Kolasas 1:11 - Manobo Sarangani

¹¹ Ibeg day lobosen te Timanem se pegsalig niyo diyà kandin pineokit te tolos din, amon meketayod kaw te kelimahan aw meluba heman se pedowan niyo.

Kolasas 1:11 ပူးပေါင်းရင်းမြစ်များ

Efeso 3:16

Egtawal-tawal a diyà te Timanem Melangkaw egpemegay te ontò mèpiya, so ibeg ko pekegsenen din se pegsalig niyo diyà kandin pineokit te Espiritu Santo.

Filipos 4:13

Pengkey eden se domateng kanak, meketayod a te kedita niyan so egtebangan a i Cristo.

Efeso 4:2

Ikà niyo egpelangkaw-langkaw. Keilangan melayat se pedowan niyo diyà te doma otaw tandà te pegpedekelay niyo te pedowan.

Efeso 6:10

Nayan, seini se temanan te punù ko kenyo. So migpesakop kaw diyà te Pengolo tadon, peseligi se pegtaking niyo kandin pineokit te keseg ibegay din kenyo.

2 Korinto 4:7

Iling a te koden wedad keelagà sinolan te bolawan meelagà, so pengkey wedad keelagà ko, meneng insalig te Timanem kanak se pegtoladà te kebenalan tepad ki Cristo amon ketegahan te menge otaw te sikandin se eglekatan te tolos. Kenà iyan lekat kanak.

Ininang 5:41

Pegkesayo te sogounun i Cristo, ontò neluba se pedowan dan, so aneng-aneng dan, pinemallì dan te Timanem amon pemilangen dan tandà te pegpemenal dan ki Jesus.

Impekità 14:12

Yan se doun te keilangan tomayod se kedita tadon sakop te Timanem diyà te kelimahan, pengkey kedita tadon egtolò te impunù te Timanem aw egsalig diyà ki Jesus.

2 Pedro 1:6

Aw biyasa kaw, keilangan temengan niyo se ibeg niyo meg-inang te medaet. Aw meketameng kaw te ibeg niyo, keilangan meg-iling kaw heman te pegtayod te kelimahan. Aw meketayod kaw te kelimahan, keilangan tomolò kaw heman te ibeg te Timanem.

Roma 2:7

Doen menge otaw gayed eg-inang te mèpiya amon iduyun dan te Timanem, aw amon meg-ogpà dan doma din doton te langit te wedad temanan. Yan se otaw begayan din te kaling pedowan wedad temanan.

Ininang 1:8

Meneng ikà niyo egkelibel kani. Aw domateng se Espiritu Santo kenyo, ketebangan kaw din amon meg-indan kaw tepad kanak doton te Jerusalem, aw kidoen heman te kedita te ogpeanan te Judiya aw Samarya, aw pengkey taman te kebelad te keneyonan.”

Judas 1:25

Iduyun se Timanem. Sebad din se Timanem, aw migpelowà den sikandin kenitadon lekat te salà pineokit te Pengolo tadon si Jesu Cristo. Timanem se ontò mèpiya. Sikandin se ontò melangkaw. Sikandin se eglowan diyà te kedita. Sikandin se ontò metolos. Doen den sikandin gebii, aw songkani, aw te wedad temanan. Metoman iyan.

1 Korinto 16:13

Nayan, peg-ahà kaw. Lobosi niyo se pedowan te pegsalig niyo ki Cristo. Ikà niyo egketalaw, meneng pekeaseb kaw.