Juan 8:12 - Manobo Sarangani

¹² Pegtoladà i Jesus te menge otaw netipon, minikagi, “Siaken se kelowahan eg-anyag diyà te kedita te otaw te keneyonan. Aw tomaking se otaw kanak, wedad kengitngit diyà te pedowan din, so doen keanyag diyà kandin mekebegay te kaling pedowan wedad temanan.”

Juan 8:12 ပူးပေါင်းရင်းမြစ်များ

Mat. 5:14

“Dalem te peg-ogpà niyo dini te keneyonan, iling kaw te solò diyà te kedita te otaw. Eked keeles se lonsod aw doton te lanto te bontod.

Luc. 2:32

Sikandin se mekelowa te kengitngit kidoen te pedowan te kedita te otaw kenà Judiyo, aw sikandin se megpetaga-taga diyà kenami menge bowad-bowad i Israel pinemallì no te ontò ka melangkaw.”

Juan 12:35

Minikagi si Jesus, “Domaan kaw pa te kelowahan te eked kenamay. Yan keilangan tomaking kaw te kelowahan amon eked kaw kesàbi te kengitngit. Se otaw mipanaw te kengitngit, yan se eked ketaga-taga aw kenan pesalo.

Juan 12:36

Meneng dalem te doen pa kelowahan dini kenyo, keilangan tomaking kaw te kelowahan, amon meinang kaw sakop te kelowahan.” Penga te peg-ikagi i Jesus kenyan, nesayo kidoen aw mineles.

Juan 12:46

Siak se lowa dimini te keneyonan amon mekelowà lekat te kengitngitan se otaw memenal kanak.

Juan 14:6

Minikagi si Jesus, “Siak se dalan. Siak se kebenalan. Siak se eglekatan te kaling pedowan. Eked pekedoton se otaw te Amay ko singed aw onà dan mokit kanak.

Juan 3:19

Seini se doun te ipelumun dan. Pegdateng te iningedanan Lowa dini te keneyonan, neibeg dan te kengitngitan aw kimulu dan te kelowahan, so medaet se eg-inangen dan.

Juan 7:17

Aw meibeg se otaw tomolò te ibeg te Timanem kandin, yan se otaw metaga-taga aw kenan lekat se kebenalan ipegtoladà ko, aw lekat iyan te Timanem aw tinebok ko.

Juan 9:5

Aw dini a pa te keneyonan, siaken se kelowahan eg-anyag diyà te pedowan te kedita te otaw te keneyonan.”

Ininang 13:47

Yan se inangen day so doen kagi te Pengolo insolat, ‘Inangen ko sikona solò amon manyag ka pengkey doton te menge otaw kenà Judiyo, amon mekelowà se kedita te otaw lekat te salà taman te kebelad te keneyonan.’”

Ininang 26:23

so kagi dan, keilangan pemilangen se Misiyas aw imetayan. Sikandin son dan se tagnà meantay eked palos todà kematay, aw pineokit kenyan, ipetaga-taga din te doen kelowaan te kedita te otaw lekat te salà, pengkey Judiyo aw kenà Judiyo.”

2 Pedro 2:17

Se menge menenoladà sìyan egtoladà te kebolalaw, wedad ontong niyo kandan, so iling dan te selep neeti. Iling dan te labon wedad odan eg-ibingen te kelamag. Impetagad te Timanem se ogpeanan dan kidoen te kengitngitan doton te kilot.

2 Pedro 2:4

Gebii doen menge anghil mig-inang te salà, meneng wedà din dan keidowi, so impeibing din dan doton te kilot. Impegapos din dan doton te kengitngitan lamig domateng se aldaw te peg-okom.

1 Juan 1:6

Aw mikagi kidon te migpesigelakay kidon te Timanem, meneng egtaking kidon pa te kengitngitan aw eg-inang kidon te medaet, yan bolelawun kidon so kenà kidon egtaking te kebenalan.

Judas 1:13

Iling dan te dedakel balud doton te dagat. Eked kebolon se medaet eg-inangen dan so iling dan te sagbet ipegdagsà doton te enay. Kenà dan egkeseligan, so iling dan te menge bitoen nealin lekat te nesolan dan doton te langit. Yan impetagad te Timanem se ogpeanan dan kidoen te kengitngitan doton te kilot te wedad temanan.

Judas 1:6

Gebii doen heman menge anghil wedà tolò te Timanem, aw timanan dan te kandan ogpeanan. Tandà te peg-inang dan te medaet sìyan, impegapos din dan te sengkalì eked palos kelebad, aw impetagad din dan doton te kengitngitan lamig domateng se aldaw te peg-okom din kandan.

Impekità 21:24

Senangan se kedita te otaw te keneyonan te anyag lekat te lonsod sìyan. Ibingen te kedita te selotan te keneyonan se keyemanan dan ibegay kidoen.