Juan 8:33 - Manobo Sarangani

³³ Timaba dan, “Nengà lay minikagi ka te mekelowà kay? Wedad palos mig-allang kenami, so ontò kay menge bowad-bowad i Abraham.”

Juan 8:33 ပူးပေါင်းရင်းမြစ်များ

Mat. 3:9

Ikà niyo eg-aneng-aneng te eked kaw pelumuni so bowad-bowad kaw i Abraham. Eneng-enengi niyo se kagi ko seini. Pengkey se menge bato seini te lanto te tanà, mepakay iyan inangen te Timanem menge bowad-bowad i Abraham somelilin kenyo.

Juan 8:39

Minikagi dan, “Si Abraham se kemonaan day.” Minikagi si Jesus, “Simpana ontò kaw bowad-bowad i Abraham, meg-iling kaw heman te mèpiya ininang din gebii.

Juan 8:37

Netegahan ko te bowad-bowad kaw i Abraham. Meneng ibeg niyo mengimatay kanak, so wedà niyo soli se kebenalan ipegtoladà ko diyà te pedowan niyo.

Genesis 15:13

Minikagi se Timanem diyà kandin, “Metoman meg-ogpà se menge bowad-bowad no doton te tanà tinig-apò te menge doma otaw te sebad pongan. Kelimahan dan aw ellangen dan te doma otaw taman te epat gatos se omay.

Juan 19:25

Yan se ininang te menge sondalo. Dalem niyan, doen menge bayi timindeg kidoen medapag te kros linensangan ki Jesus. Yan se inay din, aw kedowa te inay din, aw esawa i Clopas si Maria, aw si Maria tege Magdala.

Luc. 3:8

Aw migselsel kaw den, petega-tegahi niyo iyan pineokit te eg-inangen niyo. Ikà niyo eg-aneng-aneng te eked kaw pelumuni so bowad-bowad kaw i Abraham. Eneng-enengi niyo se kagi ko seini. Pengkey se menge bato seini te lanto te tanà, mepakay iyan inangen te Timanem menge bowad-bowad i Abraham amon somelilin dan kenyo.

Juan 8:43

Wedà niyo kelebeti se inikagi ko, so eked kaw keibeg menenalan te kebenalan itoladà ko.

Roma 9:7

Iling heman kenyan, wedà pemellii te Timanem se kedita te menge bowad-bowad i Abraham, so minikagi se Timanem diyà ki Abraham, “Se menge bowad-bowad te batà no si Isaac, yan olò se eneng-enengen ko te ontò bowad-bowad nikaw.”