Juan 5:7 - Manobo Sarangani

⁷ Timaba se otaw, “Meneng Sir, aw metigaw se wayeg, wedad otaw megsawol kanak kidoen te wayeg. Pengkey megtelaman a, meneng gayed mekeonà se doma te eked a pa dateng kidoen.”

Juan 5:7 ပူးပေါင်းရင်းမြစ်များ

1 Korinto 9:24

Netegahan niyo den, aw doen koyà, pengkey medita se otaw komagnan, meneng sebad olò se kebegayan te ontong. Tayod kaw heman te pegtaking niyo ki Cristo amon mekekinawà kaw heman te kenyo ontong.

Roma 5:6

Kedengan te wedà kidon pa pemenal, neallang kidon te salà. Meneng pegdateng te aldaw pinemallì te Timanem, nematay si Cristo amon megpelowà kenitadon egpekesalà.

Juan 5:3

Medita se otaw doen mesakit eg-ogpà diyà te lima elonganan niyan, aw migtagad dan te pegpegolì kandan. Doen menge bota. Doen menge kapig. Doen heman menge otaw kenà egpekeiwal. [Gayed dan migtagad te pegketigaw te wayeg kidoen,

Juan 5:2

Doen lanaw kidoen te Jerusalem doton dapag te lelebangan te kotà nekelibed te lonsod, sìyan iningedanan Lelebangan te Karniro. Iningedanan se lanaw Bitsata te menge otaw eg-ikagi te Hebreo, aw doen lima elonganan kidoen te kilid niyan.

Juan 5:4

so seletà doen anghil te Timanem mebo kidoen te lanaw, aw megtigaw te wayeg kidoen. Penga niyan, aw ayas mebo se otaw diyà te wayeg, kegolian dan.]

Juan 5:6

Kimità si Jesus kandin minibat, aw netegahan din te ontò sikandin nenamay nesekitan. Mig-insà si Jesus, “Meibeg ka lay kegolian?”