Juan 7:39 - Manobo Sarangani

³⁹ Se inikagi din tepad te wayeg, yan se tegdeyanan din tepad te Espiritu Santo ibegay diyà te kedita te otaw memenal kandin. Meneng wedà pa dateng se Espiritu Santo kandan, so wedà pa pegpeengat si Jesus doton te langit.

Juan 7:39 ပူးပေါင်းရင်းမြစ်များ

Mat. 16:14

Timaba dan, “Doen menge otaw eg-ikagi te sikona si Juan Memonyagay. Doen heman eg-ikagi te sikona si Elias. Doen heman eg-ikagi te sikona si Jeremias aw doma telekeliwat te kagi te Timanem gebii.”

Mat. 21:11

Timaba se otaw timaking ki Jesus, “Sikandin se telekeliwat te kagi te Timanem si Jesus. Lekat sikandin te lonsod te Nasarit sakop te probinsya te Galiliya.”

Luc. 24:49

Isogò ko diyà kenyo se Espiritu Santo tapay impakang te Amay ko. Meneng peg-ogpà kaw dini te Jerusalem lamig kinewaen niyo se Espiritu Santo domateng diyà kenyo lekat te langit.”

Luc. 3:16

Meneng minikagi si Juan, “Egpemonyag a pineokit te wayeg. Meneng doen pa domateng labi pa melangkaw diyà kanak. Kenà botong se kelangkaw ko amon megtelaban a kandin pengkey meglebad a te sepatos din, so ontò sikandin melangkaw diyà kanak. Sikandin se memonyag kenyo pineokit te Espiritu Santo aw pineokit te apoy.

Luc. 7:16

Nelemitan se kedita te otaw kimità kenyan, aw induyun dan se Timanem, kagi dan, “Migtabang den se Timanem kenitadon menge sakop din, so insogò din dini kenitadon se metolos telekeliwat te kagi din seini.”

Juan 1:21

Mig-insà dan, “Sinu ka lay? Si Elias ka lay?” Timaba si Juan, “Kenà ko.” Minikagi dan, “Sikona besi se sìyan doma telekeliwat te kagi te Timanem pinelimanan day.” Timaba sikandin, “Kenà ko.”

Juan 1:25

Mig-insà dan heman, “Aw kenà nikaw se Misiyas megpelowà kenami, aw kenà nikaw heman si Elias limikò dini, aw kenà nikaw heman se sìyan doma telekeliwat te kagi te Timanem egpelimanan day, nengà lay egpemonyag ka?”

Juan 1:33

Kedengan, wedà ko pa ketegahi aw sinu sikandin, meneng insogò a te Timanem amon memonyag a pineokit te wayeg, aw inindanan a din te komità a te Espiritu Santo megpedanà kidoen te otaw aw meg-ogpà kandin. Sebad heman kemolò se pegbonyag din, so sikandin se memonyag pineokit te Espiritu Santo.

Juan 12:16

Pegdateng i Jesus doton te Jerusalem, wedà pa ketaga-taga se menge tinoledaan din te yan se pegketoman te pakang tapay insolat. Meneng penga te pegkeantay din lekat te nematay, aw pegpeengat din doton te langit, mig-aneng-aneng den dan te yan se impakang tepad kandin gebii, aw netoman den iyan.

Juan 12:23

Minikagi si Jesus, “Agpet den se aldaw ipekità te Amay ko te melangkaw a.

Juan 14:13

Pengkey eden se pemoyoen niyo diyà te Amay ko pineokit te ngadan ko, yan se inangen ko kenyo, amon kitaen niyo te melangkaw se Timanem pineokit te eg-inangen ko.

Juan 14:26

Meneng doen Teletabang isogò te Amay ko somelilin kanak, aw yan se Espiritu Santo. Sikandin se megtoladà kenyo te kedita, aw megpeaneng-aneng kenyo te kedita te intoladà ko kenyo.

Juan 16:14

Iduyun a din, so lekat kanak se kagi itoladà din kenyo.

Juan 16:7

Meneng seini se kebenalan. Begayan kaw pa te kèpiya pineokit te pegkesayo ko, so simpana eked a kesayo, eked dateng se Teletabang diyà kenyo. Meneng aw mesayo a, somogò a kandin diyà kenyo.

Juan 17:1

Pegkepenga te peg-ikagi i Jesus diyà te menge tinoledaan din, limengag sikandin doton te langit aw migtawal-tawal, kagi din, “Amà, dimateng den se oras pinemallì nikaw. Pekitai te melangkaw se Batà nikaw, amon ipekità ko heman te melangkaw ka.

Juan 17:5

Nayan Amà, pekitai heman kidoen te langit te melangkaw a, iling te kelangkaw ko gebii te pegdoma ko kamno te wedà pa inangi se keneyonan.

Juan 20:22

Penga te peg-ikagi din kenyan, mig-edop sikandin diyà kandan aw minikagi, “Domateng se Espiritu Santo kenyo.

Juan 6:14

Pegkità te menge otaw te kepelahan ininang i Jesus, minikagi dan, “Sikandin se ontò benal telekeliwat te kagi te Timanem insogò din dini te keneyonan.”

Juan 7:12

Medita se otaw netipon kidoen te pista, aw migpedindilay dan tepad ki Jesus. Doen menge otaw minikagi, “Mèpiya otaw sikandin.” Doen heman menge doma otaw minikagi, “Kenà, so eg-akal sikandin te otaw pineokit te ipegtoladà din.”

Juan 8:54

Timaba si Jesus, “Simpana megpelangkaw-langkaw a, wedad ontong ko. Meneng ipegpelangkaw a te Amay ko, aw eg-ikagi kaw te sikandin se Timanem egsimbahen niyo.

Ininang 19:2

Mig-insà si Pablo, kagi din, “Pegpemenal niyo te Timanem, dimateng lay se Espiritu Santo diyà kenyo?” Timaba dan, “Wedà, so wedà kay toledai tepad te Espiritu Santo.”

Ininang 2:17

kagi din, ‘Seini se kagi te Timanem. Aw agpet den se temanan te keneyonan, ibegay ko se Espiritu Santo diyà te kedita te otaw. Yan komeliwat se menge batà niyo te kagi ko. Komità se menge kaling pa otaw te ipekità ko kandan. Megtegeinep heman se menge obanen kenyan.

Ininang 2:33

Ininang den si Jesus melangkaw doton te langit aw timangkil te Amay din. Tinoman den te Timanem se pakang din ki Jesus te isogò se Espiritu Santo, aw yan se kinità niyo gina aw dinineg niyo.

Ininang 2:38

Timaba si Pedro, “Pegselsel kaw te salà niyo. Pegpebonyag kaw tandà te pegpemenal niyo ki Jesu Cristo. Aw memenal kaw, pegwedaden te Timanem se salà niyo, aw Espiritu Santo se ibegay kenyo.

Ininang 2:4

Yan dimateng se Espiritu Santo kandan. Nekeikagi den dan te medita kemolò kagi te doma otaw wedà dan peg-ilingi, so impeikagi dan te Espiritu Santo.

Ininang 3:13

Timanem se egseligan te kemonaan tadon si Abraham, si Isaac, aw si Jacob. Timanem se migpegolì kandin amon iduyun se Batà te Timanem si Jesus. Kedengan insogò din si Jesus dini te tanà, meneng sikiyo se otaw nemegay kandin diyà te belad te gobirno. Pengkey ibeg i Pilato ipelowà din si Jesus, meneng simagda kaw kandin amon imetayan se insogò te Timanem.

Ininang 4:31

Pegtawal-tawal dan diyà te Timanem, nekayong se balay netiponan dan, so dimateng se Espiritu Santo kandan. Lekat niyan, wedà dan kelemitan te peg-indan dan te kagi te Timanem diyà te menge doma otaw.

Roma 8:9

Meneng kenà kaw den egbeyà-beyaan te medaet ibeg te pedowan niyo, so egbeyà-beyaan kaw den te Espiritu Santo eg-ogpà kidoen te pedowan niyo. Aw doen otaw wedad Espiritu Santo diyà kandin insogò i Cristo, yan se otaw wedà pegpesakop diyà ki Cristo.

2 Korinto 3:8

meneng labi pa mèpiya se ipekità te Timanem diyà te menge otaw begayan din te Espiritu Santo.

Efeso 4:30

Ikà niyo eg-inang te pengkey eden eked keibegi te Espiritu Santo. Binegayan kaw te Timanem te Espiritu Santo, so yan se pengilala te sinakop kaw din aw ipelowà kaw te aldaw te peglikò te Pengolo tadon.