Kolasas 1:10 - Manobo Sarangani

¹⁰ Yan se egpemoyoen day amon ibeg te Pengolo tadon se eg-inangen niyo, aw amon gayed sikandin meluba tepad kenyo. Aw yan se inangen niyo, mèpiya se kedita te inang niyo, aw labi kaw pa metaga-taga tepad te Timanem.

Kolasas 1:10 ပူးပေါင်းရင်းမြစ်များ

Efeso 4:1

Nayan, siak se nekeleboso tandà te pegtaking ko te Pengolo, aw yan memoyò a diyà kenyo te keilangan gayed mèpiya se kedita te eg-inangen niyo, sìyan ibeg te Timanem, so yan se tod din te pegtawal din kenyo.

Menge Hebreo 13:21

Yan se doun te egtawal-tawal a diyà te Timanem egpemegay te kelinaw te begayan kaw te kedita te mèpiya tabang din amon mekebatog kaw tomoman te ibeg din. Ibeg ko heman, tebangan kaw din amon meg-inang kaw te mekeluba kandin pineokit te tabang i Jesu Cristo diyà kenyo. Iduyun sikandin te wedad temanan. Metoman iyan.

1 Juan 3:22

Pengkey eden se pemoyoen tadon diyà kandin, netegahan tadon te mekinawà tadon iyan, so egtolò kidon te menge punù din aw ibeg din.

Juan 15:16

Kenà sikiyo se nemallì kanak, meneng siak se nemallì kenyo, aw isogò ko den sikiyo amon megterbaho kaw kanak aw mongo kaw heman te dakel pongo wedad keeminan. Yan aw doen pemoyoen niyo diyà te Amay ko pineokit te ngadan ko, yan se ibegay din kenyo.

1 Tesalonika 4:1

Nayan menge kedowa day, migtoladà kay kenyo te keilangan metòlid se eg-inangen niyo amon meluba se Timanem kenyo. Yan se ininang niyo. Meneng tandà te pegsebad tadon diyà te Pengolo tadon si Jesus, ontò kay den memoyò kenyo te gayed kaw megpekeaseb meg-inang te metòlid.

Menge Hebreo 13:16

Ikà niyo heman egkelibel te keilangan mèpiya se eg-inangen niyo, aw keilangan megtabang kaw te doma niyo nelimahan, so meluba se Timanem kenyo pineokit kenyan.

Juan 15:8

Iduyun se Amay ko pineokit te pegpemongo niyo te dakel, aw yan se kitaen te tinoledaan ko sikiyo.

Tito 3:14

Mèpiya aw meg-iling se menge kedowa tadon doton te keilangan megpekeaseb dan meg-inang te mèpiya, aw megtabang dan te doma otaw ontò nelimahan, amon doen ontong te pegtaking dan te Timanem.

2 Pedro 3:18

Keilangan gayed kaw meg-iling tepad te kèpiya ipegpemegay te Pengolo tadon si Jesu Cristo egpelowà kenitadon. Keilangan meg-iling kaw heman te kebenalan ipetaga-taga din diyà kenyo. Sikandin se iduyun seini aw lamig te wedad temanan. Metoman iyan.

2 Pedro 1:8

Aw kidoen kenyo se kedita niyan, doen dakel ontong niyo te pegketaga-taga niyo te Pengolo tadon si Jesu Cristo.

Kolasas 2:6

Pegpemenal niyo ki Jesu Cristo, neinang sikandin Pengolo niyo, aw yan keilangan tomaking kaw kandin te kelikit te aldaw.

1 Tesalonika 2:12

Migtoladà kay kenyo te metòlid. Mig-antag kay te pedowan niyo. Migpunù kay kenyo te keilangan metòlid se eg-inangen niyo mekeluba te Timanem. Sikandin se timawal kenyo amon sekopen kaw din diyà te peglowan din, aw amon mekekinawà kaw te kèpiya din.

Kolasas 4:5

Keilangan mèpiya se eg-inangen niyo diyà te menge doma otaw kenà egpemenal. Peg-indan kaw kandan tepad ki Cristo te pengkey eden eldawi.

Efeso 5:15

Peg-ahà kaw tepad te eg-inangen niyo. Ikà niyo eg-iling te otaw wedad inenengen. Meneng peg-iling kaw te otaw doen inenengen.

Efeso 2:10

Meneng pineokit ki Cristo, ininang kidon den te Timanem kaling amon mekeinang kidon te mèpiya, so yan se tapay din inlalang kenitadon.

2 Korinto 2:14

Meneng ontò a egpesiontong diyà te Timanem, so sikandin se nenalo kenitadon, aw impetaking kidon din te ibeg din, aw impeakop kidon din diyà ki Cristo. Insalig te Timanem diyà kenitadon se kebenalan tepad ki Cristo amon ipetaga-taga tadon iyan diyà te kedita te otaw, so mèpiya se kebenalan tepad ki Cristo, iling te sebad metinadeg keedekan pengkey kenan.

Roma 6:4

Pineokit te pegpebonyag tadon, iling te nematay kidon doma kandin, aw iling te inlebeng kidon heman doma kandin. Neinang iyan amon begayan kidon te Timanem te kaling pedowan, iling te peg-antay din ki Cristo lekat te nematay pineokit te tolos din.

Efeso 5:10

Pekagsen kaw peg-iling te inang mekebegay te luba diyà te Pengolo tadon.

Efeso 5:2

Keilangan gayed kaw megpedekelay te pedowan iling te kedakel te pedowan i Cristo kenitadon. Pegkematay i Cristo doton te kros, simelilin sikandin kenitadon, aw yan neinang sikandin iling te ayam-ayam inimetayan amon mesinalay se Timanem.

Filipos 1:27

Nayan, pengkey eden se domateng kanak, keilangan onawa se inangen niyo diyà te Mèpiya Indan tepad ki Cristo intoladà kenyo. Yan pengkey domoton a kenyo, aw olò a indanan tepad kenyo, ketegahan ko te wedà kealin se pegsalig niyo diyà ki Cristo, aw sebad se pedowan niyo se egpetebangay te pegtoladà niyo te Mèpiya Indan tepad ki Cristo pinemenalan niyo.

Filipos 1:11

Ibeg ko, olò metòlid se inangen niyo pineokit te tabang i Jesu Cristo kenyo. Yan ipelangkaw aw iduyun se Timanem.

1 Juan 5:20

Netegahan tadon heman te dimini se Batà te Timanem te keneyonan amon ketegahan tadon se benal Timanem. Sikitadon diyà te benal Timanem so diyà kidon te Batà din si Jesu Cristo. Sikandin se benal Timanem, aw sikandin se eglekatan te kaling pedowan wedad temanan.

Tito 3:1

Pegtoladà ka te menge otaw doton kamno te keilangan tomolò dan te menge opisyal te gobirno. Keilangan tomolò dan te menge punù te gobirno. Keilangan meagka se pedowan dan megtelaban te kedita te mèpiya inang.

Kolasas 3:20

Na, sikiyo menge mengisù, keilangan tomolò kaw te kedita te punù te amay aw inay niyo, so meluba se Pengolo tadon aw yan se inangen niyo.

Efeso 4:13

Pineokit kenyan, mekebatog kidon megsebad te pegpemenal tadon aw pegketaga-taga tadon te Batà te Timanem. Yan meinang kidon iling te otaw migketesan, so meinang se keogpà tadon iling te keogpà i Cristo.

Menge Hebreo 11:5

Simalig heman si Enok diyà te Timanem gebii. Pineokit te pegsalig din, wedà sikandin kematay, so inibing sikandin te Timanem doton te langit. Penga niyan, wedà sikandin kitai dini te tanà, so inibing sikandin te Timanem. Doen kagi te Timanem insolat tepad kandin, te wedà pa sikandin ibingi doton te langit, neluba se Timanem kandin.

2 Timoteo 2:4

Aw meinang se otaw sondalo, eked kepakay aw mebuyung sikandin te terbaho te otaw kenà sondalo, so keilangan toloen din se pengolo din amon meluba sikandin.

Kolasas 2:19

Kenà dan egtaking te Pengolo tadon si Cristo. Sikandin se olo tadon, aw iling kidon te lawa din. Eglowan se olo diyà te lawa, aw doen eg-inangen niyan pineokit te luluwadun aw ogat. Iling heman kenyan, pineokit ki Cristo megkagsen se pegpemenal tadon aw meg-inang kidon te ibeg te Timanem.

Filipos 4:18

Wedad den kepulukan ko so nekekinawà a den te kwarta impeibing niyo kanak, igsà doen pa samà. Wedad den kepulukan ko so binegayan a den i Epafrodito te impeibing niyo kanak. Iling iyan te metinadeg ipegbegay diyà te Timanem, so kinità din iyan aw neluba sikandin kenyan.

Efeso 1:17

Egtawal-tawal a diyà te Timanem simogò te Pengolo tadon si Jesu Cristo, aw sikandin se Timanem Amay ipegduyun tadon. Egpemoyò a diyà kandin te tebangan kaw din pineokit te Espiritu Santo, amon megkebiyasa kaw, aw amon metaga-taga kaw heman te Timanem.

2 Korinto 9:8

Timanem se mekebegay te tabang labi pa dakel diyà te lidò niyo amon doen gayed botong kenyo aw amon doen pa heman lampas ibegay niyo diyà te doma otaw nelimahan.

Juan 17:3

Seini se otaw doen kaling pedowan wedad temanan, se otaw netaga-taga kamno, sebad no se ontò benal Timanem, aw netaga-taga heman kanak, si Jesu Cristo insogò no dini te keneyonan.

2 Korinto 4:6

Peg-inang te Timanem te keneyonan, mengitngit aw penga niyan ininang din se kelowahan. Iling kenyan se ininang din kanak, so kedengan, iling te doen kengitngit diyà te pedowan ko, so wedà a kilala ki Jesu Cristo. Meneng linowa din den se pedowan ko amon ipekità din kanak se kelangkaw te Timanem diyà te bawa i Cristo.

Roma 4:12

Neinang heman sikandin olo te kedita te Judiyo tinolì kenà tandà te pegtolì kandan, meneng tandà te pegpemenal dan te Timanem iling te pegpemenal i Abraham te wedà pa sikandin tolii.

Roma 1:13

Menge kedowa ko, ibeg ko ontò kaw metaga-taga te melikit a eglalang domoton kenyo, meneng gayed doen anggà ko. Ibeg ko, meketoladà a heman doton kenyo amon doen otaw memenal, iling te ininang ko doton te menge doma otaw kenà Judiyo,

2 Korinto 5:9

Pengkey matay a, aw pengkey wedà a pa kematay dalem te wedà pa likò se Pengolo, ontò ko ibeg meluba sikandin kanak.

3 Juan 1:6

Mig-indan dan diyà te menge otaw egpemenal dini, te dakel se pedowan no kandan. Mèpiya aw gayed ka megtabang kandan amon domeleg dan megtoladà doton te doma ogpeanan, so yan se ibeg te Timanem inangen tadon.