Juan 8:49 - Manobo Sarangani

⁴⁹ Minikagi si Jesus, “Wedad bosaw diyà kanak. Ipegpelangkaw ko olò se Amay ko, meneng eglindò kaw kanak.

Juan 8:49 ပူးပေါင်းရင်းမြစ်များ

1 Pedro 2:23

Pegtompuyus dan kandin, wedad medaet intaba din. Pegpengimatay dan kandin, wedà sikandin peglamit kandan. Olò sikandin simalig diyà te Timanem eg-okom te metòlid.

Juan 17:4

Impekità ko den dini te keneyonan te melangkaw ka, so tinoman ko den se kedita te impunù no kanak.

Juan 14:13

Pengkey eden se pemoyoen niyo diyà te Amay ko pineokit te ngadan ko, yan se inangen ko kenyo, amon kitaen niyo te melangkaw se Timanem pineokit te eg-inangen ko.

Juan 11:4

Pegdineg i Jesus kenyan, minikagi, “Pengkey nesekitan sikandin, meneng se tod kenà amon matay, meneng amon ipekità te melangkaw se Timanem. Ipekità heman te melangkaw a Batà te Timanem pineokit kenyan.”

Juan 8:29

Gayed a egtebangan te simogò kanak. Wedà a din tenani, so gayed ko eg-inangen se ibeg din.”

Juan 12:28

Penga niyan, migtawal-tawal si Jesus, “Amà, pekitai diyà te menge otaw dini te ontò ka melangkaw.” Peg-ikagi din kenyan, dinineg dan se kagi te Timanem lekat te langit, kagi din, “Tapay ko den iyan impekità, aw todà ko heman ipekità.”

Juan 7:20

Timaba se menge otaw netipon, kagi dan, “Migkebook ka den so dinetengan ka te bosaw. Wedad man otaw meibeg mengimatay kamno.”

Ininang 5:41

Pegkesayo te sogounun i Cristo, ontò neluba se pedowan dan, so aneng-aneng dan, pinemallì dan te Timanem amon pemilangen dan tandà te pegpemenal dan ki Jesus.

1 Korinto 11:14

Netegahan tadon diyà te pedowan tadon te eked kepakay aw melayat se logay te meama iling te bayi.

1 Korinto 15:43

Pengkey medaet se bawa tadon, meneng aw entayen kidon, ontò den mèpiya se bawa tadon. Pengkey egkelomay kidon songkani, meneng eked pegkelomay se kaling lawa tadon.