Juan 9:29 - Manobo Sarangani

²⁹ Netegahan day te si Moises se insogò te Timanem. Meneng otaw sìyan, wedà day ketegahi aw sinu se simogò kandin.”

Juan 9:29 ပူးပေါင်းရင်းမြစ်များ

Mat. 12:24

Meneng pegdineg te menge Parisiyo te migpelowà si Jesus te bosaw, minikagi dan, “Binegayan sikandin te tolos lekat te pengolo te bosaw si Belsebul, se doma ngadan i Satanas, aw yan se doun te egpelowà sikandin te bosaw lekat te otaw.”

Mat. 26:61

aw minikagi dan, “Dinineg day se inikagi din te mekebatog sikandin megbaet te dakel simbahan sida eg-ogpaan te Timanem, aw todà din iyan ipetindeg dalem te telo se aldaw.”

Luc. 23:2

Migdimanda dan tepad ki Jesus, kagi dan, “Kinità day se otaw seini megsamok peden te pongan day, so migtoladà sikandin te eked kepakay aw mayad kay te mihoras diyà te gobirno te Roma. Migpelingo-lingo heman sikandin Misiyas, sìyan selotan lomowan kenami.”

Juan 1:17

Nemegay se Timanem kenitadon te punù din pineokit ki Moises. Meneng pineokit ki Jesu Cristo, nemegay se Timanem kenitadon te tabang din aw kebenalan.

Juan 7:27

Meneng kenà din besi se pinelimanan tadon, so aw domateng se Misiyas isogò te Timanem, wedad otaw metaga-taga aw kenan sikandin lekat. Meneng netegahan tadon se tinikedowan te otaw seini.”

Juan 7:28

Pegtoladà i Jesus kidoen te dakel simbahan te Jerusalem, minikagi sikandin, “Eden niyo aw netegahan niyo te sinu a aw kenan a lekat. Dimini a kenà pineokit te kenaken ibeg, meneng insogò a dini. Egkeseligan se simogò kanak, meneng wedà kaw ketaga-taga kandin.

Juan 8:14

Timaba si Jesus, “Pengkey olò sebad ko se mig-indan tepad kanak, meneng benal se inikagi ko, so netegahan ko aw kenan a lekat, aw netegahan ko heman aw kenan a pesalo. Meneng sikiyo, wedà kaw ketaga-taga aw kenan a lekat aw kenan a pesalo.

Juan 9:16

Penga niyan, doen menge Parisiyo minikagi tepad ki Jesus, “Kenà sikandin insogò te Timanem, so eglàpang sikandin te punù tepad te aldaw te peg-etod.” Meneng doen menge doma otaw minikagi, “Simpana sikandin se metilàpang te punù, eked sikandin pekebatog meg-inang te menge kepelahan iling kani.” Yan migpedindilay dan.

Juan 9:24

Yan todà dan impeangay se otaw negolian te mata din, aw minikagi dan, “Na, peg-indan ka den te benal, so kinità ka den te Timanem. Netegahan day den te limàpang sikandin te punù ingkeliwat i Moises.”

Juan 9:30

Minikagi se otaw negolian, “Ontò a den nepela kenyo. Pengkey migpegolì sikandin te mata ko pineokit te tolos din, meneng wedà niyo pa ketegahi aw sinu se simogò kandin.

Ininang 22:22

Pegdineg dan te isogò sikandin doton te menge otaw kenà Judiyo, wedà dan ebey penenalan kandin. Migbelobansag dan, kagi dan, “Imetayan tadon den sikandin. Mèpiya pa aw matay sikandin.”

Ininang 26:22

Meneng gayed a egtebangan te Timanem lamig te aldaw seini, aw yan timayod a migtoladà te kedita te otaw pengkey sagkep aw melangkaw. Migtoladà a olò te netoman den se pakang ingkeliwat te menge telekeliwat te kagi te Timanem aw kemonaan tadon si Moises,

Ininang 7:35

“Si Moises se tapay kinuluwan te kedomaan din bowad-bowad i Israel, so tapay dan minikagi, ‘Wedad migsogò kamno amon lomowan ka aw megtoladà kenami.’ Meneng sikandin se insogò te Timanem amon lomowan aw mengibing kandan. Migtabang kandin se anghil migpekità diyà kandin doton te sagbet limegdeg.

Menge Hebreo 1:1

Gebii, pineokit te menge telekeliwat te kagi te Timanem se peg-ikagi din diyà te menge kemonaan tadon Judiyo. Mekedita se peg-ikagi diyà kandan, aw medita se kinemoloan te peokit te peg-ikagi din kandan.

Menge Hebreo 1:2

Meneng songkani, sebad den se ininang te Timanem, so pineokit te Batà din si Jesu Cristo se peg-ikagi din kenitadon. Pineokit heman ki Jesu Cristo se peg-inang te Timanem te keneyonan. Sikandin heman se pinemallì te Timanem amon menig-apò te kedita.