Juan 7:4 - Manobo Sarangani

⁴ Aw meibeg se otaw te medengeg se ngadan din, eked din elesi se inangen din. Yan aw doen kepelahan inangen no, mèpiya aw ipekità no iyan diyà te kedita te otaw dini te keneyonan.”

Juan 7:4 ပူးပေါင်းရင်းမြစ်များ

Juan 18:20

Timaba si Jesus, “Netegahan te kedita te otaw se inikagi ko, so gayed a egtoladà kidoen te menge simbahan te Judiyo aw kidoen heman te dakel simbahan dini te Jerusalem egtiponan te kedita te Judiyo. Wedà ko elesi se intoladà ko.

Luc. 6:45

Iling heman kenyan se otaw. Aw mèpiya se pedowan te otaw, mèpiya heman se eg-inangen din. Meneng aw medaet se pedowan te otaw, medaet heman se eg-inangen din. Aw mikagi se otaw, yan ipetaga-taga din aw eden se awop te pedowan din.”

Mat. 23:5

Gayed dan ipekità diyà te doma otaw se pegtolò dan te menge punù amon iduyun dan. Eg-inangen dan pelaban dakel se solanan te kagi te Timanem egpengibingen dan, aw egpelasan dan se saol dan melayat amon meg-aneng-aneng se doma otaw te ontò melobos se pedowan dan diyà te Timanem.

Mat. 6:5

“Aw megtawal-tawal kaw diyà te Timanem, ikà niyo eg-iling te otaw eden dan aw egpenimanem dan, so egkeibeg dan egtawal-tawal doton te simbahan aw doton heman te dalan amon kitaen dan te menge doma otaw. Meneng eneng-enengi niyo se kagi ko seini. Wedad palos ontong ibegay te Timanem kandan.

Mat. 6:16

“Aw megpowasa kaw, ikà niyo egpetaga-taga kenyan diyà te doma otaw pineokit te bawa niyo. Ikà niyo eg-iling te menge otaw eden dan aw egpenimanem dan, so eg-inangen dan medaet se bawa dan amon metaga-taga se doma otaw te kenà dan egpengaen. Eneng-enengi niyo se kagi ko seini. Wedad den palos ontong ibegay te Timanem kandan.

Mat. 4:6

Minikagi si Satanas, “Nayan, aw ontò ka Batà te Timanem, kahang ka. Eked ka elegi, so doen kagi te Timanem insolat, ‘Isogò te Timanem se menge anghil amon meg-ipat dan kamno.’ Doen heman kagi te Timanem insolat, ‘Ewidan ka te menge anghil, aw engaten ka dan amon eked ka kesongkol te bato.’”

Juan 7:3

Minikagi se menge kedowa i Jesus diyà kandin, “Mèpiya aw mesayo ka dini aw memista ka heman kidoen te probinsya te Judiya amon komità se menge otaw tinoledaan no te kepelahan eg-inangen nikaw.

Juan 7:5

Yan se inikagi dan, so pengkey telekedowa dan si Jesus, meneng wedà dan pemenal kandin.