Juan 7:3 - Manobo Sarangani

³ Minikagi se menge kedowa i Jesus diyà kandin, “Mèpiya aw mesayo ka dini aw memista ka heman kidoen te probinsya te Judiya amon komità se menge otaw tinoledaan no te kepelahan eg-inangen nikaw.

Juan 7:3 ပူးပေါင်းရင်းမြစ်များ

Genesis 37:20

Ayas kaw. Imetayan tadon sikandin aw idagdag tadon se lawa din doton te medalem sokian. Mikagi kidon te doen menenanap te kebenesan nengimatay kandin. Penga niyan, tegadan tadon aw doen ketomanan te menge tegeinep din.”

Mat. 12:46

Nayan, dalem te migtoladà pa si Jesus, dimateng se inay din aw menge kedowa din. Migtagad dan doton te lowà te balay, so ibeg dan megkità kandin.

Mar. 3:21

Pegdineg te menge kedomaan i Jesus te wedà sikandin pekekaen, dimoton dan kandin amon ibingen dan sikandin doton te balay, so doen menge otaw eg-ikagi te migkebook sikandin.

Mar. 3:31

Nayan, pegtoladà i Jesus, dimateng se inay din aw menge kedowa din. Migtagad dan doton te lowà te balay. Impetawal dan sikandin so ibeg dan megkità kandin.

Luc. 8:19

Nayan, pegtoladà i Jesus, dimateng se inay din aw menge kedowa din. Meneng wedà dan pekedapag diyà kandin, so ontò medita se otaw netipon kidoen kandin.

Luc. 8:20

Doen otaw minikagi diyà kandin, “Doton te lowà se inay no aw menge kedowa nikaw. Meibeg dan ekon megkità kamno.”

Juan 2:2

Dimoton heman si Jesus aw menge tinoledaan din, so impeangay dan.

Juan 6:60

Pegdineg te menge tinoledaan i Jesus te intoladà din seini, medita kandan se migpebelaw-belaway, kagi dan, “Eked nael pemenali se intoladà din seini. Wedad besi palos otaw mekepemenal kenyan.”

Juan 6:66

Lekat niyan, medita se tinoledaan timanan ki Jesus aw limengà dan te pegtaking kandin.

Juan 7:10

Penga te pegdoton te menge kedowa i Jesus te pista kidoen te Jerusalem, dimoton heman sikandin te eles-eles, so ibeg din wedad otaw metaga-taga te pegdoton din.

Juan 7:4

Aw meibeg se otaw te medengeg se ngadan din, eked din elesi se inangen din. Yan aw doen kepelahan inangen no, mèpiya aw ipekità no iyan diyà te kedita te otaw dini te keneyonan.”

Juan 7:5

Yan se inikagi dan, so pengkey telekedowa dan si Jesus, meneng wedà dan pemenal kandin.

Ininang 2:14

Timindeg si Pedro sipat doma sempolò tegusà sogounun i Cristo kidoen. Penga niyan, minikagi sikandin amon domineg se kedita te otaw netipon. Kagi din, “Menge kedowa ko Judiyo, aw kedita niyo dini te Jerusalem, penenalan kaw, so doen ikegiyen ko kenyo.