Juan 8:32 - Manobo Sarangani

³² Yan ketegahan niyo se kebenalan, aw pineokit te kebenalan, mekelowà kaw heman lekat te nekeallang kenyo.”

Juan 8:32 ပူးပေါင်းရင်းမြစ်များ

Roma 8:2

So pegsebad ko diyà ki Jesu Cristo, doen kaling pedowan imbegay te Espiritu Santo kanak, aw yan se doun te wedad den keilangan meg-inang a te salà, aw eked a den heman detengi te pelumun.

Juan 8:36

Yan aw Batà te Timanem se megpelowà kenyo lekat te salà, ontò kaw mekelowà.

Juan 17:17

Se kedita te sakop ta, ibeg ko inangen no dan otaw ontò egpenimanem pineokit te kebenalan lekat kamno, so benal se kedakel te kagi nikaw.

1 Pedro 2:16

Mepakay aw memallì kaw den aw eden se inangen niyo, meneng ikà niyo eg-aneng-aneng te mepakay aw memallì kaw meg-inang te medaet, so keilangan metòlid se eg-inangen niyo, amon ipetaga-taga niyo te egtolò kaw den te Timanem.

Juan 14:6

Minikagi si Jesus, “Siak se dalan. Siak se kebenalan. Siak se eglekatan te kaling pedowan. Eked pekedoton se otaw te Amay ko singed aw onà dan mokit kanak.

Roma 6:22

Meneng so impelowà kaw den te Timanem lekat te salà aw migpesakop kaw den diyà kandin, doen den ontong niyo, so ininang kaw din egpenimanem, aw yan begayan kaw din te kaling pedowan wedad temanan.

Santiago 1:25

Mèpiya se punù te Timanem, aw yan se mekepelowà te otaw lekat te salà. Se otaw menenalan kenyan aw eked kelibel kenyan meneng gayed egtolò, yan se otaw egbegayan te Timanem te keluba, pengkey eden se inangen din.

Galasya 5:1

Wedà kidon den keallang te punù ingkeliwat i Moises, so impelowà kidon den i Cristo lekat kidoen. Ikà niyo egkelibel kenyan. Ikà niyo heman todà egpeallang.

Santiago 2:12

Okomen kidon din kwani amon ketegahan aw timolò kidon te punù din, sìyan mekepelowà te otaw lekat te salà. So netegahan niyo den iyan, keilangan imendayan niyo se kagi aw inang niyo amon eked kaw pekelàpang te punù din.

Galasya 5:13

Menge kedowa ko, tinawal kaw te Timanem amon ipelowà kaw din lekat te pegtolò niyo te punù sìyan. Pengkey wedà kaw den keallang kenyan, meneng ikà niyo den eg-aneng-aneng te mepakay aw tomaking kaw te medaet ibeg te pedowan niyo. Meneng pedekelay kaw te pedowan, aw petebangay kaw.

Juan 7:17

Aw meibeg se otaw tomolò te ibeg te Timanem kandin, yan se otaw metaga-taga aw kenan lekat se kebenalan ipegtoladà ko, aw lekat iyan te Timanem aw tinebok ko.

Roma 8:15

Pegpemegay te Timanem te Espiritu Santo diyà kenyo, wedà kaw din inangi menge allang din, meneng ininang kaw din menge batà din. Yan se doun te wedad den kelemitanan niyo, so mepakay den aw Amà se itawal tadon te Timanem, so amay tadon den sikandin,

Juan 16:13

Meneng aw domateng se Espiritu Santo amon megtoladà te kebenalan, sikandin se megpetaga-taga kenyo te kedita te kebenalan. Eked din teboki se pegtoladà din kenyo, meneng kedita te intoladà te Amay ko kandin, yan se ikeliwat din heman kenyo. Iindan din heman kenyo aw eden se metoman domateng.

2 Timoteo 3:7

so pengkey eden se itoladà kandan, yan se pemenalen dan, meneng eked dan palos ketaga-taga te kebenalan.

Juan 6:45

Doen insolat te telekeliwat te kagi te Timanem, kagi din, ‘Toledaan te Timanem se kedita te otaw.’ Se kedita te otaw menenalan aw tomolò te itoladà te Amay ko, yan se tomaking kanak.

Mat. 11:29

Tiangi niyo se ipeibing ko kenyo iling te yogo, aw peg-iling kaw heman kanak, so ontò mèpiya se pedowan ko, aw mekeetod kaw.

Juan 1:14

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

Juan 1:17

Nemegay se Timanem kenitadon te punù din pineokit ki Moises. Meneng pineokit ki Jesu Cristo, nemegay se Timanem kenitadon te tabang din aw kebenalan.

1 Korinto 7:22

Pengkey allang kaw pa, meneng iling kaw den te kenà allang, so impelowà kaw te Pengolo lekat te salà. Aw sikiyo kenà allang te pegtawal te Timanem kenyo, neinang kaw den iling te allang, so tinig-apò kaw den i Cristo.

2 Juan 1:1

Se solat seini lekat kanak ininang egpengibing te simbahan. Sinolatan ko sikona bayi pinemallì te Timanem, aw menge batà nikaw ontò ko nedekelan te pedowan. Kenà olò siaken se doen dakel pedowan kenyo, meneng dakel heman se pedowan te kedita te otaw netaga-taga te kebenalan.