Juan 8:44 - Manobo Sarangani

⁴⁴ Si Satanas se ontò amay niyo, aw se ibeg din medaet, yan heman se ibeg niyo inangen. Lekat te ketebò te keneyonan, egpengimatay sikandin. Wedad palos labut din te kebenalan, so wedad kebenalan diyà kandin. Aw megkebolalaw sikandin, yan se ketanem te pedowan din, so bolelawun sikandin, aw sikandin se eglekatan te kedita te kebolalaw.

Juan 8:44 ပူးပေါင်းရင်းမြစ်များ

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”

Mat. 12:34

Iling kaw te memokan so medaet se eglowà lekat te bahà niyo. Wedad palos mèpiya ikegiyen niyo, so medaet se pedowan niyo. Aw mikagi se otaw, yan ipetaga-taga din aw eden se awop te pedowan din.

Mat. 13:15

Metoman iyan so migkekagsen den se olo dan amon eked dan pemenal. Neinang den bingelen se telinga dan amon eked dan dineg te kebenalan. Inlipedeng dan se mata dan amon eked dan kità te kedegdagan te kagi ko kandan, so eked dan keibeg pengenganay diyà kanak amon tebangan ko dan.’

Mat. 13:38

Se pawà, yan se keneyonan. Se mèpiya benì, yan se menge otaw migpesakop diyà te peglowan te Timanem. Meneng se sagbet, yan se menge sakop i Satanas.

Juan 6:70

Minikagi si Jesus, “Pengkey pinemallì ko sikiyo sempolò teg dowa, meneng doen sebad diyà kenyo sakop i Satanas.”

Juan 7:17

Aw meibeg se otaw tomolò te ibeg te Timanem kandin, yan se otaw metaga-taga aw kenan lekat se kebenalan ipegtoladà ko, aw lekat iyan te Timanem aw tinebok ko.

Juan 8:38

Se ipegtoladà ko, yan se kebenalan impetaga-taga te Amay ko kanak. Meneng se eg-inangen niyo, yan se medaet pig-ilingan niyo diyà te kenyo kemonaan.”

Juan 8:41

Yan iling kaw te amay niyo.” Minikagi dan, “Kenà kay batà te lowà. Sebad olò se Amay day, aw yan se Timanem.”

Juan 8:55

Meneng wedà kaw ketaga-taga kandin. Netaga-taga a kandin, aw simpana mikagi a te wedà a ketaga-taga kandin, bolelawun a heman iling kenyo. Meneng seini se kebenalan, te netaga-taga a kandin, aw egtoloen ko se menge punù din.

Ininang 13:10

aw minikagi, “Sikona se sakop i Satanas, so sikona se poon te kedita te metòlid. Biyasa ka eg-akal. Eg-ikagi ka te kebolalaw se benal kagi te Pengolo.

Ininang 24:9

Dimogyon heman se menge doma din Judiyo, aw minikagi dan te benal se inikagi din.

Ininang 5:3

Nayan, minikagi si Pedro, “Pigbayà-bayà ka i Satanas. Ibeg no peden megkebolalaw ka diyà te Espiritu Santo. Kenà nini se kedakel te keelagà te tanà imbeligyà nikaw.

2 Korinto 11:3

Meneng nelemitan a aw metodà se ibeg niyo tomaking ki Cristo. Iling kenyan se peg-akal i Satanas ki Eva gebii pineokit te peg-akal te memokan kandin.

1 Pedro 5:8

Peg-ahà kaw. Keilangan megpeketagad kaw, so egpengemahà se poon tadon si Satanas te otaw pegbàtan din, iling te liyon binallos gayed egpengemahà te okadan niyan aw kànen.

2 Pedro 2:4

Gebii doen menge anghil mig-inang te salà, meneng wedà din dan keidowi, so impeibing din dan doton te kilot. Impegapos din dan doton te kengitngitan lamig domateng se aldaw te peg-okom.

1 Juan 1:8

Aw mikagi kidon te wedad den palos salà tadon, neekalan kidon aw wedad heman kebenalan diyà kenitadon.

1 Juan 2:21

Simolat a kenyo kenà so wedà kaw ketaga-taga te kebenalan, meneng simolat a kenyo amon megpeaneng-aneng a kenyo te kebenalan tapay niyo netegahan. Netegahan niyo den heman te wedad kebolalaw eglekat te kebenalan.

1 Juan 2:4

Aw doen otaw eg-ikagi te egtaking sikandin te Timanem, meneng kenà egtolò te punù te Timanem, yan se otaw bolelawun aw wedad heman kebenalan diyà kandin.

1 Juan 3:12

Keilangan eked kidon peg-iling ki Cain migpesakop diyà ki Satanas, so nengimatay te adi din. Nengimatay sikandin so medaet se eg-inangen din, aw miningà te adi din eg-inang te metòlid.

1 Juan 3:15

so aw medaet se pedowan te otaw te doma, iling sikandin te nengimatay. Netegahan tadon den te wedad kaling pedowan wedad temanan diyà te otaw mengimatay te doma otaw.

Judas 1:6

Gebii doen heman menge anghil wedà tolò te Timanem, aw timanan dan te kandan ogpeanan. Tandà te peg-inang dan te medaet sìyan, impegapos din dan te sengkalì eked palos kelebad, aw impetagad din dan doton te kengitngitan lamig domateng se aldaw te peg-okom din kandan.

Impekità 12:9

Yan indagdag se dakel nagan lekat te langit. Sikandin se migpelingo-lingo memokan gebii, aw iningedanan ki Satanas, aw biyasa sikandin eg-akal te kedita te otaw te keneyonan. Indagdag sikandin lekat te langit kidoen te tanà sipat kedita te anghil din.

Impekità 13:14

Doen menge kepelahan impeinang te tagnà menenanap pineokit te ikedowa, aw yan se doun te nekeakal sikandin te kedita te otaw eg-ogpà kidoen te keneyonan. Migpunù heman kandan amon meg-inang dan te inotaw ipesopo te tagnà menenanap, sìyan nepelian te sondang meneng wedà kematay.

Impekità 2:10

Ikà niyo egkelemitan te kelimahan agpet domateng kenyo. Doen menge otaw kidoen kenyo ipekeleboso i Satanas amon ketegahan aw ontò kaw egsalig kanak. Keilangan pemilangen kaw te eked kenamay, menge sempolò se aldaw. Pengkey imetayan kaw, salig kaw diyà kanak, so begayan ko sikiyo te ontong, sìyan korona te kaling pedowan wedad temanan.

Impekità 21:8

Meneng se kedita te otaw dàgen te kededàtan, aw eked tayod te pegsalig kanak, aw otaw nelegeb te salà, aw metibonò, aw eglayok te kenà kandan esawa, aw egketoigan, aw egsimba te kenà benal timanem, aw egkebolalaw, doen ontong te kedita dan kidoen te lanaw apoy aw esopri, yan se ikedowa kemetayun.”

Impekità 22:15

Meneng se kedita te otaw eg-inang te mekeyàyà, aw egketoigan, aw eglayok te kenà kandan esawa, aw metibonò, aw egsimba te kenà benal timanem, aw kedita te otaw egkebolalaw aw egkeibeg te kebolelawan, yan se eked pekeawop te lonsod.

Impekità 9:11

Doen selotan te dolon nengibing kandan. Sikandin se anghil i Satanas aw pengolo te kedita dan kidoen te awang te tanà wedad temanan te kedalem. Ngadan din diyà te kagi te Hebreo si Abbadon. Ngadan din diyà te kagi te Griego si Apolyon. (Se kelebadan niyan, “Metibaet.”)