Juan 6:60 - Manobo Sarangani

⁶⁰ Pegdineg te menge tinoledaan i Jesus te intoladà din seini, medita kandan se migpebelaw-belaway, kagi dan, “Eked nael pemenali se intoladà din seini. Wedad besi palos otaw mekepemenal kenyan.”

Juan 6:60 ပူးပေါင်းရင်းမြစ်များ

Juan 6:66

Lekat niyan, medita se tinoledaan timanan ki Jesus aw limengà dan te pegtaking kandin.

Juan 8:43

Wedà niyo kelebeti se inikagi ko, so eked kaw keibeg menenalan te kebenalan itoladà ko.

Juan 8:31

Minikagi si Jesus diyà te menge Judiyo nemenal kandin, “Aw ebey kaw tomolò te itoladà ko, meinang kaw ontò tinoledaan ko.

Mat. 11:6

Indani niyo heman sikandin te doen keluba te otaw eked pegdowa-dowa te pegsalig din kanak.”

2 Pedro 3:16

Iling heman kenyan se ipegtoladà i Pablo diyà te kedita te solat din. Doen heman insolat din melima kelebetan, aw yan se todaen te menge otaw wedà ontò ketaga-taga te kebenalan aw wedà kelobos se pegsalig dan diyà te Timanem. Iling heman kenyan se pegtodà dan te menge doma kagi te Timanem insolat, aw yan se doun te pegbàtan din dan.

Menge Hebreo 5:11

Nayan, doen pa dakel isolat ko peden kenyo tepad te pegkagon i Melkisedec aw si Jesus, meneng melima se pegpetaga-taga ko kenyo tepad kenyan so wedad den nael ibeg niyo menenalan.

Juan 2:2

Dimoton heman si Jesus aw menge tinoledaan din, so impeangay dan.

Juan 5:25

Eneng-enengi niyo se kagi ko kenyo. Doen aldaw domateng, igsà dimateng den iyan, aw domineg te kagi ko se menge otaw wedad pedowan. Aw memenal dan kanak, begayan dan te kaling pedowan wedad temanan.

Juan 6:52

Pegdineg te menge obanen te Judiyo kenyan, migpedindilay dan, kagi dan, “Eked sikandin pemegay te onod din kenitadon amon mekaen tadon iyan.”

Juan 6:64

Doen dini kenyo eked pemenal kanak.” Yan se inikagi i Jesus so tapay din netegahan aw sinu se otaw eked pemenal, aw netegahan din heman aw sinu se otaw megtolok kandin.

Juan 7:3

Minikagi se menge kedowa i Jesus diyà kandin, “Mèpiya aw mesayo ka dini aw memista ka heman kidoen te probinsya te Judiya amon komità se menge otaw tinoledaan no te kepelahan eg-inangen nikaw.