Juan 5:39 - Manobo Sarangani

³⁹ Gayed kaw egbasa te kagi te Timanem tapay insolat, so aneng-aneng niyo, kebegayan kaw te kaling pedowan wedad temanan pineokit te pegbasa niyo kenyan. Eg-indan se kagi te Timanem te benal tepad kanak,

Juan 5:39 ပူးပေါင်းရင်းမြစ်များ

Luc. 24:27

Penga niyan, miglebad-lebad si Jesus diyà kandan te kedita te insolat kidoen te kagi te Timanem tepad te pegkeotawun din, lekat te insolat i Moises aw kidoen te insolat te kedita te telekeliwat te kagi te Timanem gebii.

Luc. 24:44

Penga niyan, minikagi si Jesus, “Pegdoma ko kenyo kedengan te wedà a pa kematay, seini se inikagi ko diyà kenyo, te keilangan metoman se kedita te kagi insolat tepad kanak kidoen te punù ingkeliwat i Moises, aw insolat te menge telekeliwat te kagi te Timanem, aw kidoen heman te libro te Delangan.”

Ininang 17:11

Kenà iling te tege Tesalonika se menge otaw doton te Berya, so ontò measeb se tege Berya egpenenalan te kagi te Timanem. Kelikit te aldaw, migbasa dan te kagi te Timanem insolat amon ketegahan dan aw benal se intoladà i Pablo.

Mat. 22:29

Minikagi si Jesus, “Ontò kaw migkemalì, so wedà niyo pa kelebeti se kagi te Timanem insolat, aw wedà niyo heman ketegahi aw eden se mebatog inangen te Timanem pineokit te tolos din.

Ininang 13:27

Meneng se menge otaw doton te Jerusalem aw otaw limowan kandan, wedà dan ketaga-taga te sikandin se Egpelowà. Pengkey binasa dan se kagi insolat te menge telekeliwat te kagi te Timanem doton te simbahan dan te kelikit te simana, meneng wedà dan iyan kelebeti. Mig-okom dan kandin, aw yan netoman se inikagi te telekeliwat te kagi te Timanem.

Juan 5:46

Simpana ontò kaw nemenal te kagi i Moises, nemenal kaw heman kanak, so simolat si Moises tepad kanak.

Roma 3:2

Meneng medita se ontong dan. Monà te kedita, insalig te Timanem kandan se kagi din.

Mar. 12:10

Migbasa kaw den besi te kagi te Timanem seini insolat, ‘Doen bato in-agbel te menge otaw mig-inang te balay, so eden dan aw wedad kekemowan niyan. Meneng yan se bato ontò salig te balay.

Impekità 19:10

Penga niyan, limongken a diyà kandin amon simbahen ko, meneng minikagi sikandin, “Ikà egsimba kanak, so pengkey siak, aw sikona, aw kedita heman te doma no nemenal te kebenalan intoladà i Jesus, tomalag egtolò te Timanem. Yan keilangan Timanem olò se simbahen nikaw.” Yan se inikagi din, so se intoladà i Jesus, yan heman se kebenalan intoladà te menge telekeliwat te kagi te Timanem.

Roma 1:2

Se Mèpiya Indan sìyan, yan se impakang te Timanem gebii aw impesolat din te menge telekeliwat te kagi din.

Ininang 26:27

Indà, Agripas? Nemenal ka lay te inikagi te menge telekeliwat te kagi te Timanem? Netegahan ko te nemenal ka kenyan.”

Juan 7:52

Meneng minikagi dan, “Sikona besi heman se sakop te probinsya te Galiliya. Pengemahà ka kidoen te kagi te Timanem insolat, aw yan ketegahan no te wedad palos sakop te probinsya te Galiliya neinang telekeliwat te kagi te Timanem.” [

Juan 5:32

Meneng doen doma mekeindan te benal tepad kanak, aw netegahan ko te keseligan se kagi din tepad kanak.

Juan 5:36

Meneng doen pa meg-indan te benal labi pa keseligan diyà ki Juan, so lekat te Amay ko se kedita te kepelahan eg-inangen ko, aw yan se egpetaga-taga te ontò a insogò te Amay ko.

Luc. 16:31

Minikagi si Abraham, ‘Aw eked dan penenalan te punù ingkeliwat i Moises aw menge telekeliwat te kagi te Timanem, eked dan heman pemenal pengkey doen meantay lekat te nematay.’”

Menge Hebreo 11:16

Meneng wedà dan olì doton, so doen ibeg dan meg-ogpà doton te ogpeanan labi pa mèpiya, sìyan ogpeanan doton te langit. Doun niyan, wedà keyàyà se Timanem te egtewalen dan sikandin Timanem dan, aw yan impetagad din den se ogpeanan dan.

Kolasas 3:16

Keilangan isawol niyo diyà te pedowan niyo se kagi intoladà i Cristo. Pegpetoledaay kaw te kedita te kebenalan, aw pegpesegdahay kaw heman. Pekitai niyo te egpesiontong kaw diyà te Timanem pineokit te pegdelangan niyo diyà kandin.

Luc. 16:29

Meneng minikagi si Abraham, ‘Gayed doen punù ingkeliwat i Moises aw menge telekeliwat te kagi te Timanem egbesahen dan. Mèpiya aw menenalan dan kenyan.’

Juan 1:45

Penga niyan, nengemahà si Felipe ki Natanael aw minikagi, “Kinità day se otaw impakang i Moises aw menge doma telekeliwat te kagi te Timanem te pegsolat dan gebii. Yan se tege Nasarit si Jesus, batà i Jose.”

Menge Hebreo 11:35

Doen heman menge bayi simalig diyà te Timanem aw yan neantay se batà dan pengkey nematay den. Doen heman menge doma otaw simalig diyà te Timanem dinakep te otaw mebolot. Pengkey impeeleg dan lamig nematay dan, meneng wedà dan lengà te pegsalig dan diyà te Timanem, so ibeg dan entayen dan te Timanem lekat te nematay amon meg-ogpà dan doma din te wedad temanan.

Luc. 24:25

Penga niyan, minikagi si Jesus, “Tay law. Nepela a kenyo, so wedà kaw pa pemenal te kedita te inikagi te menge telekeliwat te kagi te Timanem gebii.

Juan 5:40

meneng eked kaw pa pemenal kanak, aw yan eked kaw begayi te kaling pedowan wedad temanan.

Mar. 10:3

Timaba si Jesus, “Eden lay se impunù i Moises tepad te pegsibwan?”