Juan 9:16 - Manobo Sarangani

¹⁶ Penga niyan, doen menge Parisiyo minikagi tepad ki Jesus, “Kenà sikandin insogò te Timanem, so eglàpang sikandin te punù tepad te aldaw te peg-etod.” Meneng doen menge doma otaw minikagi, “Simpana sikandin se metilàpang te punù, eked sikandin pekebatog meg-inang te menge kepelahan iling kani.” Yan migpedindilay dan.

Juan 9:16 ပူးပေါင်းရင်းမြစ်များ

Mat. 12:10

Doen otaw kidoen nekepis se belad din. Doen heman menge doma otaw kidoen nengemahà te idimanda dan tepad ki Jesus, aw yan se doun te mig-insà dan, “Aw megpegolì se otaw te sebad otaw te aldaw te peg-etod, mekelàpang lay sikandin te punù ingkeliwat i Moises?”

Mat. 12:2

Meneng pegkità te menge Parisiyo te ininang dan, minikagi dan diyà ki Jesus, “Tay law. Mig-inang se menge tinoledaan no te salà, so doen punù ingkeliwat i Moises te keilangan eked kidon pegterbaho te aldaw te peg-etod.”

Luc. 13:14

Meneng ontò neopal se obanen te simbahan so aldaw te peg-etod se pegpegolì i Jesus te bayi sìyan. Yan se doun te minikagi sikandin diyà te kedita te otaw kidoen, “Kelikit te simana, enem se aldaw mepakay megterbaho se otaw, aw yan se aldaw mepakay aw kegolian kaw. Meneng eked kepakay aw seini, so aldaw te peg-etod.”

Juan 10:19

Pegdineg te menge obanen te Judiyo te inikagi i Jesus, todà dan migpedindilay, so wedà dan pegsebad.

Juan 14:11

Pemenal ka te inikagi ko, te diyà a te Amay ko, aw diyà heman sikandin kanak. Aw eked ka pemenal kenyan pengkey siak se minikagi kenyan, pemenal ka kenyan tandà te menge kepelahan ininang ko.

Juan 15:24

Simpana wedà dan kità te menge kepelahan ininang ko eked keinang te doma otaw, eked dan heman petega-tegahi te doen salà dan. Meneng nebensi dan kanak aw Amay ko, pengkey kinità dan se kepelahan ininang ko.

Juan 2:11

Peg-inang i Jesus kenyan kidoen te Kana sakop te probinsya te Galiliya, yan se tagnà kepelahan ininang din amon ipekità din te doen kelangkaw din. Nemenal se menge tinoledaan din kandin.

Juan 3:2

Dimoton sikandin ki Jesus te delem, aw minikagi, “Sir, netegahan day den te insogò ka te Timanem amon megtoladà kenami, so wedad otaw mekebatog meg-inang te kepelahan iling te ininang no den singed aw doen tolos ibegay te Timanem kandin.”

Juan 5:10

Yan neopalan te menge obanen te Judiyo se otaw negolian. Minikagi dan, “Seini se aldaw te peg-etod. Nekelàpang ka te punù so nengibing ka te ikam.”

Juan 5:36

Meneng doen pa meg-indan te benal labi pa keseligan diyà ki Juan, so lekat te Amay ko se kedita te kepelahan eg-inangen ko, aw yan se egpetaga-taga te ontò a insogò te Amay ko.

Juan 6:52

Pegdineg te menge obanen te Judiyo kenyan, migpedindilay dan, kagi dan, “Eked sikandin pemegay te onod din kenitadon amon mekaen tadon iyan.”

Juan 7:12

Medita se otaw netipon kidoen te pista, aw migpedindilay dan tepad ki Jesus. Doen menge otaw minikagi, “Mèpiya otaw sikandin.” Doen heman menge doma otaw minikagi, “Kenà, so eg-akal sikandin te otaw pineokit te ipegtoladà din.”

Juan 7:23

Yan eked kepakay aw keopalan a niyo, so aw mepakay se pegtolì niyo te otaw dalem te aldaw te peg-etod amon toloen se punù ingkeliwat i Moises, mepakay heman se pegpegolì ko te kedakel te lawa te otaw dalem te aldaw te peg-etod.

Juan 7:43

Wedà dan pegsebad, aw yan se doun te migpedindilay dan tepad kandin.

Juan 9:24

Yan todà dan impeangay se otaw negolian te mata din, aw minikagi dan, “Na, peg-indan ka den te benal, so kinità ka den te Timanem. Netegahan day den te limàpang sikandin te punù ingkeliwat i Moises.”

Ininang 14:4

Meneng wedà pegsebad se pedowan te otaw eg-ogpà kidoen, so doen migpedigsel te menge Judiyo kenà egpemenal, aw doen heman migpedigsel te menge sogounun i Cristo.