Juan 6:40 - Manobo Sarangani

⁴⁰ Meibeg se Amay ko te begayan te kaling pedowan wedad temanan se kedita te otaw nengemahà aw nemenal kanak, aw entayen ko dan te temanan aldaw.”

Juan 6:40 ပူးပေါင်းရင်းမြစ်များ

Mat. 10:15

Eneng-enengi niyo se kagi ko kenyo seini. Pengkey ipelumun te Timanem se tege Sodoma aw tege Gomora te modi aldaw tepad te salà dan ontò medaet, meneng labi pa ipelumun te Timanem se otaw eked pegsagman kenyo.”

Mat. 25:46

Penga niyan, ipedeleg dan doton te pelumun wedad temanan. Meneng se otaw eg-inang te metòlid, begayan dan te kaling pedowan wedad temanan.”

Mar. 16:16

Aw memenal se otaw kenyan, aw megpebonyag, ipelowà sikandin lekat te salà. Meneng aw eked pemenal se otaw, ipelumun sikandin.

Luc. 2:30

so ontò a den kimità te insogò no megpelowà kenami.

Juan 1:14

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

Juan 10:28

Egpemegay a kandan te kaling pedowan wedad temanan, aw eked dan detengi te kemetayun. Wedad palos mekeagaw kandan diyà kanak.

Juan 11:24

Minikagi si Marta, “Netegahan ko te meantay sikandin te temanan aldaw aw entayen te Timanem se kedita te otaw lekat te nematay.”

Juan 11:25

Minikagi si Jesus, “Siaken se meg-antay te otaw lekat te nematay. Siak se egpemegay te kaling pedowan. Pengkey matay se otaw nemenal kanak, meneng meantay sikandin.

Juan 12:45

Se otaw kimità kanak, yan se kimità heman te Amay ko simogò kanak.

Juan 12:50

Netegahan ko te punù te Timanem se kelekatan te kaling pedowan wedad temanan. Yan se doun te gayed ko ipegkeliwat se kagi impunù din kanak.”

Juan 14:17

Yan se Espiritu Santo egtoladà te kebenalan. Eked sikandin kinewai te menge otaw egtaking te medaet ketanem te keneyonan, so kenà dan egkità kandin, aw kenà dan egketaga-taga aw sinu sikandin. Meneng sikiyo, netaga-taga kaw den kandin, so egdomaan kaw din aw ogpaan kaw te wedad temanan.

Juan 14:19

Te eked kenamay, eked a den todà kitai te menge doma otaw. Meneng sikiyo, todà kaw komità kanak. So doen pedowan ko wedad temanan, begayan kaw heman te pedowan wedad temanan.

Juan 17:2

Insalig no kanak se peglowan diyà te kedita te otaw amon mekebegay a te kaling pedowan wedad temanan diyà te kedita te otaw imbegay no kanak.

Juan 3:36

Se otaw memenal diyà te Batà te Timanem, yan se otaw doen kaling pedowan wedad temanan. Meneng se otaw eked tolò te kagi te Batà te Timanem, yan se otaw eked begayi te kaling pedowan, meneng detengan dan te pelumun te Timanem te wedad temanan.

Juan 4:14

Meneng se otaw minem te wayeg ibegay ko kandin, yan se eked todà palos kelao. Se wayeg ibegay ko kandin, yan se meinang selep kidoen kandin egtebolan te wayeg mekebegay te kaling pedowan wedad temanan.”

Juan 5:24

“Eneng-enengi niyo se kagi ko kenyo seini. Se otaw menenalan te kagi ko, aw memenal heman diyà te Amay ko simogò kanak, yan se otaw begayan te kaling pedowan wedad temanan. Eked sikandin pelumuni, so nekelowà den sikandin lekat te kemetayun, aw doen den kaling pedowan din wedad temanan.

Juan 6:27

Ikà niyo egpengemahà te kànen megkewedad te eked kenamay. Meneng pengemahà kaw te kànen eked pegkewedad aw mekebegay te pedowan wedad temanan. Yan se ibegay ko kenyo, so siaken se Timanem Migpekeotaw, aw impetaga-taga te Amay ko Timanem te siak se insogò din.”

Juan 6:39

Aw seini se ibeg din, te tonggoan ko se kedita te otaw insalig din diyà kanak amon wedad metalon kandan, aw entayen ko se kedita dan te temanan aldaw.

Juan 6:44

Wedad otaw meketaking kanak singed aw onà entagen se pedowan din te Amay ko simogò kanak. Se otaw tomaking kanak, yan se entayen ko te temanan aldaw.

Juan 6:54

aw se otaw komaen te onod ko aw minem te dipanog ko, yan se otaw begayan ko te kaling pedowan wedad temanan, aw entayen ko pa sikandin te temanan aldaw.

Juan 8:56

Se kemonaan niyo si Abraham, ontò sikandin neluba so metoman din kitaen se pegdateng ko. Kinità a din den aw ontò den sikandin neluba.”

Roma 5:21

Pengkey egkematay se kedita te otaw neallang te salà, meneng egtebangan te Timanem se kedita te otaw megpesakop diyà kandin, so eneng-enengen din te metòlid dan. Begayan din dan heman te kaling pedowan wedad temanan pineokit te ininang te Pengolo tadon si Jesu Cristo.

Roma 6:23

Detengan te kemetayun wedad temanan se otaw eg-inang te salà. Meneng se ibowang te Timanem, yan se kaling pedowan wedad temanan pineokit te pegpemenal tadon te Pengolo tadon si Jesu Cristo.

2 Korinto 4:6

Peg-inang te Timanem te keneyonan, mengitngit aw penga niyan ininang din se kelowahan. Iling kenyan se ininang din kanak, so kedengan, iling te doen kengitngit diyà te pedowan ko, so wedà a kilala ki Jesu Cristo. Meneng linowa din den se pedowan ko amon ipekità din kanak se kelangkaw te Timanem diyà te bawa i Cristo.

Menge Hebreo 11:1

Nayan, aw somalig kidon diyà te Timanem, ketegahan tadon te metoman kidon mekekinawà te mèpiya egpelimanan tadon, aw ketegahan tadon heman te benal doen mèpiya wedà tadon pa kitai.

Menge Hebreo 11:27

Simalig sikandin diyà te Timanem, aw yan pegkesayo din lekat te Ehipto, wedà sikandin kelemitan te meopal se selotan kandin. Gayed sikandin egsalig diyà te Timanem so iling te egkitaen din se Timanem kenà egkitaen.

1 Pedro 1:8

Pengkey wedà kaw palos kità ki Jesus, meneng dakel se pedowan niyo kandin. Pengkey wedà kaw kità kandin, meneng nemenal kaw kandin, aw yan se doun te ontò neluba se pedowan niyo, aw eked iyan kelitok te kagi.

1 Juan 2:25

Doen impakang i Jesus kenitadon, aw yan se kaling pedowan wedad temanan imbegay din.

Judas 1:21

Ikà niyo egtanan te kedakel te pedowan te Timanem dalem te pegtagad niyo te Pengolo tadon si Jesu Cristo egkeido kenyo, so ipeogpà kaw din doma din te wedad temanan.