Juan 7:19 - Manobo Sarangani

¹⁹ Kineliwatan kaw i Moises te menge punù, meneng wedad palos otaw kidoen kenyo timolò kenyan. Nengà lay ibeg niyo pa mengimatay kanak?”

Juan 7:19 ပူးပေါင်းရင်းမြစ်များ

Mat. 12:14

Meneng nesayo se menge Parisiyo, aw migpebelaw-belaway dan tepad te inangen dan amon matay dan si Jesus.

Mat. 21:38

Meneng pegdateng te batà din doton, migpebelaw-belaway dan, ‘Seini se meketig-apò te tanà seini aw matay se amay din. Mèpiya aw imetayan tadon sikandin amon sikitadon se meketig-apò te tanà seini.’

Mar. 11:18

Meneng doen menge pengolo te simbahan aw menenoladà te punù ingkeliwat i Moises dimineg te inikagi i Jesus. Penga niyan, miglalang dan te imetayan dan sikandin. Nelemitan dan ki Jesus, so ontò nepela se kedita te otaw tepad te intoladà din.

Mar. 3:4

Penga niyan, minikagi si Jesus diyà te menge otaw timengteng kandin, “Tepad te punù ingkeliwat i Moises, eden lay se mepakay inangen tadon te aldaw te peg-etod? Meg-inang kidon lay te mèpiya, aw meg-inang kidon te medaet? Megtabang kidon lay te doma otaw, aw mengimatay kidon te doma?” Meneng wedad palos intaba dan.

Mar. 3:6

Penga niyan, nesayo se menge Parisiyo, aw migpebelaw-belaway dan sipat menge sakop i Herod tepad te inangen dan amon matay dan si Jesus.

Juan 1:17

Nemegay se Timanem kenitadon te punù din pineokit ki Moises. Meneng pineokit ki Jesu Cristo, nemegay se Timanem kenitadon te tabang din aw kebenalan.

Juan 10:39

Pegdineg dan kenyan, ibeg dan megdakep kandin, meneng nekelowà sikandin lekat kandan.

Juan 11:53

Lekat te aldaw sìyan, gayed dan miglalang te pegpengimatay kandin.

Juan 5:16

Yan se doun te pinemilang dan si Jesus, so neopal dan te pegpegolì din te otaw aldaw te Sebado.

Juan 5:18

Pegdineg dan kenyan, labi dan pa meibeg mengimatay kandin. Neopal dan kandin so wedà sikandin taking te ketanem dan tepad te aldaw te peg-etod. Neopal dan heman so minikagi sikandin te Timanem se Amay din, aw pineokit kenyan onawa se kelangkaw din diyà te Timanem.

Juan 5:45

Kenà ko se megdimanda diyà te Timanem tepad kenyo te modi aldaw, so se kemonaan niyo si Moises egseligan niyo, yan se megdimanda te aldaw sìyan amon ipelumun kaw.

Juan 7:1

Penga niyan, miglegeb si Jesus kidoen te probinsya te Galiliya. Wedà sikandin doton te probinsya te Judiya, so doen menge obanen te Judiyo meibeg mengimatay kandin.

Juan 7:25

Doen menge tege Jerusalem migpebelaw-belaway, kagi dan, “Indà, sikandin se otaw egpemehaen amon imetayan.

Ininang 7:38

Si Moises se inindanan te anghil te kagi te Timanem kidoen te bontod iningedanan Sinay. Sikandin heman se migkeliwat te kagi te Timanem diyà te menge kemonaan tadon netipon kidoen te kebigtilan, aw ingkeliwat den heman iyan diyà kenitadon.

Galasya 3:19

Na, pengkey benal wedad otaw eneng-enengen te Timanem te metòlid dan pineokit te pegtolò te punù ingkeliwat i Moises, kenà aw wedad kekemowan te punù sìyan. Impekeliwat te Timanem se punù din diyà te menge Judiyo amon ketegahan te kedita te otaw te okomen din dan so nekeinang dan te medaet. Se kenamay te pegtolò te punù ingkeliwat i Moises, taman olò te pegdateng te sìyan sebad bowad-bowad i Abraham impakang. Pegpemegay te Timanem te punù sìyan, in-indan din iyan diyà te menge anghil. Penga niyan, ingkeliwat dan iyan diyà ki Moises, aw penga niyan sikandin se migkeliwat heman kenyan diyà te kedita te Judiyo.

Galasya 6:13

Sìyan menge otaw egtoladà te keilangan tomolò kaw te punù ingkeliwat i Moises aw tolien kaw, wedà dan man ketolò se kedita te punù sìyan. Meneng ibeg dan tolien kaw amon iduyun se kandan pegkeotawun pineokit te pegtolò niyo kandan.