Juan 5:36 - Manobo Sarangani

³⁶ Meneng doen pa meg-indan te benal labi pa keseligan diyà ki Juan, so lekat te Amay ko se kedita te kepelahan eg-inangen ko, aw yan se egpetaga-taga te ontò a insogò te Amay ko.

Juan 5:36 ပူးပေါင်းရင်းမြစ်များ

Mat. 11:4

Timaba si Jesus, “Likò kaw den doton ki Juan, aw indani niyo sikandin te kedita te dinineg niyo aw kinità niyo dini.

Luc. 2:49

Minikagi si Jesus, “Nepela a so pinengemahà a niyo. Nepela a so wedà niyo ketegahi te keilangan dini a te balay te Amay ko.”

Juan 10:25

Timaba si Jesus, “Pengkey tapay ko iyan in-indan kenyo, meneng wedà a niyo pemenali. Eg-inangen ko se menge kepelahan so insogò a te Amay ko, aw yan se pengilala ipekità ko kenyo amon ketegahan niyo aw sinu a.

Juan 11:37

Meneng minikagi se menge doma, “Sikandin se migpegolì te mata te otaw bota. Simpana dini sikandin, wedà peden kematay si Lazaro.”

Juan 15:24

Simpana wedà dan kità te menge kepelahan ininang ko eked keinang te doma otaw, eked dan heman petega-tegahi te doen salà dan. Meneng nebensi dan kanak aw Amay ko, pengkey kinità dan se kepelahan ininang ko.

Juan 17:4

Impekità ko den dini te keneyonan te melangkaw ka, so tinoman ko den se kedita te impunù no kanak.

Juan 2:23

Peg-ogpà i Jesus doton te Jerusalem dalem te Pista te Pegpelowà, medita se otaw nemenal kandin, so kinità dan se menge kepelahan ininang din.

Juan 3:17

Insogò te Timanem se Batà din dini te keneyonan kenà amon ipelumun din se otaw, meneng insogò din amon megpelowà te otaw.

Juan 3:2

Dimoton sikandin ki Jesus te delem, aw minikagi, “Sir, netegahan day den te insogò ka te Timanem amon megtoladà kenami, so wedad otaw mekebatog meg-inang te kepelahan iling te ininang no den singed aw doen tolos ibegay te Timanem kandin.”

Juan 4:34

Minikagi si Jesus, “Iling te kànen ko se pegtoman ko te ibeg te simogò kanak aw peg-epos ko te sogò din kanak.

Juan 5:32

Meneng doen doma mekeindan te benal tepad kanak, aw netegahan ko te keseligan se kagi din tepad kanak.

Ininang 2:22

“Na, menge kedomaan ko Judiyo, penenalan kaw te ikegiyen ko. Si Jesus tege Nasarit, yan se impetaga-taga te Timanem te sikandin se insogò din. Impetaga-taga din iyan pineokit te peg-inang din te inang metolos, aw kepelahan, aw ledyawan. Ontò niyo netegahan iyan so neinang iyan dini kenyo.

1 Juan 5:9

Aw egseligan tadon se kagi te menge otaw, labi pa keseligan se kagi te Timanem, so Timanem se minikagi te benal tepad te Batà din.