Juan 8:29 - Manobo Sarangani

²⁹ Gayed a egtebangan te simogò kanak. Wedà a din tenani, so gayed ko eg-inangen se ibeg din.”

Juan 8:29 ပူးပေါင်းရင်းမြစ်များ

Juan 6:38

Insogò a dini lekat te langit kenà amon inangen ko se kanak ibeg, meneng dimini a amon toloen ko se ibeg te Amay ko simogò kanak.

Juan 16:32

meneng doen pa aldaw agpet domateng te mebilit kaw. Dimateng den se aldaw te megsiolì se kedita niyo, so tenanan a niyo sebad ko. Meneng doen pa doma ko, so domaan a te Amay ko.

Juan 4:34

Minikagi si Jesus, “Iling te kànen ko se pegtoman ko te ibeg te simogò kanak aw peg-epos ko te sogò din kanak.

Juan 15:10

Aw tomolò kaw te impunù ko kenyo, yan ketegahan niyo te dakel se pedowan ko kenyo, iling te timolò a te impunù te Amay ko kanak, aw netegahan ko te dakel se pedowan din kanak.

Juan 5:30

“Wedà ko teboki se inang ko. Iling te intoladà din kanak se peg-okom ko, aw metòlid se peg-okom ko, so kenà kenaken ibeg se egtekingan ko, meneng egtekingan ko se ibeg te Amay ko migsogò kanak.

Juan 8:16

Meneng aw meg-okom a, keseligan se peg-okom ko, so kenà ko sidebok se meg-okom, meneng meg-okom kay te Amay ko simogò kanak.

1 Juan 2:1

Menge batà ko te pegpemenal, seini se insolat ko kenyo amon eked kaw peg-inang te salà. Meneng aw doen otaw mekesalà, doen telekagon tadon kidoen te Timanem Amay, aw yan si Jesu Cristo wedad palos salà.

2 Timoteo 4:17

Pengkey timanan dan kanak, meneng migtabang se Pengolo tadon kanak, aw nemegay sikandin kanak te keseg, aw yan nekebatog a migtoladà te Mèpiya Indan tepad kandin diyà te kedita te otaw kenà Judiyo. Pengkey ibeg te menge poon ko imetayan a, meneng impelowà a te Pengolo tadon.

Juan 14:31

meneng gayed ko egtoloen se impunù te Amay ko kanak, amon ketegahan te kedita te otaw te dakel se pedowan ko diyà te Amay ko. Tindeg kaw den, so agpet kidon den mesayo lekat dini.”

Juan 17:4

Impekità ko den dini te keneyonan te melangkaw ka, so tinoman ko den se kedita te impunù no kanak.

Mat. 17:5

Telobo pa minikagi si Pedro, doen labon melowa dimateng diyà kandan aw wedà dan ebey kità kandan. Penga niyan, dinineg dan se kagi te Timanem lekat te labon, “Seini se Batà ko. Dakel se pedowan ko kandin, aw ontò a neluba kandin. Keilangan sikandin se penenelanen niyo.”

Mat. 3:17

Penga niyan, dinineg dan se kagi te Timanem lekat te langit, “Seini se Batà ko. Dakel se pedowan ko kandin, aw ontò a neluba kandin.”

Menge Hebreo 4:15

Netaga-taga se Telekagon tadon te kelomayan tadon aw ontò egkeido kenitadon, so pengkey eden kemoloi se ipegboyo i Satanas kenitadon, yan heman se tineyodan din, meneng wedà sikandin peg-inang te salà.

Menge Hebreo 7:26

Yan si Jesus se Telekagon neketepad kenitadon. Ontò sikandin metòlid. Wedad palos salà din so wedad medaet ininang din. Kenà sikandin iling te otaw egpekesalà. Ininang sikandin te Timanem ontò melangkaw diyà te kedita, pengkey doton te langit.

2 Timoteo 4:22

Pengolo tadon se gayed meg-ipat kamno. Ibeg ko tebangan te Timanem se kedita niyo.

Mat. 3:15

Meneng minikagi si Jesus, “Tomani den se pegbonyag kanak, so keilangan tomoman ki den te kedita te ibeg te Timanem.” Penga niyan, migbonyag si Juan ki Jesus.

1 Juan 3:22

Pengkey eden se pemoyoen tadon diyà kandin, netegahan tadon te mekinawà tadon iyan, so egtolò kidon te menge punù din aw ibeg din.