Kolasas 1:23 - Manobo Sarangani

²³ Meneng keilangan gayed kaw somalig diyà ki Jesu Cristo, aw keilangan lobosen niyo se pegpemenal niyo kandin. Ikà niyo egsoway lekat te kagi te Timanem pinemenalan niyo tepad ki Cristo, so doen den egpelimanan niyo. Yan se Mèpiya Indan intoladà den diyà te menge otaw doton te kebelad te keneyonan, aw yan heman se ipegtoladà ko.

Kolasas 1:23 ပူးပေါင်းရင်းမြစ်များ

Menge Hebreo 3:14

so aw gayed kidon somalig diyà ki Cristo lekat te keteboan lamig te temanan, meinang kidon menge doma din.

Menge Hebreo 3:6

Meneng kenà sineligan te Timanem si Jesus, so Batà din sikandin. Insalig te Timanem kandin se pegpengibing te kedita te menge sakop te Timanem. Aw gayed kidon somalig diyà te egpelimanan tadon, ipetaga-taga tadon te sakop kidon din.

Menge Hebreo 10:38

Se menge otaw eg-eneng-enengen ko te metòlid dan, yan se meketayod te pengkey eden se kelimahan tandà te pegsalig dan kanak. Meneng aw lomengà se otaw tomaking kanak tandà te ketalaw din, eked a keluba kandin.”

Galasya 6:9

Mèpiya aw eked kidon lengà meg-inang te mèpiya, so aw domateng se aldaw tapay pinemallì te Timanem, mekinawà tadon se ontong aw eked kidon lengà.

Ininang 14:22

Migtoladà dan te menge otaw egpemenal, aw mig-antag dan te pedowan te menge otaw kidoen amon melobos se pegsalig dan te Timanem. Minikagi dan, “Onà kidon tomayod te kelimahan, aw penga niyan lomowan se Timanem diyà kenitadon.”

Efeso 3:17

Egpemoyò a diyà te Timanem te gayed meg-ogpà si Cristo diyà te pedowan niyo tandà te pegpemenal niyo kandin. Egpemoyò a heman diyà kandin amon labi pa megkedakel se pedowan niyo diyà te Timanem aw diyà te doma otaw.

Roma 10:18

Pengkey wedà pemenal se keditaan te Judiyo, meneng ikà niyo eg-aneng-aneng te wedà dan indani te kebenalan. Inindanan den dan, so doen kagi te Timanem insolat, “Dinineg den iyan te kedita te otaw dini lanto te tanà. In-indan den iyan doton te kebelad te keneyonan.”

Menge Hebreo 6:19

So metoman se egpelimanan tadon, wedad den lamit te pedowan tadon. Iling si Jesus te telekagon te Judiyo minokit te kayad diyà te tengà-tengà te simbahan, so nekeonà den si Jesus doton te langit aw egkagon den sikandin kenitadon doton te Timanem. Metoman kidon kominawà te impakang din, so ininang si Jesus Telekagon tadon te wedad temanan, iling te pegkagon i Melkisedec gebii.

1 Tesalonika 3:5

Yan se doun te insogò ko si Timoteo doton kenyo. So ontò a dimela kenyo, insogò ko sikandin amon metaga-taga a tepad te pegtaking niyo te Timanem, so netetana a aw neekalan kaw i Satanas, aw yan nebàtan besi se nebatog day doton kenyo.

Efeso 1:18

Ibeg ko ontò kaw din toledaan amon ketegahan niyo aw eden se pelimanan niyo tandà te pegtawal din kenyo. Ibeg ko heman ipetaga-taga kaw din te ontò dakel se ontong ibegay din diyà te kedita te otaw sinakop te Timanem.

2 Korinto 3:6

so sikandin se nemegay te kebiyasa kanak aw migsogò kanak megtoladà te doen kaling peokit ininang din. Kenà punù insolat se ipegkeliwat ko, meneng ipegkeliwat ko se intoladà te Espiritu Santo kanak. Se tapay punù insolat, yan olò se egpetaga-taga te menge otaw te medaet se pedowan dan. Meneng se Espiritu Santo, yan se egpemegay te kaling pedowan.

Ininang 2:5

Doen medita Judiyo egpenimanem kidoen te Jerusalem lekat te kedita te ogpeanan te keneyonan.

Impekità 2:10

Ikà niyo egkelemitan te kelimahan agpet domateng kenyo. Doen menge otaw kidoen kenyo ipekeleboso i Satanas amon ketegahan aw ontò kaw egsalig kanak. Keilangan pemilangen kaw te eked kenamay, menge sempolò se aldaw. Pengkey imetayan kaw, salig kaw diyà kanak, so begayan ko sikiyo te ontong, sìyan korona te kaling pedowan wedad temanan.

Kolasas 1:25

Insogò a te Timanem amon megtoladà a te kedita niyo egpemenal, so ibeg din ipetaga-taga ko se kagi din diyà te kedita niyo.

Juan 15:6

Aw eked peg-ogpà se otaw diyà kanak, iagbel ko sikandin iling te menge belagen tepoen aw iagbel. Aw melangkay iyan, tiponen aw sonogen.

Luc. 22:32

Meneng migtawal-tawal a diyà te Amay ko tepad kamno amon gayed ka somalig diyà kanak. Pengkey tominàyog ka kanak te eked kenamay, meneng aw todà ka tomaking kanak, meketabang ka te menge doma no tinoledaan ko.”

1 Pedro 1:3

Iduyun se Timanem, Amay te Pengolo tadon si Jesu Cristo. Ontò kidon neidowan te Timanem, aw binegayan kidon din te kaling pedowan. Yan doen egpelimanan tadon tandà te pegkeantay i Jesu Cristo lekat te nematay.

Menge Hebreo 4:14

Nayan, keilangan lobosen tadon se pegsalig tadon diyà ki Jesus pinemenalan tadon. Doen melangkaw Telekagon tadon dimoton den diatas te langit eg-ogpaan te Timanem, aw yan se Batà te Timanem si Jesus.

Kolasas 2:7

Aw lobosen niyo se pegsalig niyo diyà ki Cristo, iling kaw te kayo medalem se dalid, aw iling kaw te balay ontò dimasel. Aw yan se inangen niyo, ketegahan niyo te benal se intoladà diyà kenyo kedengan, aw gayed kaw megpesiontong diyà te Timanem.

Galasya 5:7

Kedengan, ontò kaw egtaking te kebenalan, meneng seini, nepela a so limengà kaw den.

2 Korinto 6:1

Egtoloen ko se Timanem simogò kanak aw seini se ipegtoladà ko. Aw nekekinawà kaw te tabang te Timanem, pekitai niyo te doen ontong niyo pineokit te peg-inang niyo te metòlid.

Mar. 16:15

Penga niyan, minikagi si Jesus, “Doton kaw den te kebelad te keneyonan. Pegtoladà kaw te Mèpiya Indan tepad kanak diyà te kedita te otaw.

1 Juan 2:27

Meneng ikà niyo egketetana, so eg-ogpaan kaw pa te Espiritu Santo imbegay i Jesu Cristo diyà kenyo. Yan wedad den keilangan te doma megtoladà kenyo aw eden se kebenalan aw eden se kebolalaw, so Espiritu Santo se megtoladà kenyo te kedita. Ontò benal se ipegtoladà din, aw kenà iyan kebolalaw. Yan keilangan meg-ogpà kaw diyà ki Cristo iling te intoladà te Espiritu Santo kenyo.

1 Pedro 1:5

Eg-ipaten te Timanem metolos se kedita niyo simalig diyà kandin lamig te aldaw sikopen din se pegpelowà din kenitadon. Tapay din iyan impetagad, aw ipekità din iyan te modi aldaw.

Tito 3:7

Yan se ininang din amon pineokit te keido din, meg-aneng-aneng se Timanem te metòlid kidon, aw amon metoman kidon begayan te kaling pedowan egpelimanan tadon.

1 Timoteo 2:7

Yan se doun te ininang a sogounun i Cristo megtoladà te menge otaw kenà Judiyo, amon metaga-taga dan te keilangan memenal dan te kebenalan. Kenà kebolalaw se eg-ikegiyen ko, meneng kebenalan iyan.

1 Timoteo 1:12

Egpesiontong a diyà te Pengolo tadon si Jesu Cristo, so binegayan a din te keseg amon mekebatog a megtoladà. Egpesiontong a diyà kandin so mig-aneng-aneng sikandin te egkeseligan a, aw ininang a din sogounun din.

2 Tesalonika 2:16

Ibeg day, entagen se pedowan niyo aw tebangan kaw te Pengolo tadon si Jesu Cristo aw Amay tadon Timanem amon mèpiya se kedita te inangen niyo aw ikegiyen niyo. Dakel se pedowan te Timanem kenitadon, aw pineokit te tabang din kenitadon neantag den se pedowan tadon wedad temanan, aw mèpiya den heman se pegpeliman tadon.

1 Tesalonika 5:8

Meneng sikitadon se otaw te aldaw, aw yan keilangan egpeketagad kidon. Aw gayed kidon egsalig diyà te Timanem aw egpedekelay kidon te pedowan, yan se iling te ikelasag te lawa tadon, aw iling te telandà kinis se pegpeliman tadon te pegpelowà te Timanem kenitadon lekat te pelumun.

1 Tesalonika 3:3

so ibeg day wedad lomengà kenyo te pegpemenal tandà te pegpemilang egdateng kenitadon. Netegahan niyo te yan se pinemallì te Timanem amon okitan tadon.

Efeso 4:16

aw iling te lawa din se kedita tadon menge sakop din. Aw megsebad se terbaho te luluwadun aw teg sebad-sebad kinemoloan diyà te lawa, meketilles se lawa. Iling heman kenyan, aw tomanen te teg sebad-sebad kenitadon se eg-inangen tadon, tomilles kidon aw megkagsen kidon pineokit te pegpedekelay tadon te pedowan.

Efeso 2:21

Dimasel se balay sìyan so pigsebad se kedita tadon diyà kandin, aw eg-inangen kidon din balay eg-ogpaan te Timanem tandà te pegsebad tadon diyà te Pengolo.

Galasya 5:5

Meneng aw si Jesus se seligan tadon, tebangan kidon te Espiritu Santo aw pelimanan tadon se aldaw te metoman kidon eneng-enengen te Timanem te metòlid kidon,

Galasya 4:11

Ontò a netetana aw wedad ontong te pegtoladà ko kenyo tepad ki Jesu Cristo.

2 Korinto 11:23

Eg-ikagi dan te sikandan se menge sogounun i Cristo. Iling a te otaw migkebook so iduyun ko se kanak pegkeotawun, meneng siak se ontò sogounun i Cristo. Labi pa dakel se kanak neinang diyà kandan. Tandà te pegtoladà ko te kebenalan, melikit a egkelebosowen. Melikit a egbedasen, eked ko den kebilang. Melikit a agpet egkematay.

1 Korinto 15:58

Menge kedowa ko egkedekelan ko te pedowan, lobosi niyo se pegtaking niyo te Pengolo tadon. Ikà niyo egpedaeg te toladà kebolalaw. Pegpekeaseb kaw tolò te ibeg te Timanem kenyo, so netegahan niyo den te doen ontong te kedita te inangen tadon aw tomolò kidon te Pengolo tadon.

1 Korinto 3:5

Eked kepakay aw sikami si Apolos se tekingan niyo, so sogounun kay olò i Jesu Cristo aw migtoladà kay kenyo amon memenal kaw kandin. Tinoman day olò se sogò te Pengolo day.

Roma 15:16

ininang a din sogounun i Jesu Cristo, aw insogò a din doton te menge otaw kenà Judiyo, so pineokit kanak dimateng den kandan se Mèpiya Indan lekat te Timanem. Yan kininawà den dan te Timanem, so ininang dan egpenimanem pineokit te Espiritu Santo.

Roma 5:5

Eked kidon lengà te pegpemenal. Tomanen te Timanem se egpelimanan tadon, so nedekelan kidon din te pedowan pineokit te Espiritu Santo imbegay din kenitadon.

Roma 2:7

Doen menge otaw gayed eg-inang te mèpiya amon iduyun dan te Timanem, aw amon meg-ogpà dan doma din doton te langit te wedad temanan. Yan se otaw begayan din te kaling pedowan wedad temanan.

Ininang 26:16

Tindeg ka den, so migpekità a den kamno amon inangen ta sogounun ko meg-indan te doma otaw te kinità no te aldaw seini aw sìyan ipekità ko diyà kamno te modi aldaw.

Ininang 20:24

Meneng aneng-aneng ko, wedad beloyan aw imetayan a, so ibeg ko ipengahen ko olò se eg-inangen ko. Meluba a aw mebatog ko tomanen se insogò i Jesus kanak, so insogò a din megtoladà te Mèpiya Indan tepad te tabang te Timanem kenitadon.

Ininang 11:23

Mèpiya otaw si Bernabe aw simalig diyà te Pengolo aw egbeyà-beyaan heman te Espiritu Santo. Pegdateng din doton te Antyokya, neluba sikandin so kinità din te ontò dan tinebangan te Timanem. Migtoladà sikandin kandan te eked pegdowa-dowa se aneng-aneng dan, aw lobosen dan se pedowan diyà te Pengolo. Pegdineg dan te kagi din, medita se otaw nemenal diyà te Pengolo.

Ininang 4:12

Wedad doma mekepelowà kenitadon lekat te salà. Pengkey dini te kebelad te keneyonan, wedad doma insogò te Timanem dini te keneyonan amon megpelowà te otaw lekat te salà.”

Ininang 1:25

somelilin ki Judas aw meinang sogounun megtelaban kenami, se terbaho tinenanan i Judas pesalo doton te temanan din.”

Ininang 1:17

Benal si Judas se doma day, so sikandin heman se pinemallì i Jesus amon megtelaban kandin.”

Luc. 6:48

Iling sikandin te otaw mig-inang te balay. Nemangbang sikandin te ontò medalem lamig minapet te bato, aw yan se pinetindegan din te tollok. Pegkepenga te peg-inang din te balay, miglaneg se wayeg aw minapet te balay din. Meneng wedà iyan keagos, so ontò dimasel.

2 Korinto 4:1

Na, pineokit te keido te Timanem kanak, insogò a din megtoladà aw yan eked a lengà.

Ininang 1:8

Meneng ikà niyo egkelibel kani. Aw domateng se Espiritu Santo kenyo, ketebangan kaw din amon meg-indan kaw tepad kanak doton te Jerusalem, aw kidoen heman te kedita te ogpeanan te Judiya aw Samarya, aw pengkey taman te kebelad te keneyonan.”

2 Korinto 10:1

Na, siak si Pablo doen ipunù ko kenyo lekat te pegketinuud aw keido i Cristo. Siak ekon se telawun aw kidoen a doma niyo, meneng mebolot a ekon aw somolat a kenyo lekat te mediyò.

1 Timoteo 3:16

Netegahan te kedita tadon te ontò mèpiya se kebenalan impetaga-taga te Timanem aw pinemenalan tadon. Migpekeotaw si Jesu Cristo aw dimini te tanà. Impetaga-taga te Espiritu Santo te metòlid sikandin. Kinità sikandin te menge anghil. Inindanan se menge otaw kenà Judiyo tepad kandin. Doen otaw nemenal kandin doton te kebelad te tanà. Inengat sikandin doton te langit.