Juan 7:10 - Manobo Sarangani

¹⁰ Penga te pegdoton te menge kedowa i Jesus te pista kidoen te Jerusalem, dimoton heman sikandin te eles-eles, so ibeg din wedad otaw metaga-taga te pegdoton din.

Juan 7:10 ပူးပေါင်းရင်းမြစ်များ

Mat. 10:16

“Nayan, peg-ahà kaw amon eked kaw pemilangi te menge mededaet otaw, so iling kaw te ayam-ayam karniro binenganan te menenanap te kebenesan iningedanan lobo. Yan keilangan ontò kaw megpekebiyasa, aw keilangan wedad palos inangen niyo medaet.

Galasya 4:4

Meneng pegdateng te aldaw tapay pinemallì te Timanem, insogò din dini te keneyonan se Batà din aw impekeotaw din amon pineokit kandin inangen kidon menge batà te Timanem. Insogò si Jesus doton te menge Judiyo aw ontò timolò te punù ingkeliwat i Moises amon ipelowà din se menge otaw egtolò te punù sìyan.

Juan 11:54

Yan se doun te limengà si Jesus te peglegeb din kidoen te menge lonsod te Judiyo. Meneng nesayo sikandin aw dimoton te lonsod iningedanan Ipraim, medapag te kebigtilan. Mig-ogpà sikandin kidoen aw menge tinoledaan din.

Juan 7:5

Yan se inikagi dan, so pengkey telekedowa dan si Jesus, meneng wedà dan pemenal kandin.

Juan 7:3

Minikagi se menge kedowa i Jesus diyà kandin, “Mèpiya aw mesayo ka dini aw memista ka heman kidoen te probinsya te Judiya amon komità se menge otaw tinoledaan no te kepelahan eg-inangen nikaw.

Mat. 3:15

Meneng minikagi si Jesus, “Tomani den se pegbonyag kanak, so keilangan tomoman ki den te kedita te ibeg te Timanem.” Penga niyan, migbonyag si Juan ki Jesus.

Mat. 12:46

Nayan, dalem te migtoladà pa si Jesus, dimateng se inay din aw menge kedowa din. Migtagad dan doton te lowà te balay, so ibeg dan megkità kandin.

Mar. 3:21

Pegdineg te menge kedomaan i Jesus te wedà sikandin pekekaen, dimoton dan kandin amon ibingen dan sikandin doton te balay, so doen menge otaw eg-ikagi te migkebook sikandin.

Juan 7:9

Penga te peg-ikagi din kenyan, mig-ogpà pa sikandin kidoen te probinsya te Galiliya.