Doen dini kenyo eked pemenal kanak.” Yan se inikagi i Jesus so tapay din netegahan aw sinu se otaw eked pemenal, aw netegahan din heman aw sinu se otaw megtolok kandin.
Netaga-taga si Jesus te doen insaen dan peden kandin, aw yan minikagi sikandin, “Migpeinsaay kaw den tepad te kedegdagan te inikagi ko gina, te eked kenamay, eked a niyo den kitai, aw penga niyan te eked kenamay, todà a niyo kitaen.
Nayan, pegdateng i Jesus aw menge tinoledaan din doton te Kapirnaom, mig-ogpà dan diyà te balay. Mig-insà si Jesus, “Eden lay se pigdindilan niyo gina kidoen te dalan te wedà kidon pa dateng dini?”
Meneng netegahan i Jesus aw eden se aneng-aneng dan, aw minikagi sikandin, “Tay law. Wedà pa kedì kelobos se pegsalig niyo kanak. Ikà niyo egkepela so wedad pan inibing niyo.
Migpebelaw-belaway dan, kagi dan, “Meneng sikandin si Jesus, aw si Jose olò se amay din. Netegahan tadon aw sinu se amay aw inay din. Yan nengà lay minikagi sikandin te insogò sikandin lekat te langit?”
