so doen den egpelimanan niyo. Yan se Mèpiya Indan intoladà den diyà te menge otaw doton te kebelad te keneyonan, aw yan heman se ipegtoladà ko.

1 Tesalonika 1:5

so pegtoladà day kenyo te Mèpiya Indan tepad ki Cristo, nemenal kaw kenà pineokit olò te inikagi day, meneng pineokit te ininang te Espiritu Santo kenyo, aw yan netegahan niyo te ontò benal se intoladà day. Peg-ogpà day kidoen kenyo, kinità niyo heman se ininang day amon ketebangan kaw.

1 Tesalonika 2:13

Gayed kay heman egpesiontong diyà te Timanem tepad kani. Pegtoladà day kenyo te kagi te Timanem, nemenal kaw kenyan, so netegahan niyo te kenà iyan olò kagi te otaw, meneng ontò benal kagi te Timanem. Pineokit te kagi te Timanem, doen eg-inangen din diyà te kedita niyo egpemenal.

2 Tesalonika 2:13

Menge kedowa day egkedekelan te Pengolo tadon te pedowan, mèpiya aw gayed kay megpesiontong diyà te Timanem tepad kenyo, so lekat te keteboan te keneyonan pinemallì kaw te Timanem amon ipelowà kaw lekat te salà, aw yan se ininang din kenyo pineokit te peglinis te Espiritu Santo kenyo, aw pineokit te pegpemenal niyo te kebenalan.

1 Pedro 5:12

Si Silas se migtelaban kanak te pegsolat ko kani. Sikandin se kedowa tadon te pegpemenal, aw netegahan ko te egkeseligan sikandin. Pengkey pilabok se kagi ko kenyo seini, meneng impesolat ko ini amon meantag se pedowan niyo. Ibeg ko ketegahan niyo te seini se kebenalan ingkeliwat ko diyà kenyo tepad te tabang te Timanem kenitadon. Peg-aneng-aneng kaw gayed tepad kenyan.