Juan 9:24 - Manobo Sarangani

²⁴ Yan todà dan impeangay se otaw negolian te mata din, aw minikagi dan, “Na, peg-indan ka den te benal, so kinità ka den te Timanem. Netegahan day den te limàpang sikandin te punù ingkeliwat i Moises.”

Juan 9:24 ပူးပေါင်းရင်းမြစ်များ

Mar. 15:27

Doen heman dowa megdedempasay inlansang diyà te kros kidoen te tangkil din, aw si Jesus diyà te tengà-tengà. [

Luc. 15:2

Yan se doun te migtindaet se menge Parisiyo aw menenoladà te punù, aw minikagi dan, “Medaet se eg-inangen din, so egsigelaken din se menge otaw egpekesalà aw eglàpang te punù ingkeliwat i Moises. Medaet so egpengaen sikandin doma dan.”

Luc. 19:7

Meneng simila se kedita te otaw kimità kenyan, kagi dan, “Medaet iyan, so midegà sikandin kidoen te balay te otaw nelegeb te salà.”

Luc. 7:39

Nayan, sìyan Parisiyo migpekaen ki Jesus, pegkità din te ininang te bayi, mig-aneng-aneng sikandin te kenà ontò telekeliwat insogò te Timanem si Jesus. Aneng-aneng din, simpana si Jesus se benal telekeliwat insogò te Timanem, ketegahan din aw eden se eg-inangen te bayi sìyan, so ontò sikandin mig-inang te salà.

Juan 14:30

Wedad den nael aldaw te pegtoladà ko kenyo, so agpet den domateng se pengolo te medaet dini te keneyonan, amon domaeg peden kanak. Eked a din dàgi,

Juan 16:2

Domateng se aldaw eked kaw peopi kidoen te menge simbahan te Judiyo. Imetayan kaw heman te otaw meg-aneng-aneng te yan se ibeg te Timanem.

Juan 18:30

Timaba dan, “Simpana wedad salà ininang din, eked day ibingi dini kamno amon ipelumun nikaw.”

Juan 19:6

Meneng se menge pengolo te simbahan aw otaw egtonggò te simbahan, pegkità dan ki Jesus, migbelobansag dan, “Imetayi sikandin. Lensangi diyà te kros.” Minikagi si Pilato, “Sikiyo se mengibing kandin aw meglansang kandin diyà te kros amon matay, so se kenaken, kinità ko te wedad salà din.”

Juan 5:23

so ibeg din segmanen a heman te kedita te otaw, onawa te pegsagman dan kandin. Aw eked pegsagman se otaw kanak, yan se pengilala te kenà heman sikandin egsagman te Amay ko simogò kanak.

Juan 8:46

Wedad sebad kenyo mekeindan te benal doen salà ininang ko. Olò kebenalan se intoladà ko, meneng wedà kaw pemenal kanak.

Juan 8:49

Minikagi si Jesus, “Wedad bosaw diyà kanak. Ipegpelangkaw ko olò se Amay ko, meneng eglindò kaw kanak.

Juan 9:16

Penga niyan, doen menge Parisiyo minikagi tepad ki Jesus, “Kenà sikandin insogò te Timanem, so eglàpang sikandin te punù tepad te aldaw te peg-etod.” Meneng doen menge doma otaw minikagi, “Simpana sikandin se metilàpang te punù, eked sikandin pekebatog meg-inang te menge kepelahan iling kani.” Yan migpedindilay dan.

Juan 9:25

Timaba se otaw, “Wedà ko ketegahi aw benal aw kenà benal te sikandin se limàpang te punù ingkeliwat i Moises. Meneng sebad olò se netegahan ko, te bota a kedengan, meneng egpengità a den songkani.”

Roma 8:3

So medaet se pedowan tadon, eked kidon peketolò te menge punù ingkeliwat i Moises. Meneng tinebangan kidon te Timanem, so insogò din se Batà din dini te tanà. Migpekeotaw sikandin amon ipelumun tandà te salà tadon. Pineokit te pegkematay din, wedad den eneg te salà, aw eked kidon den keleges tomaking te medaet ibeg te pedowan tadon.

2 Korinto 5:21

Pengkey wedad salà i Cristo, meneng impelumun sikandin te Timanem tandà te salà tadon, amon eneng-enengen te Timanem te metòlid kidon pineokit te pegpesakop tadon diyà ki Cristo.

Impekità 11:13

Penga niyan, doen ontò magsen linog, aw nebàtan se ikesempolò ketengà te balay te lonsod sìyan. Pito melalan heman se otaw negelà te linog. Ontò nelemitan se otaw nesamà, aw induyun dan se kelangkaw te Timanem eg-ogpà kidoen te langit.