Juan 8:43 - Manobo Sarangani

⁴³ Wedà niyo kelebeti se inikagi ko, so eked kaw keibeg menenalan te kebenalan itoladà ko.

Juan 8:43 ပူးပေါင်းရင်းမြစ်များ

Mat. 13:15

Metoman iyan so migkekagsen den se olo dan amon eked dan pemenal. Neinang den bingelen se telinga dan amon eked dan dineg te kebenalan. Inlipedeng dan se mata dan amon eked dan kità te kedegdagan te kagi ko kandan, so eked dan keibeg pengenganay diyà kanak amon tebangan ko dan.’

Juan 5:25

Eneng-enengi niyo se kagi ko kenyo. Doen aldaw domateng, igsà dimateng den iyan, aw domineg te kagi ko se menge otaw wedad pedowan. Aw memenal dan kanak, begayan dan te kaling pedowan wedad temanan.

Juan 5:43

Pengkey insogò a te Amay ko amon megtoladà a kenyo tepad kandin, meneng wedà a niyo pemenali. Meneng aw doen doma otaw megtoladà wedà sogoi te Timanem, yan se pemenalen niyo.

Juan 6:60

Pegdineg te menge tinoledaan i Jesus te intoladà din seini, medita kandan se migpebelaw-belaway, kagi dan, “Eked nael pemenali se intoladà din seini. Wedad besi palos otaw mekepemenal kenyan.”

Juan 7:17

Aw meibeg se otaw tomolò te ibeg te Timanem kandin, yan se otaw metaga-taga aw kenan lekat se kebenalan ipegtoladà ko, aw lekat iyan te Timanem aw tinebok ko.

Juan 8:27

Meneng wedà dan pa ketegahi te Amay din Timanem se simogò kandin.

Juan 8:33

Timaba dan, “Nengà lay minikagi ka te mekelowà kay? Wedad palos mig-allang kenami, so ontò kay menge bowad-bowad i Abraham.”

Juan 8:39

Minikagi dan, “Si Abraham se kemonaan day.” Minikagi si Jesus, “Simpana ontò kaw bowad-bowad i Abraham, meg-iling kaw heman te mèpiya ininang din gebii.

Ininang 7:51

“Ontò kaw metugul, so kenà kaw egtolò te Timanem. Eked kaw penenalan te kebenalan. Iling kaw te kemonaan tadon, so gayed kaw eg-eked te Espiritu Santo.

Roma 3:11

Wedad palos otaw netaga-taga tepad te Timanem. Wedad heman otaw meibeg metaga-taga te Timanem.