Juan 6:66 - Manobo Sarangani

⁶⁶ Lekat niyan, medita se tinoledaan timanan ki Jesus aw limengà dan te pegtaking kandin.

Juan 6:66 ပူးပေါင်းရင်းမြစ်များ

Mat. 19:22

Pegdineg din kenyan, nelidò se pedowan din aw nesayo sikandin, so ontò dakel se kedònan din.

Luc. 9:62

Minikagi si Jesus, “Ikà eg-iling te otaw megdaro gayed eglingì, so kolang se inangen din. Iling heman kenyan se otaw kenà melobos se pedowan din tomaking kanak, so eked kepakay aw megpesakop sikandin diyà te peglowan te Timanem.”

Juan 2:2

Dimoton heman si Jesus aw menge tinoledaan din, so impeangay dan.

Juan 6:60

Pegdineg te menge tinoledaan i Jesus te intoladà din seini, medita kandan se migpebelaw-belaway, kagi dan, “Eked nael pemenali se intoladà din seini. Wedad besi palos otaw mekepemenal kenyan.”

Juan 6:64

Doen dini kenyo eked pemenal kanak.” Yan se inikagi i Jesus so tapay din netegahan aw sinu se otaw eked pemenal, aw netegahan din heman aw sinu se otaw megtolok kandin.

Juan 7:3

Minikagi se menge kedowa i Jesus diyà kandin, “Mèpiya aw mesayo ka dini aw memista ka heman kidoen te probinsya te Judiya amon komità se menge otaw tinoledaan no te kepelahan eg-inangen nikaw.

Juan 8:31

Minikagi si Jesus diyà te menge Judiyo nemenal kandin, “Aw ebey kaw tomolò te itoladà ko, meinang kaw ontò tinoledaan ko.

2 Timoteo 1:15

Netegahan no besi te tininggetanan a te kedita te otaw egpemenal dini te probinsya te Asya, pengkey si Figelo aw si Hermogenes.

2 Timoteo 4:10

Tinenanan a den i Demas, so ibeg din se keluba te keneyonan seini. Dimoton sikandin te Tesalonika. Kenan si Cresente, dimoton sikandin te Galasya. Kenan si Tito, dimoton sikandin te Dalmasya.

Menge Hebreo 10:38

Se menge otaw eg-eneng-enengen ko te metòlid dan, yan se meketayod te pengkey eden se kelimahan tandà te pegsalig dan kanak. Meneng aw lomengà se otaw tomaking kanak tandà te ketalaw din, eked a keluba kandin.”

1 Juan 2:19

Se menge eg-ato sìyan, kenà dan benal kedowa tadon te pegpemenal, aw yan nesayo den dan lekat kenitadon. Simpana benal dan kedowa tadon te pegpemenal, eked dan peden kesayo lekat kenitadon. Meneng nesayo den dan lekat kenitadon aw yan se pengilala te kenà dan benal kedowa tadon te pegpemenal.