Juan 5:44 - Manobo Sarangani

⁴⁴ Ibeg niyo iduyun kaw te menge doma otaw, meneng eked kaw keibeg iduyun te sebad olò Timanem. Yan se doun te eked kaw pemenal.

Juan 5:44 ပူးပေါင်းရင်းမြစ်များ

Mat. 23:5

Gayed dan ipekità diyà te doma otaw se pegtolò dan te menge punù amon iduyun dan. Eg-inangen dan pelaban dakel se solanan te kagi te Timanem egpengibingen dan, aw egpelasan dan se saol dan melayat amon meg-aneng-aneng se doma otaw te ontò melobos se pedowan dan diyà te Timanem.

Luc. 19:17

Minikagi se selotan, ‘Mèpiya se ininang nikaw. Pengkey deitek se imbegay ko diyà kamno, meneng keseligan ka, aw yan se doun te inangen ta den gobirnador lomowan diyà te sempolò lonsod.’

Juan 12:43

Migbolon dan te pegpemenal dan, so pengkey doen ibeg dan iduyun te Timanem, meneng labi dan pa meibeg iduyun te doma otaw.

Juan 17:3

Seini se otaw doen kaling pedowan wedad temanan, se otaw netaga-taga kamno, sebad no se ontò benal Timanem, aw netaga-taga heman kanak, si Jesu Cristo insogò no dini te keneyonan.

Juan 3:20

Se otaw eg-inang te medaet, yan se eked keibeg te kelowahan, aw megpekediyò dan kidoen te kelowahan amon eked ketegahi se inang din medaet.

Juan 5:41

Kenà aw egkeibegan ko se duyun te otaw,

Juan 8:43

Wedà niyo kelebeti se inikagi ko, so eked kaw keibeg menenalan te kebenalan itoladà ko.

Roma 2:10

Meneng se kedita te otaw eg-inang te mèpiya, yan se iduyun te Timanem doton te langit. Begayan din se kedita dan te kelinaw te pedowan, pengkey doton te otaw kenà Judiyo aw labi den doton te Judiyo,

Roma 2:7

Doen menge otaw gayed eg-inang te mèpiya amon iduyun dan te Timanem, aw amon meg-ogpà dan doma din doton te langit te wedad temanan. Yan se otaw begayan din te kaling pedowan wedad temanan.

1 Korinto 4:5

Yan ikà niyo eg-okom te eg-inangen te doma otaw, so wedà pa dateng se aldaw te peg-okom. Aw lomikò se Pengolo, ipetaga-taga din se kedita, sìyan wedà tadon pa ketegahi. Ipetaga-taga din heman se kedita te aneng-aneng te otaw, aw penga niyan, iduyun te Timanem se teg sebad-sebad otaw doen ontong.

2 Korinto 10:18

Na, eked duyuni te Timanem se otaw domuyun te kandin pegkeotawun. Meneng aw Timanem se domuyun te otaw, yan ketegahan din te ontò iyan benal.

Filipos 2:3

Pengkey eden se inangen niyo, ikà niyo egkedemet. Ikà niyo egpelangkaw-langkaw. Meneng keilangan megpedanà kaw te kenyo pegkeotawun aw megsagman kaw te menge doma niyo.

1 Tesalonika 2:6

Wedad ibeg day te iduyun kay te menge doma otaw, aw wedad heman ibeg day te iduyun kay niyo.

1 Timoteo 1:17

Iduyun tadon se Timanem eglowan te wedad temanan. Eked palos sikandin kematay, aw eked heman sikandin kitai. Sebad din se Timanem, aw segmanen aw iduyun sikandin te wedad temanan. Metoman iyan.

Menge Hebreo 3:12

Yan menge kedowa ko, peg-ahà kaw amon wedad palos otaw doton kenyo medaet se pedowan aw eked tolò, aw amon wedad somoway lekat te Timanem wedad temanan.

Santiago 2:1

Menge kedowa ko, aw egsalig kaw diyà ki Jesu Cristo Pengolo tadon melangkaw, yan keilangan onewaen niyo se pegsagman niyo te kedita te otaw egpemenal, pengkey sagkep aw meyaman.

1 Pedro 1:7

so ibeg te Timanem tomayod kaw te menge kelimahan sìyan amon ipetaga-taga niyo te ontò nelobos se pegsalig niyo diyà kandin. Iling iyan te bolawan tonawen diyà te apoy amon ketegahan aw ontò iyan bolawan. Pengkey meelagà se bolawan, megkewedad iyan te eked kenamay. Meneng labi pa meelagà se pegsalig niyo diyà te Timanem, aw yan ipeokit kaw din diyà te kelimahan amon ketegahan din aw ontò kaw egsalig diyà kandin. Aw meketayod kaw kenyan, iduyun kaw din aw ipelangkaw kaw din te aldaw te peglikò i Jesu Cristo.

Judas 1:25

Iduyun se Timanem. Sebad din se Timanem, aw migpelowà den sikandin kenitadon lekat te salà pineokit te Pengolo tadon si Jesu Cristo. Timanem se ontò mèpiya. Sikandin se ontò melangkaw. Sikandin se eglowan diyà te kedita. Sikandin se ontò metolos. Doen den sikandin gebii, aw songkani, aw te wedad temanan. Metoman iyan.