Juan 8:20 - Manobo Sarangani

²⁰ Yan se inikagi i Jesus te pegtoladà din kidoen te dakel simbahan te Judiyo, doton te tambì niyan iningedanan Solanan te Kwarta Ibowang. Wedad otaw nekedakep kandin, so wedà pa dateng se aldaw pinemallì te Timanem te pegdakep dan kandin.

Juan 8:20 ပူးပေါင်းရင်းမြစ်များ

Juan 7:30

Peg-ikagi din kenyan, doen menge otaw meibeg megdakep kandin, meneng wedà dan deleg, so wedà pa dateng se aldaw pinemallì te Timanem te pegdakep kandin.

Juan 7:8

Onà kaw doton te pista. Eked a pa doton so wedà pa dateng se aldaw te pegdoton ko.”

Mar. 12:41

Nayan, nenenoo si Jesus doton didalem te dakel simbahan te Jerusalem medapag te solanan te kwarta ibowang diyà te Timanem. Timengteng sikandin diyà te menge otaw egsawol te kwarta dan kidoen. Medita se otaw meyaman egsawol te dakel kwarta ibowang dan.

Juan 7:44

Doen menge otaw kidoen kandan meibeg megdakep kandin, meneng wedad otaw minawid kandin.

Mar. 12:43

Penga niyan, tinawal i Jesus se menge tinoledaan din, aw minikagi sikandin, “Eneng-enengi niyo se kagi ko seini. Pengkey dakel se imbowang te kedita te doma otaw migsawol te kwarta kidoen, meneng labi pa meelagà se imbowang te bayi balo sida.

Mat. 27:6

Inimon te menge pengolo te simbahan se kwarta insabog din, aw minikagi dan, “Simpana isawol tadon se kwarta seini diyà te solanan te kwarta ibowang diyà te Timanem, mekelàpang kidon te punù ingkeliwat i Moises, so seini se imbayad te pegpengimatay te otaw.”

Juan 10:39

Pegdineg dan kenyan, ibeg dan megdakep kandin, meneng nekelowà sikandin lekat kandan.

Juan 8:59

Pegdineg dan te inikagi din sìyan, nengimon dan te menge bato ibontog kandin, so ibeg dan imetayan dan sikandin. Meneng mineles si Jesus aw nesayo lekat te dakel simbahan.

Luc. 20:19

Na, se menge menenoladà te punù aw pengolo te simbahan, netegahan dan te sikandan se nesogatan te tegdeyanan sìyan in-indan i Jesus, aw yan se doun te ibeg dan megdakep peden kandin te aldaw sìyan. Meneng wedà dan peketoman, so nelemitan dan te menge otaw gayed egpenenalan kandin aw domapit dan kandin.

Mat. 26:55

Penga niyan, minikagi si Jesus diyà te kedita te otaw netipon, “Kolang se pegkekamang niyo te podok aw batota amon megdakep kaw kanak, so kenà a megdedempasay. Gayed a migtoladà doton te dakel simbahan, meneng wedà a niyo dekepi doton.

Luc. 21:1

Pegtoladà i Jesus kidoen te dakel simbahan te Jerusalem, kinità din se menge otaw meyaman egsawol te kwarta diyà te solanan te ibowang diyà te Timanem.

Juan 2:4

Minikagi si Jesus, “Inà, ikà egpunù kanak, so wedà pa dateng se oras aw ipekità ko se tolos ko.”

Juan 7:14

Pegketengà te pista, dimoton si Jesus te dakel simbahan te Judiyo kidoen te Jerusalem, aw migtoladà te otaw netipon kidoen.

Juan 8:2

Keeldawan niyan te peglibtak te aldaw, limikò si Jesus doton te dakel simbahan. Pegketipon te kedita te otaw, nenenoo sikandin aw migtoladà kandan.