Juan 9:5 - Manobo Sarangani

⁵ Aw dini a pa te keneyonan, siaken se kelowahan eg-anyag diyà te pedowan te kedita te otaw te keneyonan.”

Juan 9:5 ပူးပေါင်းရင်းမြစ်များ

Mat. 4:16

pengkey iling te eg-ogpà dan doton te kengitngitan, meneng kitaen dan se ontò melowa. Pengkey eg-ogpà dan doton te kengitngitan aw egkelemitan dan te kemetayun, meneng egkeenyagan dan.”

Mat. 5:14

“Dalem te peg-ogpà niyo dini te keneyonan, iling kaw te solò diyà te kedita te otaw. Eked keeles se lonsod aw doton te lanto te bontod.

Luc. 2:32

Sikandin se mekelowa te kengitngit kidoen te pedowan te kedita te otaw kenà Judiyo, aw sikandin se megpetaga-taga diyà kenami menge bowad-bowad i Israel pinemallì no te ontò ka melangkaw.”

Juan 12:46

Siak se lowa dimini te keneyonan amon mekelowà lekat te kengitngitan se otaw memenal kanak.

Juan 8:12

Pegtoladà i Jesus te menge otaw netipon, minikagi, “Siaken se kelowahan eg-anyag diyà te kedita te otaw te keneyonan. Aw tomaking se otaw kanak, wedad kengitngit diyà te pedowan din, so doen keanyag diyà kandin mekebegay te kaling pedowan wedad temanan.”

Ininang 13:47

Yan se inangen day so doen kagi te Pengolo insolat, ‘Inangen ko sikona solò amon manyag ka pengkey doton te menge otaw kenà Judiyo, amon mekelowà se kedita te otaw lekat te salà taman te kebelad te keneyonan.’”

Ininang 26:18

amon ketegahan dan se kebenalan, amon tomanan dan te kengitngit aw megpesalo dan diyà te kelowahan, amon mekelowà dan lekat te belad i Satanas aw megpesakop dan diyà te Timanem, aw pegwedaden din se salà dan pineokit te pegpemenal dan diyà kanak, amon kinewaen dan heman se ontong ibegay te Timanem diyà te kedita te batà din.’

Ininang 26:23

so kagi dan, keilangan pemilangen se Misiyas aw imetayan. Sikandin son dan se tagnà meantay eked palos todà kematay, aw pineokit kenyan, ipetaga-taga din te doen kelowaan te kedita te otaw lekat te salà, pengkey Judiyo aw kenà Judiyo.”

Efeso 5:14

Aw doen manyag, keenyagan se kedita. Yan se doun te doen eg-ikegiyen seini. “Aw timedogi ka pa, keloka ka den. Aw nematay ka pa, keantay ka den lekat te nematay, So keenyagan kaw den i Cristo.”

Impekità 21:23

Wedad heman kekemowan te senang te aldaw aw bolan kidoen, so egsenangan dan te lowa te Timanem, aw Karniro se solò dan kidoen.