Juan 6:69 - Manobo Sarangani

⁶⁹ Nemenal kay den kamno, aw netegahan day te wedad salà no aw sikona se insogò te Timanem.”

Juan 6:69 ပူးပေါင်းရင်းမြစ်များ

Juan 11:27

Timaba si Marta, “Ee, Pengolo. Nemenal a te sikona se Batà te Timanem. Sikona se Misiyas insogò din dini te keneyonan.”

Luc. 9:20

Mig-insà si Jesus, “Meneng eden lay se kenyo aneng-aneng tepad kanak? Sinu a lay?” Timaba si Pedro, “Sikona se Misiyas insogò te Timanem dini kenami.”

Mar. 8:29

Mig-insà si Jesus, “Meneng eden lay se kenyo aneng-aneng tepad kanak? Sinu a lay?” Timaba si Pedro, kagi din, “Sikona se Misiyas insogò te Timanem dini kenami.”

1 Juan 5:1

Se kedita te otaw nemenal te si Jesus se Misiyas, yan se menge batà te Timanem. Aw dakel se pedowan tadon te Timanem Amay, dakel heman se pedowan tadon te kedita te menge batà din.

1 Juan 5:20

Netegahan tadon heman te dimini se Batà te Timanem te keneyonan amon ketegahan tadon se benal Timanem. Sikitadon diyà te benal Timanem so diyà kidon te Batà din si Jesu Cristo. Sikandin se benal Timanem, aw sikandin se eglekatan te kaling pedowan wedad temanan.

Roma 1:3

Yan se Mèpiya Indan tepad te Batà din si Jesu Cristo migpekeotaw aw timebaw sebad bowad-bowad te selotan gebii si David.

Juan 20:31

Meneng insolat ko ini amon memenal kaw den te si Jesus se Misiyas megpelowà kenitadon aw sikandin se Batà te Timanem. Aw memenal kaw kandin, begayan kaw te kaling pedowan wedad temanan.

Juan 20:28

Meneng olò minikagi si Tomas, “Sikona se Pengolo ko. Sikona se Timanem ko.”

Juan 1:41

Pegketà nengemahà si Andres te kakay din si Simon, aw minikagi sikandin, “Kinità day se Misiyas.” (Se kedegdagan niyan, “Cristo.”)

Juan 1:29

Keeldawan niyan, kinità i Juan si Jesus migpesalo diyà kandin. Pegkità din kandin, minikagi diyà te menge otaw kidoen, “Na, yan se Nati te Karniro imbegay te Timanem, so sikandin se mengabat te salà te kedita te otaw.

Mar. 1:24

Timawal sikandin, “Tay, Jesus tege Nasarit. Ikà eg-inabut kenami. Ikà egbaet kenami. Netegahan ko aw sinu ka. Sikona se metòlid otaw insogò te Timanem.”

Mat. 16:16

Timaba si Simon iningedanan din ki Pedro, kagi din, “Sikona se Misiyas. Sikona se Batà te Timanem.”

Ininang 8:36

Wedà kenamay, dimateng dan doton te wayeg. Minikagi se tege Etyopya, “Doen wayeg dini. Mepakay lay aw bonyagan a no?” [

Mar. 1:1

Seini se keteboan te Mèpiya Indan tepad te Batà te Timanem, si Jesu Cristo.

Juan 10:36

eden niyo aw migtompuyus a te Timanem pineokit te inikagi ko seini te siak se Batà te Timanem, so pinemallì a din aw insogò a din heman dini te keneyonan.

Efeso 4:13

Pineokit kenyan, mekebatog kidon megsebad te pegpemenal tadon aw pegketaga-taga tadon te Batà te Timanem. Yan meinang kidon iling te otaw migketesan, so meinang se keogpà tadon iling te keogpà i Cristo.

1 Juan 4:16

Yan netegahan tadon te dakel se pedowan te Timanem kenitadon, aw yan se egseligan tadon. Ontò dakel se pedowan te Timanem. Se otaw doen dakel pedowan din, yan se otaw diyà te Timanem aw se Timanem heman diyà kandin.