Juan 6:11 - Manobo Sarangani

¹¹ Inabat i Jesus se lima pan, aw migpesiontong kenyan diyà te Timanem, aw impeteped din iyan diyà te menge otaw minonsad. Onawa heman se ininang din diyà te ikan lamig nebesog se kedita dan.

Juan 6:11 ပူးပေါင်းရင်းမြစ်များ

Juan 6:23

Wedà dan pegkità ki Jesus, meneng doen menge belangay lekat te Tibiryas migdong dapag te tanà kinànan dan te pan impesiontong i Jesus.

1 Tesalonika 5:18

Keilangan gayed kaw megpesiontong diyà kandin pengkey eden se domateng kenyo. Yan se ibeg te Timanem inangen niyo pineokit ki Jesu Cristo.

Roma 14:6

Aw meibeg se otaw megsimba te sebad aldaw, Timanem se ipegduyun din pineokit te pegtaking din te ketanem sìyan. Iling heman kenyan, aw egpengaen se otaw te pengelapen, Timanem se egbesahan din pineokit te pegpengaen din te pengelapen, so Timanem se egpesiontongan din kenyan. Meneng aw kenà egpengaen se otaw te pengelapen, Timanem se egbesahan din pineokit te kenà din pegpengaen te pengelapen, aw egpesiontong sikandin diyà te Timanem te egpengànen din.

Mat. 15:36

Inabat din se pito pan aw ikan, aw migpesiontong diyà te Timanem kenyan. Binelà-belà din iyan, aw imbegay din diyà te menge tinoledaan din, aw inteped dan diyà te menge otaw netipon.

Luc. 24:30

Peg-iyambong dan, inabat din se pan, aw migpesiontong sikandin diyà te Timanem, aw binelà-belà din, aw imbegay din diyà kandan.

1 Korinto 10:31

Nayan, pengkey eden se inangen tadon, pengkey komaen kidon, aw pengkey minem kidon, keilangan iduyun tadon se Timanem pineokit te kedita te inangen tadon.

Ininang 27:35

Penga niyan, inabat i Pablo se pan, aw migpesiontong diyà te Timanem, aw pigbelà-belà din se pan, aw kimaen.

Juan 6:9

“Doen telaki dini nengibing te bawo din lima se pan ininang lekat te sebada, aw dowa se ikan din. Meneng iling iyan te wedad, so ontò medita se otaw netipon.”

Juan 21:9

Pegdateng dan doton te kilid, kinità dan se pan, aw doen heman menge ikan tinoeg den diyà te baga.

Juan 21:10

Minikagi si Jesus, “Ibingi niyo diyà se menge ikan neabat niyo gina.”

Juan 21:13

Penga niyan dimoton si Jesus aw inabat din se pan aw ikan, aw inteped din diyà kandan.