Juan 6:14 - Manobo Sarangani

¹⁴ Pegkità te menge otaw te kepelahan ininang i Jesus, minikagi dan, “Sikandin se ontò benal telekeliwat te kagi te Timanem insogò din dini te keneyonan.”

Juan 6:14 ပူးပေါင်းရင်းမြစ်များ

Mat. 21:11

Timaba se otaw timaking ki Jesus, “Sikandin se telekeliwat te kagi te Timanem si Jesus. Lekat sikandin te lonsod te Nasarit sakop te probinsya te Galiliya.”

Ininang 7:37

Si Moises se mig-indan diyà te menge bowad-bowad i Israel te doen kwani sebad kedomaan dan inangen te Timanem telekeliwat te kagi din iling te pegsogò din ki Moises.

Mat. 11:3

kagi dan, “Sikona lay se ontò insogò te Timanem pinelimanan day, aw doen pa doma domateng?”

Juan 7:40

Pegdineg dan te inikagi din, doen menge otaw minikagi, “Sikandin se ontò benal telekeliwat te kagi te Timanem tapay din impakang.”

Juan 1:21

Mig-insà dan, “Sinu ka lay? Si Elias ka lay?” Timaba si Juan, “Kenà ko.” Minikagi dan, “Sikona besi se sìyan doma telekeliwat te kagi te Timanem pinelimanan day.” Timaba sikandin, “Kenà ko.”

Juan 4:19

Minikagi se bayi, “Sir, netegahan ko den te telekeliwat ka insogò te Timanem.

Genesis 49:10

Si Juda se mengawid te bangkà te selotan, so gayed lomowan se menge bowad-bowad din lamig domateng se ontò selotan, sìyan toloen te kedita te otaw.

Juan 4:42

Minikagi dan diyà te bayi, “Nemenal kay den kenà olò pineokit te inikagi no kenami, meneng nemenal kay den so nenenalan kay den kandin, aw netegahan day den te ontò sikandin se megpelowà te kedita te otaw.”

Juan 4:25

Minikagi se bayi, “Netegahan ko te domateng se Misiyas amon megpelowà kenitadon, sìyan isogò te Timanem iningedanan Cristo. Aw domateng sikandin, lebaden din se kedita te kebenalan diyà kenitadon.”

Luc. 24:19

Minikagi sikandin, “Eden lay se neinang kidoen?” Minikagi dan, “Doen telekeliwat te kagi te Timanem ngadan din si Jesus tege Nasarit. Insogò sikandin te Timanem, aw ontò mèpiya se ininang din aw inikagi din kinità te kedita te otaw.

Luc. 7:16

Nelemitan se kedita te otaw kimità kenyan, aw induyun dan se Timanem, kagi dan, “Migtabang den se Timanem kenitadon menge sakop din, so insogò din dini kenitadon se metolos telekeliwat te kagi din seini.”

Juan 2:11

Peg-inang i Jesus kenyan kidoen te Kana sakop te probinsya te Galiliya, yan se tagnà kepelahan ininang din amon ipekità din te doen kelangkaw din. Nemenal se menge tinoledaan din kandin.

Juan 6:2

Ontò medita se otaw timaking kandin, so kinità dan se kepelahan ininang din te pegpegolì din te menge otaw doen mesakit.

Juan 6:26

Timaba si Jesus, “Eneng-enengi niyo se kagi ko kenyo. Nengemahà kaw kanak kenà so nemenal kaw pineokit te kepelahan impekità ko kenyo, meneng nengemahà kaw kanak so nebesog kaw te pan impekaen ko kenyo gebenini.

Juan 6:30

Mig-insà dan heman, “Eden lay se pengilala ipekità no kenami amon memenal kay kamno? Eden lay se inangen no kenami?

Juan 11:27

Timaba si Marta, “Ee, Pengolo. Nemenal a te sikona se Batà te Timanem. Sikona se Misiyas insogò din dini te keneyonan.”