Juan 8:54 - Manobo Sarangani

⁵⁴ Timaba si Jesus, “Simpana megpelangkaw-langkaw a, wedad ontong ko. Meneng ipegpelangkaw a te Amay ko, aw eg-ikagi kaw te sikandin se Timanem egsimbahen niyo.

Juan 8:54 ပူးပေါင်းရင်းမြစ်များ

Juan 17:1

Pegkepenga te peg-ikagi i Jesus diyà te menge tinoledaan din, limengag sikandin doton te langit aw migtawal-tawal, kagi din, “Amà, dimateng den se oras pinemallì nikaw. Pekitai te melangkaw se Batà nikaw, amon ipekità ko heman te melangkaw ka.

Juan 17:5

Nayan Amà, pekitai heman kidoen te langit te melangkaw a, iling te kelangkaw ko gebii te pegdoma ko kamno te wedà pa inangi se keneyonan.

Juan 2:11

Peg-inang i Jesus kenyan kidoen te Kana sakop te probinsya te Galiliya, yan se tagnà kepelahan ininang din amon ipekità din te doen kelangkaw din. Nemenal se menge tinoledaan din kandin.

Juan 5:41

Kenà aw egkeibegan ko se duyun te otaw,

Juan 7:18

Aw teboken te otaw se itoladà din, ibeg din domuyun te kandin pegkeotawun. Meneng aw pineokit te pegtoladà din, iduyun din se simogò kandin, yan se pengilala te benal se ipegtoladà din, aw kenà sikandin bolelawun.

Juan 7:39

Se inikagi din tepad te wayeg, yan se tegdeyanan din tepad te Espiritu Santo ibegay diyà te kedita te otaw memenal kandin. Meneng wedà pa dateng se Espiritu Santo kandan, so wedà pa pegpeengat si Jesus doton te langit.

Juan 8:41

Yan iling kaw te amay niyo.” Minikagi dan, “Kenà kay batà te lowà. Sebad olò se Amay day, aw yan se Timanem.”

Juan 8:50

Kenà ibeg ko aw megpelangkaw-langkaw a, meneng doen meibeg te ipelangkaw a te otaw, aw sikandin se megpetaga-taga te benal se kagi ko.

Ininang 3:13

Timanem se egseligan te kemonaan tadon si Abraham, si Isaac, aw si Jacob. Timanem se migpegolì kandin amon iduyun se Batà te Timanem si Jesus. Kedengan insogò din si Jesus dini te tanà, meneng sikiyo se otaw nemegay kandin diyà te belad te gobirno. Pengkey ibeg i Pilato ipelowà din si Jesus, meneng simagda kaw kandin amon imetayan se insogò te Timanem.

2 Korinto 10:18

Na, eked duyuni te Timanem se otaw domuyun te kandin pegkeotawun. Meneng aw Timanem se domuyun te otaw, yan ketegahan din te ontò iyan benal.

1 Pedro 1:12

Meneng impetaga-taga te Timanem kandan te eked ketoman se kagi din ingkeliwat dan tepad ki Cristo te eked dan pa kematay, meneng sikitadon se netomanan te kagi te Timanem ingkeliwat dan. Netoman den iyan aw yan se intoladà diyà kenyo. Se menge otaw migtoladà kenyo te Mèpiya Indan sìyan tepad ki Cristo, tinoledaan dan te Espiritu Santo insogò din lekat te langit. Ontò mèpiya se kebenalan sìyan igsà ibeg te menge anghil metaga-taga dan peden heman tepad kenyan.

1 Pedro 1:21

Pineokit ki Cristo, nemenal kaw den te Timanem mig-antay kandin lekat te nematay aw mig-inang kandin melangkaw doton te langit. Timanem den se egseligan niyo te doen egpelimanan niyo doton te langit.

2 Pedro 1:17

Migdoma kay kandin kedengan te pegduyun te Timanem Amay kandin aw pegpelangkaw din kandin. Dinineg day se kagi te Timanem Melangkaw, kagi din, “Seini se Batà ko. Dakel se pedowan ko kandin, aw ontò a neluba kandin.”