Juan 7:41 - Manobo Sarangani

⁴¹ Minikagi se menge doma otaw, “Sikandin se Misiyas megpelowà kenitadon.” Meneng doen heman menge doma otaw minikagi, “Kenà sikandin se egpelimanan tadon, so kenà tege Galiliya se Misiyas megpelowà kenitadon.

Juan 7:41 ပူးပေါင်းရင်းမြစ်များ

Juan 7:52

Meneng minikagi dan, “Sikona besi heman se sakop te probinsya te Galiliya. Pengemahà ka kidoen te kagi te Timanem insolat, aw yan ketegahan no te wedad palos sakop te probinsya te Galiliya neinang telekeliwat te kagi te Timanem.” [

Juan 1:46

Minikagi si Natanael, “Wedad palos mèpiya lekat te Nasarit.” Minikagi si Felipe, “Ayas ka amon komità ka kandin.”

Juan 7:31

Meneng medita se doma otaw nemenal te sikandin se insogò te Timanem. Minikagi dan, “Aw domateng se Misiyas megpelowà kenitadon, wedad kepelahan inangen din labi pa mèpiya diyà te eg-inangen te otaw seini.”

Juan 6:69

Nemenal kay den kamno, aw netegahan day te wedad salà no aw sikona se insogò te Timanem.”

Juan 4:42

Minikagi dan diyà te bayi, “Nemenal kay den kenà olò pineokit te inikagi no kenami, meneng nemenal kay den so nenenalan kay den kandin, aw netegahan day den te ontò sikandin se megpelowà te kedita te otaw.”

Juan 4:29

“Taking kaw kanak amon kitaen niyo heman se otaw mig-indan kanak te kedita te ininang ko. Sikandin besi se Misiyas megpelowà kenitadon.”

Juan 4:25

Minikagi se bayi, “Netegahan ko te domateng se Misiyas amon megpelowà kenitadon, sìyan isogò te Timanem iningedanan Cristo. Aw domateng sikandin, lebaden din se kedita te kebenalan diyà kenitadon.”

Juan 1:49

Minikagi si Natanael, “Sir, sikona se ontò Batà te Timanem. Ontò sikona se selotan impakang amon lomowan diyà kenami menge bowad-bowad i Israel.”

Juan 1:41

Pegketà nengemahà si Andres te kakay din si Simon, aw minikagi sikandin, “Kinità day se Misiyas.” (Se kedegdagan niyan, “Cristo.”)

Juan 7:27

Meneng kenà din besi se pinelimanan tadon, so aw domateng se Misiyas isogò te Timanem, wedad otaw metaga-taga aw kenan sikandin lekat. Meneng netegahan tadon se tinikedowan te otaw seini.”