Juan 8:59 - Manobo Sarangani

⁵⁹ Pegdineg dan te inikagi din sìyan, nengimon dan te menge bato ibontog kandin, so ibeg dan imetayan dan sikandin. Meneng mineles si Jesus aw nesayo lekat te dakel simbahan.

Juan 8:59 ပူးပေါင်းရင်းမြစ်များ

Juan 11:8

Minikagi se menge tinoledaan din, “Sir, mèpiya aw eked ka pa likò doton, so doen pa ibeg te menge obanen te Judiyo memontog kamno te bato amon imetayan ka.”

Ininang 7:57

Meneng sinempengan te kedita te otaw se telinga dan amon eked dan dineg te kagi din. Migpuypuy dan tandà te keopal dan. Penga niyan, linimpongan dan si Esteban,

Juan 18:31

Minikagi si Pilato, “Mèpiya aw sikiyo se megpelumun kandin tepad te menge punù egtoloen niyo.” Minikagi se menge obanen te Judiyo, “Meneng eked kepakay diyà te gobirno te Roma aw sikami se mengimatay te otaw ipelumun day.”

Juan 12:36

Meneng dalem te doen pa kelowahan dini kenyo, keilangan tomaking kaw te kelowahan, amon meinang kaw sakop te kelowahan.” Penga te peg-ikagi i Jesus kenyan, nesayo kidoen aw mineles.

Juan 11:54

Yan se doun te limengà si Jesus te peglegeb din kidoen te menge lonsod te Judiyo. Meneng nesayo sikandin aw dimoton te lonsod iningedanan Ipraim, medapag te kebigtilan. Mig-ogpà sikandin kidoen aw menge tinoledaan din.

Juan 5:13

Meneng wedà ketegahi te otaw negolian aw sinu se ngadan te migpegolì kandin, so dimeleg den si Jesus, aw medita se otaw netipon kidoen.

Luc. 24:31

Penga niyan, kinilala den dan te sikandin si Jesus. Meneng pegketà, migkewedad sikandin kidoen.

Genesis 19:11

Penga niyan, pineokit te tolos dan, ininang dan bota se kedita te otaw medapag te lelebangan, amon eked dan kità te lelebangan.

Mat. 12:14

Meneng nesayo se menge Parisiyo, aw migpebelaw-belaway dan tepad te inangen dan amon matay dan si Jesus.

Juan 9:1

Peg-ipanaw i Jesus, kinità din se otaw bota lekat te pegtebaw din.