Juan 7:15 - Manobo Sarangani

¹⁵ Pegtoladà din, ontò nepela se menge obanen te Judiyo, aw minikagi dan, “Kenan lebò lekat se kebiyasa te otaw seini? So wedà sikandin toledai te menge pengolo te simbahan.”

Juan 7:15 ပူးပေါင်းရင်းမြစ်များ

Mat. 13:54

aw minolì doton te kandin lonsod. Migtoladà sikandin doton te simbahan te Judiyo. Ontò nepela se menge otaw kidoen, aw minikagi dan, “Sebad den ini, so ontò sikandin biyasa, aw mèpiya heman se kepelahan eg-inangen din.

Mat. 22:22

Pegdineg dan kenyan, nepela dan, aw nesayo dan lekat kandin.

Mat. 22:33

Ontò nepela se kedita te otaw dimineg te pegtoladà din.

Luc. 2:47

Nepela se kedita te otaw dimineg te inikagi din, so ontò biyasa, aw mèpiya heman se intaba din.

Luc. 4:22

Mig-aneng-aneng se kedita te otaw te mèpiya se kagi din, aw nepela dan kenyan so eden dan aw olò sikandin batà i Jose.

Juan 1:19

Doen menge pengolo te simbahan te Judiyo aw menge bowad-bowad i Levi dimoton ki Juan Memonyagay. Insogò dan te menge obanen te Judiyo lekat te Jerusalem amon meg-insà dan ki Juan aw sinu sikandin. Seini se inikagi i Juan, so wedà din boloni se kebenalan, meneng timaba sikandin, kagi din, “Kenà ko se Misiyas megpelowà kenyo.”

Juan 7:11

Kidoen te Jerusalem, doen menge obanen te Judiyo nengemahà kandin, aw migpeinsaay dan, “Kenan lebò sikandin?”

Juan 7:13

Meneng in-eles dan se peg-ikagi dan kenyan, so nelemitan dan te menge obanen te Judiyo neopal kandin.

Juan 7:46

Timaba se menge teletonggò, kagi dan, “So wedad palos otaw migtoladà te kebenalan iling te pegtoladà din.”

Ininang 26:24

Telobo pa minikagi si Pablo, migbelobansag si Festo, kagi din, “Migkebook ka den. Migkebook ka so pelaban dakel se pig-ilingan nikaw.”

Ininang 4:13

Penga niyan, ontò nepela se kedita te obanen te simbahan netipon, so wedà pegketalaw si Pedro aw si Juan te pegtaba dan, pengkey wedà dan ontò pekeiskwila. Meneng mig-aneng-aneng den dan te timaking si Pedro aw si Juan ki Jesus kedengan.