Juan 7:5 - Manobo Sarangani

⁵ Yan se inikagi dan, so pengkey telekedowa dan si Jesus, meneng wedà dan pemenal kandin.

Juan 7:5 ပူးပေါင်းရင်းမြစ်များ

Mar. 3:21

Pegdineg te menge kedomaan i Jesus te wedà sikandin pekekaen, dimoton dan kandin amon ibingen dan sikandin doton te balay, so doen menge otaw eg-ikagi te migkebook sikandin.

Juan 7:10

Penga te pegdoton te menge kedowa i Jesus te pista kidoen te Jerusalem, dimoton heman sikandin te eles-eles, so ibeg din wedad otaw metaga-taga te pegdoton din.

Juan 7:3

Minikagi se menge kedowa i Jesus diyà kandin, “Mèpiya aw mesayo ka dini aw memista ka heman kidoen te probinsya te Judiya amon komità se menge otaw tinoledaan no te kepelahan eg-inangen nikaw.

Mat. 12:46

Nayan, dalem te migtoladà pa si Jesus, dimateng se inay din aw menge kedowa din. Migtagad dan doton te lowà te balay, so ibeg dan megkità kandin.

Juan 7:4

Aw meibeg se otaw te medengeg se ngadan din, eked din elesi se inangen din. Yan aw doen kepelahan inangen no, mèpiya aw ipekità no iyan diyà te kedita te otaw dini te keneyonan.”