Kolasas 1:28 - Manobo Sarangani

²⁸ Egtoladà kay te kedita te otaw tepad ki Cristo. Gayed kay egsagda te kedita te otaw aw egtoladà kay kandan te kebenalan tepad ki Cristo, so ibeg day ontò melobos se pegtaking te kedita te otaw diyà ki Cristo.

Kolasas 1:28 ပူးပေါင်းရင်းမြစ်များ

Efeso 5:27

Lininisan kidon din amon meluba sikandin te pegtengteng din kenitadon, so ibeg din wedad salà tadon, aw wedad kemalì, aw wedad palos medaet iling kenyan. Meneng ibeg din ontò kidon menimanem.

Mat. 5:48

Yan, keilangan melobos se pedowan niyo iling te kelobos te pedowan te Amay niyo Timanem doton te langit.”

Kolasas 3:16

Keilangan isawol niyo diyà te pedowan niyo se kagi intoladà i Cristo. Pegpetoledaay kaw te kedita te kebenalan, aw pegpesegdahay kaw heman. Pekitai niyo te egpesiontong kaw diyà te Timanem pineokit te pegdelangan niyo diyà kandin.

1 Korinto 2:6

Aw ontò egtaking te Timanem se otaw egpenenalan kanak, yan se egtoledaan ko te kebiyasa medalem. Kenà iyan iling te kebiyasa te otaw dini te keneyonan. Kenà heman iling te kebiyasa te otaw eglowan, so pesalo dan megkewedad.

Kolasas 1:22

Meneng migpekeotaw si Jesus, aw nematay heman sikandin amon ibingen kaw din doton te Timanem. Mepakay aw megpedapag kaw den kandin so wedad den salà niyo aw wedad isila kenyo.

2 Korinto 11:2

Netetana a kenyo iling te ketetana te Timanem kenyo, so ibeg ko, melobos se pedowan niyo ki Cristo, iling te pegkelobos te pedowan te laga diyà te sebad meama mengognan kandin.

2 Korinto 4:5

Sikandin se Pengolo eglowan aw yan se gayed ko ipegtoladà. Kenà ibeg ko iduyun se kanak pegkeotawun, meneng neketabang a kenyo pineokit te pegtoladà aw tandà te kedakel te pedowan ko ki Cristo.

Ininang 20:31

Yan peg-ahà kaw. Ikà niyo egkelibel kani. Gayed a migtoladà kenyo te aldaw aw delem dalem te telo se omay. Migkelag a heman so dakel se pedowan ko kenyo.

Ininang 8:35

Nayan, migtebò si Felipe miglebad-lebad diyà kandin te kagi te Timanem sìyan. Migtoladà sikandin te si Jesus se egpelowà te otaw lekat te salà.

Menge Hebreo 10:14

Mekesebad olò se pegkematay i Cristo, aw pineokit kenyan, eg-aneng-aneng den se Timanem te metòlid kidon den te wedad temanan tandà te peglinis din kenitadon lekat te salà.

1 Timoteo 3:2

Se otaw inangen egpengibing te simbahan, keilangan wedad palos isila kandin. Keilangan sebad olò se esawa din aw kenà eglakad. Keilangan biyasa sikandin memallì te metòlid inangen din. Keilangan tikbel sikandin. Keilangan besahan sikandin te menge doma otaw. Keilangan megsagman sikandin te menge otaw gomemaw kandin. Keilangan biyasa sikandin megtoladà.

Kolasas 2:10

Pineokit te pegpemenal niyo ki Cristo, nekekinawà kaw den te kaling pedowan aw wedad kolang niyan. Sikandin se melangkaw diyà te kedita te metolos aw eglowan.

1 Korinto 12:8

Se sebad otaw, doen imbegay te Espiritu Santo kandin kebiyasa amon megtoladà te kebenalan diyà te doma otaw. Se sebad otaw, doen imbegay te Espiritu Santo kandin kebiyasa amon meg-indan-indan te toladà amon mekelabet se doma otaw.

Efeso 3:8

Pengkey siak se ontò medanà diyà te kedita te sakop te Timanem, meneng pinemallì a din amon megtoladà kenyo menge otaw kenà Judiyo tepad te ontò mèpiya tabang i Cristo kenitadon eked tadon ontò kelebeti.

2 Korinto 10:14

Wedà a làpang te sogò te Timanem te pegtoladà ko kenyo te kagi din, meneng siak se monà kimidoen kenyo, so insogò a din meg-indan te Mèpiya Indan tepad ki Cristo.

1 Korinto 15:12

Nayan, so migtoladà kay te inantay te Timanem si Cristo lekat te nematay, eked kepakay aw doen kidoen kenyo mikagi te eked palos keantay se otaw nematay.

1 Korinto 1:30

Lekat te ibeg te Timanem, migsebad se pedowan niyo ki Cristo, aw impetaga-taga din se kebiyasa te Timanem diyà kenitadon. Yan netegahan tadon te in-aneng-aneng te Timanem te metòlid kidon, iling kidon te wedad salà aw eked kidon den pelumuni.

Luc. 21:15

so dalem te aldaw sìyan, ibegay ko kenyo se kebiyasa amon meketaba kaw kandan. Yan se doun te wedad poon niyo mekedaeg te kenyo kagi.

1 Korinto 2:15

Meneng se otaw egbeyà-beyaan te Espiritu Santo, yan se mekelabet te kedita, meneng eked sikandin kelebeti te doma otaw kenà egbeyà-beyaan te Espiritu Santo.

1 Korinto 1:23

Meneng se ipegtoladà day, yan se kebenalan tepad ki Cristo inlansang diyà te kros, pengkey egkebensi se menge Judiyo kenyan, aw eg-aneng-aneng se menge Griego te wedad ontong niyan.

Roma 16:25

Na, iduyun tadon se Timanem. Sikandin olò se mekelobos te pegsalig niyo diyà kandin pineokit te Mèpiya Indan ipegtoladà ko tepad ki Jesu Cristo, aw pineokit te kebenalan nenamay wedà petega-tegahi te Timanem gebii.

Ininang 17:3

Miglebad-lebad heman sikandin te kagi te Timanem insolat amon ontò dan kelebetan te keilangan pemilangen aw imetayan se Misiyas isogò te Timanem, aw penga niyan meantay heman lekat te nematay. Minikagi sikandin, “Si Jesus se Misiyas insogò te Timanem, sìyan intoladà ko kenyo.”

Ininang 10:36

Netegahan niyo te insogò te Timanem si Jesus diyà kenami menge bowad-bowad i Israel amon megtoladà kenitadon te mèpiya indan tepad te kelinaw te pedowan ibegay din diyà te otaw memenal ki Jesu Cristo, so sikandin se Pengolo te kedita tadon.

Ininang 9:20

Wedà kenamay, dimoton si Saulo te simbahan te Judiyo aw migtoladà diyà te otaw kidoen te si Jesus se Batà te Timanem.

Ininang 8:5

Dimoton si Felipe te sebad lonsod doton te Samarya. Migtoladà sikandin te otaw kidoen te si Jesus se Misiyas insogò te Timanem.

Ininang 5:42

Migtoladà dan pa aw migkeliwat te kagi te Timanem, pengkey doton te dakel simbahan, aw doton te menge balay. Kelikit te aldaw, migtoladà dan te si Jesus se Misiyas insogò te Timanem.

Ininang 3:20

aw begayan kaw din te kaling pedowan. Ipelikò din heman se Misiyas tapay pinemallì din si Jesus,

Mar. 6:34

Pegtenà i Jesus, kinità din se ontò medita otaw migtagad kandin. Ontò din dan neidowan, so iling dan te menge ayam-ayam karniro megketading te eked kenamay aw wedad megdiyaga kandan. Penga niyan, migtoladà si Jesus kandan te medita kebenalan.

Mat. 28:20

Pegtoladà kaw kandan te keilangan tomolò dan te kedita te impunù ko diyà kenyo. Na, gayed a meg-ipat kenyo pengkey lamig te temanan te keneyonan.”

Mat. 3:7

Nayan, medita heman se egpengibing te simbahan te Judiyo dimoton ki Juan amon megpebonyag dan kandin. Sakop dan te menge Parisiyo aw Sadusiyo. Pegkità i Juan kandan, minikagi sikandin, “Tay law. Iling kaw te memokan egkadas te apoy. Eked kaw pekelowà lekat te pelumun te Timanem te modi aldaw singed aw megselsel kaw.

2 Pedro 3:15

Aw aneng-aneng niyo te iling te eg-enggaen te Pengolo tadon se peglikò din, ikà niyo egkelibel te egtagad pa sikandin amon doen pa aldaw mekelowà se otaw lekat te pelumun din. Yan heman se impetaga-taga te kedowa tadon si Pablo egkedekelan tadon te pedowan. Impetaga-taga din iyan diyà kenyo te pegsolat din kenyo, so binegayan sikandin te Timanem te kebiyasa.

Menge Hebreo 13:21

Yan se doun te egtawal-tawal a diyà te Timanem egpemegay te kelinaw te begayan kaw te kedita te mèpiya tabang din amon mekebatog kaw tomoman te ibeg din. Ibeg ko heman, tebangan kaw din amon meg-inang kaw te mekeluba kandin pineokit te tabang i Jesu Cristo diyà kenyo. Iduyun sikandin te wedad temanan. Metoman iyan.

1 Timoteo 3:16

Netegahan te kedita tadon te ontò mèpiya se kebenalan impetaga-taga te Timanem aw pinemenalan tadon. Migpekeotaw si Jesu Cristo aw dimini te tanà. Impetaga-taga te Espiritu Santo te metòlid sikandin. Kinità sikandin te menge anghil. Inindanan se menge otaw kenà Judiyo tepad kandin. Doen otaw nemenal kandin doton te kebelad te tanà. Inengat sikandin doton te langit.

1 Tesalonika 4:6

Yan keilangan wedad palos otaw meg-inang te salà tepad kenyan aw meglegawa te doma otaw. Yan se impunù day kenyo kedengan, so ipelumun te Timanem se otaw eg-inang te medaet iling kenyan.

1 Korinto 4:14

Simolat a kani diyà kenyo kenà amon meyàyà kaw, meneng amon megtoladà a kenyo, so egkedekelan ko sikiyo te pedowan iling te ontò batà ko.

Ininang 13:38

“Menge kedowa ko, ibeg ko ketegahan niyo den te pineokit te pegkematay i Jesu Cristo, in-indan kenyo se pegwedad te salà. Eked kaw pekelowà lekat te salà pineokit te pegtolò niyo te punù ingkeliwat i Moises, meneng pineokit ki Jesu Cristo mekelowà se kedita te otaw memenal kandin.

Ininang 11:20

Meneng doen menge otaw egpemenal tege Sipro aw tege Sirene dimoton te Antyokya, aw migtoladà dan heman tepad ki Jesus diyà te menge otaw kenà Judiyo.

Ininang 17:18

Doen menge menenoladà sakop te menge Epicuriano aw Estoiko migdindil ki Pablo. Migtompuyus se sebad, kagi din, “Wedad besi ontong te intoladà te metibelisì sìyan.” Doen doma minikagi, “Egtoladà besi tepad te menge doma timanem egsimbahen doton te mediyò ogpeanan.” Minikagi dan kenyan so migtoladà si Pablo tepad ki Jesus aw keentayan.

Kolasas 2:3

Si Cristo se kelekatan te kedakel te kebiyasa tepad te Timanem.

Kolasas 4:12

Minikagi heman si Epapras sebad heman sakop te probinsya niyo te dakel se pedowan din kenyo. Gayed sikandin egtolò te ibeg i Jesu Cristo. Egtawal-tawal sikandin aw ontò egpemoyò diyà te Timanem te melobos se pegpemenal niyo. Ibeg din ontò kaw metaga-taga te kedita te ibeg te Timanem diyà kenyo.