Juan 9:35 - Manobo Sarangani

³⁵ Pegdineg i Jesus te impelowà dan lekat te simbahan se otaw negolian, pinengemahà din sikandin. Pegkità din kandin, mig-insà si Jesus, “Nemenal ka lay te doen Timanem Migpekeotaw?”

Juan 9:35 ပူးပေါင်းရင်းမြစ်များ

Mat. 14:33

Limongken se doma tinoledaan diyà ki Jesus, aw migsimba dan kandin, aw minikagi dan, “Ontò ka Batà te Timanem.”

Mat. 16:16

Timaba si Simon iningedanan din ki Pedro, kagi din, “Sikona se Misiyas. Sikona se Batà te Timanem.”

Mat. 4:3

Dimateng si Satanas aw minikagi sikandin, “Aw ontò ka Batà te Timanem, inangi pan se menge bato seini pineokit te tolos no amon doen kànen nikaw.”

Mar. 1:1

Seini se keteboan te Mèpiya Indan tepad te Batà te Timanem, si Jesu Cristo.

Juan 1:18

Wedad palos otaw kimità te Timanem. Meneng se Batà din temisa, yan se migpetaga-taga diyà kenitadon tepad te Amay din, so gayed dan egpedomaay.

Juan 1:34

Yan se kinità ko den, aw iindan ko den kenyo te sikandin se Batà te Timanem.”

Juan 10:36

eden niyo aw migtompuyus a te Timanem pineokit te inikagi ko seini te siak se Batà te Timanem, so pinemallì a din aw insogò a din heman dini te keneyonan.

Juan 11:27

Timaba si Marta, “Ee, Pengolo. Nemenal a te sikona se Batà te Timanem. Sikona se Misiyas insogò din dini te keneyonan.”

Juan 20:28

Meneng olò minikagi si Tomas, “Sikona se Pengolo ko. Sikona se Timanem ko.”

Juan 20:31

Meneng insolat ko ini amon memenal kaw den te si Jesus se Misiyas megpelowà kenitadon aw sikandin se Batà te Timanem. Aw memenal kaw kandin, begayan kaw te kaling pedowan wedad temanan.

Juan 3:36

Se otaw memenal diyà te Batà te Timanem, yan se otaw doen kaling pedowan wedad temanan. Meneng se otaw eked tolò te kagi te Batà te Timanem, yan se otaw eked begayi te kaling pedowan, meneng detengan dan te pelumun te Timanem te wedad temanan.

Juan 5:14

Penga niyan te wedà kenamay, nengemahà si Jesus kandin kidoen te dakel simbahan te Judiyo. Pegkità din kandin, minikagi si Jesus, “Na, negolian ka den. Lengà ka den te peg-inang no te salà amon eked ka detengi te labi pa medaet.”

Juan 6:69

Nemenal kay den kamno, aw netegahan day te wedad salà no aw sikona se insogò te Timanem.”

Juan 9:22

Yan se inikagi te amay aw inay din, so nelemitan dan te menge obanen te Judiyo. Tapay migsebad se menge obanen te eked den dan peopi te simbahan se otaw mikagi te si Jesus se Misiyas.

Juan 9:34

Minikagi dan, “Pegtebaw no, bota ka so doen salà nikaw. Yan eked kepakay aw sikona se megtoladà kenami.” Penga niyan, impelowà dan sikandin lekat te simbahan.

Ininang 8:36

Wedà kenamay, dimateng dan doton te wayeg. Minikagi se tege Etyopya, “Doen wayeg dini. Mepakay lay aw bonyagan a no?” [

Ininang 8:37

Minikagi si Felipe, “Mepakay aw ontò ka den nemenal.” Minikagi se tege Etyopya, “Nemenal a den te si Jesu Cristo se ontò Batà te Timanem.”]

Ininang 9:20

Wedà kenamay, dimoton si Saulo te simbahan te Judiyo aw migtoladà diyà te otaw kidoen te si Jesus se Batà te Timanem.

Roma 1:4

Netegahan tadon te ontò Timanem si Jesu Cristo, so pineokit te peg-antay te Timanem kandin lekat te nematay, impetaga-taga din te Batà din se Pengolo tadon si Jesu Cristo.

Roma 10:20

Labi pa mebangal se kagi te Timanem insolat i Isaias tepad te menge otaw kenà Judiyo, kagi din, “Kinità a te menge otaw wedà pengemahà kanak. Pengkey wedà dan peg-insà tepad kanak, meneng migpekità a den diyà kandan.”

1 Juan 4:15

Se otaw mikagi te benal Batà te Timanem si Jesus, yan se otaw doen Timanem diyà kandin, aw diyà heman sikandin te Timanem.

1 Juan 5:10

Aw nemenal se otaw te Batà te Timanem, ontò din insawol se kebenalan sìyan kidoen te pedowan din. Meneng aw eked pemenal se otaw te Timanem, aneng-aneng din bolelawun se Timanem, so eked sikandin pemenal te inikagi te Timanem tepad te Batà din.

1 Juan 5:13

Sinolatan ko sikiyo nemenal den diyà te Batà te Timanem amon ontò niyo ketegahan te doen den kaling pedowan niyo wedad temanan.

1 Juan 5:20

Netegahan tadon heman te dimini se Batà te Timanem te keneyonan amon ketegahan tadon se benal Timanem. Sikitadon diyà te benal Timanem so diyà kidon te Batà din si Jesu Cristo. Sikandin se benal Timanem, aw sikandin se eglekatan te kaling pedowan wedad temanan.

1 Juan 5:5

Se otaw nemenal te si Jesus se Batà te Timanem, yan se mekedaeg te kedita te medaet dini te keneyonan.

3 Juan 1:10

Aw domateng a doton kenyo, ipetaga-taga ko se medaet inang din, so medaet se eg-ikegiyen din tepad kanak. Pengkey medaet iyan, doen labi pa medaet eg-inangen din, so aw domateng se menge menenoladà kidoen, kenà sikandin egsagman kandan. Aw meibeg se doma otaw megsagman kandan, egsegdahen din dan, aw ipelowà din dan peden heman lekat te kedita dan egpemenal.