Kolasas 1:27 - Manobo Sarangani

²⁷ so ibeg din ipetaga-taga din diyà kenitadon te ontò mèpiya se kebenalan seini. Ipetaga-taga din iyan heman doton te menge otaw kenà Judiyo. Seini se kebenalan sìyan wedà din petega-tegahi kedengan, te isogò din si Jesu Cristo meg-ogpà kidoen te kenyo pedowan, aw yan se doun te netegahan niyo te doen kèpiyaan pelimanan niyo doton te langit.

Kolasas 1:27 ပူးပေါင်းရင်းမြစ်များ

Juan 14:20

Aw domateng se aldaw sìyan, ontò niyo ketegahan te diyà a te Amay ko, aw diyà kaw kanak, aw diyà a kenyo.

Roma 8:10

Meneng aw eg-ogpà si Cristo diyà kenyo, pengkey matay se lawa niyo tandà te salà, meneng binegayan kaw te Timanem te kaling pedowan, so inaneng-aneng din den te metòlid kaw.

1 Juan 4:4

Menge batà ko te pegpemenal, diyà kaw den te Timanem aw yan domaeg kaw te kedita dan egkeliwat te kagi kenà lekat te Timanem, so doen eg-ogpà diyà te pedowan niyo labi pa melangkaw diyà ki Satanas pengolo te medaet otaw dini te keneyonan.

Galasya 2:20

Pegpemenal ko ki Cristo, iling te nematay a doma kandin kidoen te kros. Lekat niyan, kenà kenaken ibeg se egbayà-bayà kanak, meneng si Cristo se egbayà-bayà kanak so eg-ogpaan a din. Dalem pa te peg-ogpà ko dini te keneyonan, megpesakop a diyà te Batà te Timanem egseligan ko. Dakel se pedowan din kanak aw yan nematay sikandin simelilin kanak.

1 Korinto 3:16

Netegahan niyo den ini. Se kedita niyo egpemenal, iling kaw te balay te Timanem, aw eg-ogpà se Espiritu Santo kidoen kenyo.

Impekità 3:20

Na, dini a den te kenyo lelebangan aw egtawal a diyà kenyo. Aw domineg kaw kanak aw meg-owang kaw kanak te tetakep, yan mawop a, aw komaen a doma kenyo, aw megpesigelakay kidon.

Juan 14:17

Yan se Espiritu Santo egtoladà te kebenalan. Eked sikandin kinewai te menge otaw egtaking te medaet ketanem te keneyonan, so kenà dan egkità kandin, aw kenà dan egketaga-taga aw sinu sikandin. Meneng sikiyo, netaga-taga kaw den kandin, so egdomaan kaw din aw ogpaan kaw te wedad temanan.

Galasya 4:19

Menge batà ko te pegpemenal, ontò a netetana kenyo, so ontò ko ibeg tiboken niyo se pegtaking ki Cristo.

2 Korinto 4:6

Peg-inang te Timanem te keneyonan, mengitngit aw penga niyan ininang din se kelowahan. Iling kenyan se ininang din kanak, so kedengan, iling te doen kengitngit diyà te pedowan ko, so wedà a kilala ki Jesu Cristo. Meneng linowa din den se pedowan ko amon ipekità din kanak se kelangkaw te Timanem diyà te bawa i Cristo.

1 Timoteo 1:1

Siak, si Pablo, se simolat kani. Ininang a sogounun i Jesu Cristo pineokit te punù te Timanem egpelowà kenitadon, aw pineokit te punù i Jesu Cristo egpelimanan tadon.

Kolasas 2:3

Si Cristo se kelekatan te kedakel te kebiyasa tepad te Timanem.

Juan 14:23

Timaba si Jesus, “Aw dakel se pedowan te otaw kanak, tomolò sikandin te punù ko. Kedekelan heman sikandin te Amay ko te pedowan, aw domoton kay kandin aw meg-ogpà kay kidoen te pedowan din.

2 Korinto 6:16

Eked kepakay aw simbahen se inotaw doton te balay te Timanem. Se kedita tadon egpemenal, sikitadon se balay eg-ogpaan te Timanem wedad temanan din. Iling te inikagi te Timanem tepad te menge Judiyo gebii, kagi din, “Meg-ogpà a kidoen kandan. Doen inangen ko kidoen kandan. Siak se simbahen dan, aw siak se megtabang kandan.”

Kolasas 3:11

Diyà te kedita tadon egpemenal, wedad palos lindoan te Timanem, pengkey Judiyo aw kenà Judiyo, pengkey tinolì aw wedà tolii, pengkey mig-iskwila aw wedà peg-iskwila, pengkey allang aw kenà allang, so migsebad den se kedita tadon diyà ki Cristo, aw mig-ogpà sikandin diyà te kedita tadon.

Juan 17:26

Impetaga-taga ko den kandan tepad te pegkeotawun no, aw doen pa ipetaga-taga ko kandan tepad kenyan, so ibeg ko, megpedekelay dan te pedowan iling te kedakel te pedowan no kanak, aw meg-ogpà a heman diyà te pedowan dan.”

Efeso 2:22

Sikiyo menge otaw kenà Judiyo, nekeakop kaw heman diyà te balay sìyan eg-ogpaan te Timanem pineokit te Espiritu Santo.

Juan 6:56

Se otaw komaen te onod ko aw minem te dipanog ko, yan se eg-ogpà diyà kanak, aw siak diyà kandin.

Efeso 1:7

Pineokit te pegkematay i Cristo doton te kros, impelowà kidon te Timanem lekat te salà. Pigwedad din se kedita te salà tadon. Ontò dakel se tabang din kenitadon,

Filipos 4:19

Wedad temanan te keyemanan te Timanem egseligan ko, aw begayan kaw din te kedita te kelidoan niyo tandà te pegpesakop niyo diyà ki Jesu Cristo.

Roma 9:23

Yan se ininang din amon ipetaga-taga din diyà te kedita tadon neidowan din te ontò sikandin mèpiya, so impetagad kidon din amon begayan kidon din te kèpiyaan doton te langit.

Roma 5:2

Pineokit te pegpemenal tadon kandin, nekeakop kidon diyà te otaw egtebangan te Timanem. Neluba kidon den heman, so egpelimanan tadon se aldaw te meg-ogpà kidon doma te Timanem doton te langit.

Kolasas 1:5

Yan se eg-inangen niyo, so kedengan te pegdineg niyo te kebenalan tepad ki Cristo, nemenal kaw te doen ontong ibegay kenyo doton te langit. Yan se Mèpiya Indan

2 Korinto 4:17

Pegpemilang kanak, aneng-aneng ko meketayod a, so doen temanan niyan. Aw meketayod a te pegpemilang kanak, ontò mèpiya se ibegay te Timanem kanak doton te langit. Ontò mèpiya se ontong wedad temanan.

Luc. 17:21

Wedad otaw mekeikagi, ‘Dini den se peglowan din.’ Wedad heman otaw mekeikagi, ‘Kidoen se peglowan din.’ Eneng-enengi niyo ini. Eglowan den se Timanem dini kenyo.”

Mat. 13:11

Timaba si Jesus, “Sikiyo se pinetega-tegahan te Timanem te kebenalan tepad te peglowan din. Meneng wedà din petega-tegahi se doma otaw te kebenalan tepad te peglowan din.

2 Korinto 2:14

Meneng ontò a egpesiontong diyà te Timanem, so sikandin se nenalo kenitadon, aw impetaking kidon din te ibeg din, aw impeakop kidon din diyà ki Cristo. Insalig te Timanem diyà kenitadon se kebenalan tepad ki Cristo amon ipetaga-taga tadon iyan diyà te kedita te otaw, so mèpiya se kebenalan tepad ki Cristo, iling te sebad metinadeg keedekan pengkey kenan.

Roma 11:33

Ontò mèpiya se Timanem. Wedad temanan te keido din, aw kebiyasa din, aw pegketaga-taga din. Eked kidon ontò ketaga-taga te aneng-aneng din aw tod din,

Roma 2:4

Ikà niyo eg-aneng-aneng te eked kaw pelumuni te Timanem tandà te kedakel aw kedalem te pedowan din. Iling te nelibelan niyo te gayed medalem se pedowan te Timanem kenyo so ibeg din megselsel kaw.

Menge Hebreo 6:19

So metoman se egpelimanan tadon, wedad den lamit te pedowan tadon. Iling si Jesus te telekagon te Judiyo minokit te kayad diyà te tengà-tengà te simbahan, so nekeonà den si Jesus doton te langit aw egkagon den sikandin kenitadon doton te Timanem. Metoman kidon kominawà te impakang din, so ininang si Jesus Telekagon tadon te wedad temanan, iling te pegkagon i Melkisedec gebii.