Juan 8:53 - Manobo Sarangani

⁵³ Kenà ka melangkaw diyà te kemonaan day si Abraham, so nematay sikandin aw kedita te telekeliwat te kagi te Timanem gebii. Sinu lay peden se pelingo-lingowan nikaw?”

Juan 8:53 ပူးပေါင်းရင်းမြစ်များ

Juan 4:12

Kemonaan tadon gebii si Jacob se nemangbang te sokian seini egselokan tadon. Seini se eg-ineman din, aw kedita te batà din, aw ayam-ayam din. Labi ka lay pa melangkaw diyà kandin?”

Roma 9:5

Nedengeg se menge kemonaan dan pinemallì din gebii. Pegpekeotaw te Misiyas, timebaw sikandin diyà te kandan pongan. Sikandin se Timanem eglowan diyà te kedita. Iduyun sikandin te wedad temanan. Metoman iyan.

Juan 19:7

Minikagi se menge obanen te Judiyo, “Doen punù ingkeliwat i Moises diyà kenami linèpangan din, aw yan se doun te keilangan ipelumun sikandin aw imetayan, so minikagi te sikandin se Batà te Timanem.”

Juan 12:34

Meneng minikagi se menge otaw, “Doen intoladà kenami kidoen te kagi te Timanem insolat, te wedad palos temanan te peglowan te Misiyas megpelowà kenitadon. Meneng minikagi ka te keilangan isawol se Timanem Migpekeotaw kidoen te kayo intollok. Nengà lay iyan? Sinu lay se sìyan Timanem Migpekeotaw?”

Juan 10:33

Timaba se menge obanen te Judiyo, “Bontogan day sikona te bato kenà so mig-inang ka te kepelahan, meneng bontogan ka so migtompuyus ka te Timanem. Pengkey olò ka otaw, meneng minikagi ka den seini te Timanem ka.”

Juan 8:58

Minikagi si Jesus, “Eneng-enengi niyo se kagi ko. Te wedà pa tebaw si Abraham, tapay a den doen.”

Juan 5:18

Pegdineg dan kenyan, labi dan pa meibeg mengimatay kandin. Neopal dan kandin so wedà sikandin taking te ketanem dan tepad te aldaw te peg-etod. Neopal dan heman so minikagi sikandin te Timanem se Amay din, aw pineokit kenyan onawa se kelangkaw din diyà te Timanem.

Mat. 12:6

Eneng-enengi niyo se kagi ko seini. Pengkey melangkaw se dakel simbahan, meneng doen dimateng den dini kenyo labi pa melangkaw diyà te simbahan.

Mat. 3:9

Ikà niyo eg-aneng-aneng te eked kaw pelumuni so bowad-bowad kaw i Abraham. Eneng-enengi niyo se kagi ko seini. Pengkey se menge bato seini te lanto te tanà, mepakay iyan inangen te Timanem menge bowad-bowad i Abraham somelilin kenyo.