Kolasas 1:24 - Manobo Sarangani

²⁴ Pengkey kineleboso a, meneng neluba a den, so pineokit te kelimahan ko, melobos se pedowan niyo diyà ki Cristo. Pineokit te pegtayod ko te kelimahan, kelumunan ko se kelimahan ibeg i Cristo okitan ko amon ketebangan se kedita te otaw egpemenal, kedita tadon impolingun te lawa i Cristo.

Kolasas 1:24 ပူးပေါင်းရင်းမြစ်များ

Roma 5:3

Doen heman doma ingkeluba tadon. Neluba kidon te doen den kelimahan tadon tandà te pegtaking tadon ki Cristo, so pineokit te pegtayod tadon te kelimahan, doen keilingan tadon amon eked kidon dàgi pengkey eden se domateng kenitadon.

2 Timoteo 1:8

Yan ikà egkeyàyà te peg-indan no tepad te Pengolo tadon. Ikà heman egkeyàyà tepad te pegkeleboso kanak tandà te pegtolò ko kandin. Meneng pegtoladà ka te Mèpiya Indan tepad kandin pengkey pemilangen ka, so begayan ka te Timanem te eneg din amon meketayod ka kenyan.

Filipos 3:10

Ibeg ko den ontò a metaga-taga kandin. Ibeg ko heman tebangan a din pineokit te tolos eggemiten din lekat te pegkeantay din lekat te nematay. Ibeg ko heman mekeiling a kandin pengkey detengan a te kelimahan iling te kelimahan dimateng kandin, aw pengkey imetayan a iling te pegkematay din,

2 Korinto 7:4

Ontò ko sikiyo egseligan. Ontò ko sikiyo ipegduyun diyà te doma otaw. Ontò a neluba te pegdineg ko tepad kenyo. Pengkey ontò a nelimahan, meneng doen pa gayed keluba ko.

Efeso 3:13

Yan doen ipunù ko kenyo. Ikà niyo eglengà tandà te kelimahan dimateng kanak lekat te pegtoladà ko kenyo menge otaw kenà Judiyo, so pineokit te kelimahan ko sìyan, doen kèpiyaan niyo.

Santiago 1:2

Menge kedowa ko, aw detengan kaw te menge kelimahan, keilangan ontò kaw meluba,

Kolasas 1:18

Sikandin se olo tadon, aw iling kidon te lawa din, so sikandin se egpengibing te kedita tadon egpemenal. Sikandin se egpemegay kenitadon te kaling pedowan, aw sikandin se tagnà neantay lekat te nematay eked palos todà kematay amon mengolo sikandin diyà te kedita te otaw meantay lekat te nematay. Yan se doun te wedad pa labi melangkaw diyà kandin,

Ininang 5:41

Pegkesayo te sogounun i Cristo, ontò neluba se pedowan dan, so aneng-aneng dan, pinemallì dan te Timanem amon pemilangen dan tandà te pegpemenal dan ki Jesus.

Efeso 3:1

Na, siak si Pablo, kineleboso a so egtaking a ki Jesu Cristo aw migtoladà a tepad kandin diyà kenyo menge otaw kenà Judiyo.

Efeso 1:23

so iling kidon te lawa i Cristo. Tandà te pegpesakop tadon diyà kandin, wedad kolang diyà kandin, aw wedad heman kolang doton te langit aw dini heman te lanto te tanà tandà te peglowan din diyà te kedita niyan.

Roma 8:17

So batà kidon din, doen aldaw domateng aw kominawà kidon te kedita te kèpiyaan impetagad din kenitadon. Pengkey eden se ibegay din ki Cristo, yan heman se ibegay din kenitadon. Aw pemilangen kidon tandà te pegtaking tadon ki Cristo, ipelangkaw kidon heman doton te langit doma i Cristo.

1 Korinto 12:27

Se kelebadan te tegdeyanan ko seini, se kedita niyo, iling kaw te lawa i Cristo, aw se teg sebad-sebad kenyo, yan se iling te menge kinemoloan diyà te lawa din.

2 Korinto 6:10

Pengkey medita se kelidoan ko dini te keneyonan seini, meneng gayed doen luba ko lekat ki Cristo. Sagkep a, meneng dakel se ipegkeliwat ko diyà te doma otaw pineokit te pegtoladà ko kandan. Wedad kedònan ko dini te keneyonan, meneng doen dakel ontong intagò kanak doton te langit.

2 Korinto 12:15

Meluba a memegay te kedakel te kwarta ko aw kepagod ko amon kèpiyaan kaw. Pengkey deitek se pedowan niyo kanak, meneng ontò dakel se pedowan ko kenyo.

Mar. 10:39

Timaba dan, “Ee, meketayod kay heman kenyan.” Minikagi si Jesus, “Metoman kaw heman detengan te kelimahan aw kegemakan domateng kanak,