Kolasas 1:12 - Manobo Sarangani

¹² Pegpesiontong kaw diyà te Timanem Amay, so impeakop kaw din diyà te menge sakop din begayan din te mèpiya doton te langit.

Kolasas 1:12 ပူးပေါင်းရင်းမြစ်များ

Mat. 25:34

so mikagi a diyà te menge otaw lenged te kowanan ko, ‘Taking kaw den kanak, so pinemallì kaw te Amay ko Timanem amon meluba kaw. Metoman den iyan so megtebò a den lomowan diyà kenyo iling te peglalang te Amay ko te wedà pa inangi se keneyonan.

Juan 14:6

Minikagi si Jesus, “Siak se dalan. Siak se kebenalan. Siak se eglekatan te kaling pedowan. Eked pekedoton se otaw te Amay ko singed aw onà dan mokit kanak.

Juan 20:17

Minikagi si Jesus, “Ikà eg-awid kanak, so wedà a pa pegpeengat doton te Amay ko. Meneng doton ka te menge kedowa ko, aw peg-indan ka kandan te molì a pa doton te Amay ko, doton te Timanem ko. Sikandin se Amay niyo heman aw Timanem niyo.”

Juan 4:23

Dimateng den se aldaw te keilangan melobos se pedowan te otaw megsimba kandin, aw keilangan ketegahan dan heman se kebenalan tepad kandin egsimbahen dan, so yan se ibeg te Timanem te megsimba se otaw kandin iling kenyan.

Ininang 20:32

Ibeg ko, Timanem se megtonggò kenyo. Ibeg ko, tomolò kaw te kagi te Timanem, so mèpiya iyan aw meketabang kenyo. Aw tomolò kaw te kagi din, begayan kaw din heman te ibegay din diyà te kedita te sakop din.

Ininang 26:18

amon ketegahan dan se kebenalan, amon tomanan dan te kengitngit aw megpesalo dan diyà te kelowahan, amon mekelowà dan lekat te belad i Satanas aw megpesakop dan diyà te Timanem, aw pegwedaden din se salà dan pineokit te pegpemenal dan diyà kanak, amon kinewaen dan heman se ontong ibegay te Timanem diyà te kedita te batà din.’

Roma 11:17

Ipolingun ko se menge Judiyo wedà pemenal iling te menge panga te kayo iningedanan olibo intanem te Timanem, so tinepò se menge panga niyan. Meneng sikiyo menge otaw kenà Judiyo nemenal, iling kaw te menge panga te kayo timobò doton te kebenesan. Meneng inabat kaw te Timanem lekat te kayo timobò doton te kebenesan aw insogpat kaw din doton te lawa te sìyan kayo intanem din amon tomilles kaw kidoen. Yan sinakop kaw den te Timanem diyà te menge otaw eg-ipaten din iling te menge Judiyo inipat din gebii.

Roma 15:27

Yan se ibeg dan megtabang te menge Judiyo. Doen heman ontong dan kandan, so pineokit te menge Judiyo, dimateng den se kagi te Timanem doton te menge otaw kenà Judiyo. Yan mèpiya aw megtabang se menge otaw kenà Judiyo te menge Judiyo nelimahan.

Roma 8:17

So batà kidon din, doen aldaw domateng aw kominawà kidon te kedita te kèpiyaan impetagad din kenitadon. Pengkey eden se ibegay din ki Cristo, yan heman se ibegay din kenitadon. Aw pemilangen kidon tandà te pegtaking tadon ki Cristo, ipelangkaw kidon heman doton te langit doma i Cristo.

Roma 9:23

Yan se ininang din amon ipetaga-taga din diyà te kedita tadon neidowan din te ontò sikandin mèpiya, so impetagad kidon din amon begayan kidon din te kèpiyaan doton te langit.

1 Korinto 8:6

meneng diyà kenitadon egpemenal, olò sebad se Timanem Amay. Sikandin se eglekatan te kedita aw egtekingan tadon. Sebad heman se Pengolo tadon aw yan si Jesu Cristo. Pineokit kandin, ininang te Timanem se kedita, aw pineokit kandin, mekepedapag kidon diyà te Timanem.

1 Korinto 9:23

Yan se eg-inangen ko amon ketegahan te kedita te otaw se Mèpiya Indan tepad ki Cristo, aw amon mekeontong a heman doton te langit.

2 Korinto 11:14

Meneng eked tadon kepelahi se eg-inangen dan, so iling dan ki Satanas egpelingo-lingo te sikandin se sebad anghil insogò te Timanem.

2 Korinto 5:5

Se Timanem, yan se migpetagad den kenitadon amon mekekinawà kidon te kaling lawa, aw sikandin se simogò te Espiritu Santo meg-ogpà dini kenitadon, amon ketegahan tadon te metoman pa se impakang din.

Efeso 1:11

Lekat te ibeg te Timanem se kedita te eg-inangen din. Yan pinemallì kidon din gebii te wedà din pa inangi se keneyonan amon meinang kidon menge sakop din pineokit ki Cristo.

Efeso 1:18

Ibeg ko ontò kaw din toledaan amon ketegahan niyo aw eden se pelimanan niyo tandà te pegtawal din kenyo. Ibeg ko heman ipetaga-taga kaw din te ontò dakel se ontong ibegay din diyà te kedita te otaw sinakop te Timanem.

Efeso 2:18

Pineokit ki Cristo, mekepedapag kidon den diyà te Timanem Amay tadon, so eg-ogpaan den te Espiritu Santo se kedita tadon, pengkey Judiyo aw otaw kenà Judiyo.

Efeso 3:6

Seini se kebenalan impetaga-taga din den. Sikiyo menge otaw kenà Judiyo, so nemenal kaw te Mèpiya Indan tepad ki Jesu Cristo, aw migpesakop kaw diyà kandin, begayan kaw heman te Timanem te kedita onawa te ibegay din diyà te menge Judiyo egpemenal. Ipeakop kaw din heman diyà te otaw lowanan i Cristo doma te menge Judiyo. Begayan kaw heman te Timanem te impakang din, onawa te ibegay din diyà te menge Judiyo egpemenal.

Efeso 4:6

Olò sebad se Timanem Amay te kedita tadon. Eglowan sikandin diyà te kedita tadon. Pengkey kenan kidon peg-ogpà, kidoen sikandin. Eg-ogpà sikandin diyà te kedita tadon.

Efeso 5:11

Ikà niyo eg-inabut te inang wedad ontong eg-inangen te menge sakop te kengitngitan. Meneng keilangan ipekità niyo te medaet se eg-inangen dan.

Efeso 5:20

Keilangan gayed kaw megpesiontong te kedita diyà te Timanem Amay tadon pineokit te ngadan te Pengolo tadon si Jesu Cristo.

Efeso 5:4

Eked heman kepakay aw mikagi kaw te medaet. Eked heman kepakay aw mikagi kaw te wedad ontong. Eked heman kepakay aw megkebawol kaw te medaet. Meneng keilangan gayed kaw megpesiontong diyà te Timanem.

Efeso 5:8

Kedengan, diyà kaw te kengitngitan, so wedà kaw pa ketaga-taga tepad te Timanem. Meneng songkani diyà kaw den te kelowahan, so migpesakop kaw diyà te Pengolo tadon. Yan keilangan imendayan niyo se keogpà niyo diyà te kelowahan.

Kolasas 2:2

Ibeg ko megkagsen se pedowan niyo somalig diyà ki Cristo aw megpedekelay kaw te pedowan. Ibeg ko heman ontò niyo ketegahan se kebenalan tepad ki Cristo, so yan se kaling impetaga-taga din.

Kolasas 3:15

Keilangan isawol niyo diyà te pedowan niyo se kelinaw ibegay i Cristo amon ketegahan niyo aw eden se mèpiya inangen niyo, so yan se tod din te peg-inang din kenyo iling te sebad lawa. Keilangan megpesiontong kaw heman diyà kandin.

Kolasas 3:17

Pengkey eden se inangen niyo aw ikegiyen niyo, eneng-enengi niyo te sakop kaw te Pengolo tadon si Jesus, aw pegpesiontong kaw heman diyà te Timanem Amay pineokit kandin.

Tito 2:14

Sikandin se simelilin kenitadon te pegkematay din amon megpelowà kenitadon lekat te pegkeallang tadon te salà, aw amon sekopen kidon din. Yan se doun te lininisan kidon din lekat te salà, aw ininang kidon din otaw meibeg meg-inang te mèpiya.

Menge Hebreo 12:23

Nekeakop kidon den doma te menge batà te Timanem insolat se ngadan dan doton te langit. Wedad den kelemitanan tadon diyà te Timanem meg-osay te kedita, so impeakop kidon din diyà te kedita te menge doma sakop din nematay den aw ininang din den ontò metòlid doton te langit.

Menge Hebreo 3:1

Menge kedowa ko tinawal aw sinakop te Timanem, peg-aneng-aneng kaw den tepad ki Jesus pinemenalan tadon. Sikandin se insogò te Timanem dini te tanà, aw sikandin se egkagon kenitadon doton te Timanem.

Menge Hebreo 3:14

so aw gayed kidon somalig diyà ki Cristo lekat te keteboan lamig te temanan, meinang kidon menge doma din.

Santiago 3:9

Pineokit te dilà tadon, mekeduyun kidon te Timanem Amay. Meneng pineokit heman te dilà tadon, meketindaet kidon te doma otaw, pengkey ininang te Timanem iling kandin.

1 Pedro 5:1

Nayan, doen ipunù ko diyà te kedita niyo egpengibing te simbahan, so siaken heman se sebad egpengibing te simbahan. Kinità ko se pegpemilang ki Cristo kedengan, aw kitaen ko pa heman se kelangkaw din, so lomikò sikandin te eked kenamay.

1 Juan 1:3

Se ontò day kinità aw dinineg, yan se ipegtoladà day heman kenyo, amon makop kaw heman diyà kenami, so migpesigelakay kay te Timanem Amay aw Batà din si Jesu Cristo.

Impekità 21:23

Wedad heman kekemowan te senang te aldaw aw bolan kidoen, so egsenangan dan te lowa te Timanem, aw Karniro se solò dan kidoen.

Impekità 22:14

Ontò meluba se kedita te otaw neonawan lekat te salà dan, so yan se otaw mepakay komaen te pongo te kayo iningedanan Kayo Mekebegay te Kaling Pedowan, aw mepakay heman aw mawop dan te lelebangan pesalo doton te lonsod.

Impekità 22:5

Wedad delem kidoen, aw wedad kekemowan dan te solò aw aldaw kidoen, so keenyagan dan te Timanem Pengolo dan. Lomowan dan doma te Timanem te wedad temanan.