Juan 6:45 - Manobo Sarangani

⁴⁵ Doen insolat te telekeliwat te kagi te Timanem, kagi din, ‘Toledaan te Timanem se kedita te otaw.’ Se kedita te otaw menenalan aw tomolò te itoladà te Amay ko, yan se tomaking kanak.

Juan 6:45 ပူးပေါင်းရင်းမြစ်များ

Mat. 11:27

Penga niyan, minikagi si Jesus, “Insalig te Amay ko se kedita diyà kanak. Se Amay ko, yan olò se netaga-taga te kedita tepad kanak, so Batà a din. Siak olò heman se netaga-taga te kedita tepad te Amay ko, aw eked ketaga-taga se otaw tepad kandin singed aw ipetaga-taga ko iyan diyà kandan.

Mat. 17:5

Telobo pa minikagi si Pedro, doen labon melowa dimateng diyà kandan aw wedà dan ebey kità kandan. Penga niyan, dinineg dan se kagi te Timanem lekat te labon, “Seini se Batà ko. Dakel se pedowan ko kandin, aw ontò a neluba kandin. Keilangan sikandin se penenelanen niyo.”

Mar. 1:2

Gebii doen insolat te telekeliwat te kagi te Timanem si Isaias, “Na, doen otaw isogò ko megpetaga-taga te agpet ka den domateng, amon megpeketagad se kedita te otaw te pegdateng nikaw.

Luc. 1:70

Yan se impakang te Timanem gebii pineokit te menge telekeliwat te kagi din, so minikagi sikandin

Luc. 18:31

Nayan, migtipon si Jesus te sìyan sempolò teg dowa tinoledaan din, aw minikagi sikandin, “Na, domoton kidon den te Jerusalem amon metoman se kedita te pakang insolat te menge telekeliwat te kagi te Timanem tepad kanak Timanem Migpekeotaw.

Juan 10:27

Egpenenalan se karniro ko te kagi ko, aw netegahan ko dan, aw egtaking dan heman kanak.

Juan 6:37

Se kedita te otaw insalig te Amay ko diyà kanak, yan se otaw tomaking kanak. Pengkey sinu se otaw tomaking kanak, eked ko palos sikandin pekedasi.

Juan 6:65

Minikagi heman si Jesus, “Yan se doun te minikagi a diyà kenyo te wedad otaw meketaking kanak singed aw onà entagen se pedowan din te Amay ko.”

Ininang 13:40

“Peg-ahà kaw amon eked kaw pelumuni iling te menge otaw in-indan te telekeliwat te kagi te Timanem,

Ininang 7:42

Yan timinàyog se Timanem kandan. Pinebeyaan din se pegsimba dan te bolan, aw bitoen, aw aldaw. Gebii, simolat se sebad telekeliwat te kagi te Timanem, kagi din, ‘Menge bowad-bowad i Israel, peglikò-likò niyo doton te kebigtilan taman te kepatan se omay, kenà ko se binegayan niyo te ayam-ayam indogsò niyo.

Efeso 1:17

Egtawal-tawal a diyà te Timanem simogò te Pengolo tadon si Jesu Cristo, aw sikandin se Timanem Amay ipegduyun tadon. Egpemoyò a diyà kandin te tebangan kaw din pineokit te Espiritu Santo, amon megkebiyasa kaw, aw amon metaga-taga kaw heman te Timanem.

Filipos 3:15

Nayan, sikiyo menge otaw nelobos se pegpemenal niyo, keilangan iling te kanak aneng-aneng se aneng-aneng niyo tepad te inikagi ko sìyan. Aw kenà iling te kanak aneng-aneng se aneng-aneng niyo, ipetaga-taga te Timanem kenyo aw eden se ontò kebenalan.

1 Tesalonika 4:9

Wedad den keilangan te doen megtoladà kenyo tepad te pegpedekelay niyo te pedowan, so tinoledaan kaw den te Timanem te keilangan megpedekelay kaw te pedowan,

Menge Hebreo 10:16

“Minikagi se Pengolo, ‘Iling kani se kaling peokit inangen ko kandan te modi aldaw. Ipeaneng-aneng ko kandan se menge punù ko amon eked dan iyan kelibeli. Iling te isolat ko se menge punù ko kidoen te pedowan dan amon meibeg dan tomolò kenyan.’”

1 Juan 2:27

Meneng ikà niyo egketetana, so eg-ogpaan kaw pa te Espiritu Santo imbegay i Jesu Cristo diyà kenyo. Yan wedad den keilangan te doma megtoladà kenyo aw eden se kebenalan aw eden se kebolalaw, so Espiritu Santo se megtoladà kenyo te kedita. Ontò benal se ipegtoladà din, aw kenà iyan kebolalaw. Yan keilangan meg-ogpà kaw diyà ki Cristo iling te intoladà te Espiritu Santo kenyo.