Juan 7:30 - Manobo Sarangani

³⁰ Peg-ikagi din kenyan, doen menge otaw meibeg megdakep kandin, meneng wedà dan deleg, so wedà pa dateng se aldaw pinemallì te Timanem te pegdakep kandin.

Juan 7:30 ပူးပေါင်းရင်းမြစ်များ

Juan 10:39

Pegdineg dan kenyan, ibeg dan megdakep kandin, meneng nekelowà sikandin lekat kandan.

Juan 8:20

Yan se inikagi i Jesus te pegtoladà din kidoen te dakel simbahan te Judiyo, doton te tambì niyan iningedanan Solanan te Kwarta Ibowang. Wedad otaw nekedakep kandin, so wedà pa dateng se aldaw pinemallì te Timanem te pegdakep dan kandin.

Juan 7:6

Minikagi si Jesus, “Wedà pa dateng se kanak aldaw. Meneng pengkey eden eldawi se mepakay diyà kenyo.

Juan 7:32

Pegdineg te menge Parisiyo te eg-ikegiyen te otaw netipon, migsebad dan diyà te menge pengolo te simbahan te Judiyo, aw insogò dan se menge teletonggò te simbahan amon dekepen dan si Jesus.

Juan 11:57

Tapay migpunù se menge pengolo te simbahan aw menge Parisiyo te keilangan indanan dan aw kenan si Jesus amon dekepen dan sikandin.

Juan 9:4

Dalem te doen pa aldaw, keilangan inangen tadon se ibeg te Timanem simogò kanak, so wedad meketerbaho te delem.

Juan 8:59

Pegdineg dan te inikagi din sìyan, nengimon dan te menge bato ibontog kandin, so ibeg dan imetayan dan sikandin. Meneng mineles si Jesus aw nesayo lekat te dakel simbahan.

Juan 8:37

Netegahan ko te bowad-bowad kaw i Abraham. Meneng ibeg niyo mengimatay kanak, so wedà niyo soli se kebenalan ipegtoladà ko diyà te pedowan niyo.

Juan 7:19

Kineliwatan kaw i Moises te menge punù, meneng wedad palos otaw kidoen kenyo timolò kenyan. Nengà lay ibeg niyo pa mengimatay kanak?”

Juan 7:8

Onà kaw doton te pista. Eked a pa doton so wedà pa dateng se aldaw te pegdoton ko.”

Luc. 22:53

Gayed a migtoladà kidoen te dakel simbahan, meneng wedà a niyo dekepi doton. Meneng mekedakep kaw den kanak, so seini se aldaw pinemallì te Timanem aw meg-inang si Satanas te medaet.”

Luc. 20:19

Na, se menge menenoladà te punù aw pengolo te simbahan, netegahan dan te sikandan se nesogatan te tegdeyanan sìyan in-indan i Jesus, aw yan se doun te ibeg dan megdakep peden kandin te aldaw sìyan. Meneng wedà dan peketoman, so nelemitan dan te menge otaw gayed egpenenalan kandin aw domapit dan kandin.

Mar. 11:18

Meneng doen menge pengolo te simbahan aw menenoladà te punù ingkeliwat i Moises dimineg te inikagi i Jesus. Penga niyan, miglalang dan te imetayan dan sikandin. Nelemitan dan ki Jesus, so ontò nepela se kedita te otaw tepad te intoladà din.

Mat. 21:46

aw yan se doun te ibeg dan megdakep peden kandin. Meneng wedà dan peketoman, so nelemitan dan te menge otaw gayed egpenenalan kandin, so mig-aneng-aneng se kedita te otaw te si Jesus se telekeliwat te kagi te Timanem.

Juan 10:31

Pegdineg te menge obanen te Judiyo te inikagi din sìyan, todà dan nengimon te menge bato ibontog kandin amon imetayan dan sikandin.

Mat. 12:14

Meneng nesayo se menge Parisiyo, aw migpebelaw-belaway dan tepad te inangen dan amon matay dan si Jesus.