Juan 9:2 - Manobo Sarangani

² Mig-insà se menge tinoledaan i Jesus, “Sir, sinu lay se mig-inang te salà doun te bota se otaw seini lekat te pegtebaw din? Sikandin lay se mig-inang te salà, aw amay aw inay din?”

Juan 9:2 ပူးပေါင်းရင်းမြစ်များ

Luc. 13:2

Minikagi si Jesus diyà kandan, “Ikà niyo eg-aneng-aneng te inimetayan dan so labi pa medaet se salà dan diyà te menge doma dan menge sakop te probinsya te Galiliya.

Juan 9:34

Minikagi dan, “Pegtebaw no, bota ka so doen salà nikaw. Yan eked kepakay aw sikona se megtoladà kenami.” Penga niyan, impelowà dan sikandin lekat te simbahan.

Ininang 28:4

Pegkità te menge tege Malta te memokan diyà te belad din, migpebelaw-belaway dan, kagi dan, “Sikandin besi se metibonò. Pengkey wedà sikandin kematay doton te dagat, meneng dini te tanà matay sikandin, so yan se pelumun te salà din.”

Mat. 16:14

Timaba dan, “Doen menge otaw eg-ikagi te sikona si Juan Memonyagay. Doen heman eg-ikagi te sikona si Elias. Doen heman eg-ikagi te sikona si Jeremias aw doma telekeliwat te kagi te Timanem gebii.”

Mat. 23:7

Ibeg dan segmanen dan te doma otaw doton te pedyanan, aw ibeg dan tewalen Meistro.

Mat. 23:8

Meneng eked kepakay aw tewalen kaw Meistro te doma otaw, so telekedowa se kedita niyo aw sebad ko se meistro egtoladà kenyo.

Juan 4:31

Pegtanan te bayi ki Jesus, minikagi se menge tinoledaan din, “Sir, kaen ka den.”

Juan 9:1

Peg-ipanaw i Jesus, kinità din se otaw bota lekat te pegtebaw din.