Kolasas 1:2 - Manobo Sarangani

² Seini se solat day te kedita niyo menge sakop te Timanem doton te lonsod te Kolosas. Sikiyo se menge kedowa day te pegpemenal aw egkeseligan. Ibeg day, tebangan kaw te Timanem, aw begayan kaw din heman te kelinaw te pedowan niyo.

Kolasas 1:2 ပူးပေါင်းရင်းမြစ်များ

Ininang 9:13

Minikagi si Ananias, “Sir, medita se otaw mig-indan kanak te ontò medaet se eg-inangen din diyà te menge otaw sinakop te Timanem doton te Jerusalem.

Roma 1:7

Seini se solat ko diyà te kedita niyo doton te lonsod te Roma. Nedekelan kaw te Timanem te pedowan, aw tinawal kaw din amon meinang kaw menge sakop din. Ibeg ko tebangan kaw te Timanem Amay tadon aw Pengolo tadon si Jesu Cristo, aw begayan kaw dan te kelinaw te pedowan.

1 Korinto 1:2

Seini se solat ko diyà te kedita niyo menge sakop te Timanem kidoen te Korinto. Egpenimanem kaw so migsebad se pedowan niyo diyà ki Jesu Cristo, aw tinawal kaw te Timanem amon inangen kaw din sakop din sipat kedita te doma otaw egpemenal te Pengolo tadon si Jesu Cristo, pengkey doton te menge doma ogpeanan, so sikandin se Pengolo dan heman.

1 Korinto 4:17

Yan insogò ko si Timoteo doton kenyo. Iling sikandin te batà ko egkedekelan ko te pedowan, aw egkeseligan sikandin te pegtaking din te Pengolo tadon. Ipeaneng-aneng kaw din te eg-inangen ko te pegtaking ko ki Jesu Cristo, aw yan se ipegtoladà ko doton te kedita te simbahan pengkey kenan a pesalo.

Galasya 1:3

Ibeg ko, begayan kaw te tabang aw kelinaw te pedowan lekat te Amay tadon Timanem, aw lekat te Pengolo tadon si Jesu Cristo.

Galasya 3:9

Na, nemenal si Abraham te inikagi te Timanem, aw yan inaneng-aneng te Timanem te metòlid sikandin. Iling heman kenyan se kedita te otaw memenal, so eneng-enengen heman te Timanem te metòlid dan.

Efeso 1:1

Se solat seini lekat kanak si Pablo. Lekat te ibeg te Timanem, siak se sebad sogounun i Jesu Cristo. Seini se solat ko diyà te kedita niyo sinakop te Timanem aw gayed egsalig diyà ki Jesu Cristo.

Efeso 6:21

Nayan, ibeg ko ketegahan niyo tepad te peg-ogpà ko aw eg-inangen ko dini, aw yan isogò ko si Tikico meg-indan kenyo te kedita. Sikandin se kedowa tadon te pegpemenal egkedekelan ko te pedowan, aw egkeseligan sikandin egtelaban kanak te pegtoladà tepad te Pengolo tadon.

Filipos 1:1

Seini se solat ko, si Pablo, doma ki Timoteo, didowa kay insogò i Jesu Cristo. Seini se solat day te kedita niyo menge sakop te Timanem kidoen te lonsod te Filipos. Simolat kay heman te menge egpengibing kenyo aw menge doma opisyal te simbahan.

1 Pedro 1:2

Pineokit te ibeg te Timanem Amay tadon gebii, pinemallì kaw din aw ininang kaw din egpenimanem pineokit te tabang te Espiritu Santo amon meketolò kaw ki Jesu Cristo, so pineokit te dipanog din, lininisan kaw den lekat te salà. Ibeg ko, labi kaw pa tebangan te Timanem, aw labi pa melinaw se pedowan niyo.

2 Pedro 1:2

Ibeg ko ontò kaw tebangan te Timanem, aw inangen din heman ontò melinaw se pedowan niyo pineokit te peg-iling niyo tepad te Timanem aw tepad te Pengolo tadon si Jesu Cristo.

Judas 1:2

Ibeg ko ontò kaw keidowan te Timanem, aw begayan kaw heman te kelinaw aw kedakel te pedowan lekat kandin.

Impekità 1:4

Siak si Juan se simolat kani diyà te kedita niyo menge sakop te pito simbahan kidoen te probinsya te Asya. Ibeg ko tebangan kaw aw begayan kaw heman te kelinaw te pedowan lekat te Timanem, aw Espiritu Santo, aw si Jesu Cristo. Gayed doen Timanem pengkey seini, aw gebii, aw modi heman aldaw. Se Espiritu Santo insogò lekat te langit, gayed din ipegpetaga-taga te metolos sikandin pineokit te pito keokit. Keseligan se kagi i Jesu Cristo. Sikandin se tagnà neantay lekat te nematay amon mengolo diyà te kedita te otaw meantay lekat te nematay. Sikandin se eglowan diyà te kedita te selotan dini te keneyonan. Dakel se pedowan din kenitadon, aw yan impelowà kidon din lekat te salà tadon pineokit te dipanog din te pegkematay din doton te kros.