Juan 5:35 - Manobo Sarangani

³⁵ Si Juan Memonyagay, iling sikandin te solò ontò meanyag, aw neluba kaw tandà te intoladà din kenyo te wedà kenamay.

Juan 5:35 ပူးပေါင်းရင်းမြစ်များ

2 Pedro 1:19

Yan se doun te neleseb se pedowan day te keseligan se kagi te Timanem tepad ki Cristo ingkeliwat te menge telekeliwat din gebii. Keilangan menenalan kaw heman kenyan, so se insolat dan, yan se iling te solò eg-anyag diyà te kengitngitan lamig te aldaw te pegdateng i Cristo. Iling sikandin te bitoen eg-anyag te medapag aldaw, aw inangen din melowa se aneng-aneng niyo.

Mat. 11:11

Minikagi heman si Jesus, “Eneng-enengi niyo se kagi ko kenyo seini. Wedad palos otaw dini lanto te tanà labi pa melangkaw diyà ki Juan Memonyagay. Meneng labi pa melangkaw diyà ki Juan se kedita te otaw megpesakop diyà te peglowan te Timanem.

Juan 6:66

Lekat niyan, medita se tinoledaan timanan ki Jesus aw limengà dan te pegtaking kandin.

Luc. 7:28

Minikagi heman si Jesus, “Eneng-enengi niyo se kagi ko seini. Wedad palos otaw dini lanto te tanà labi pa melangkaw diyà ki Juan. Meneng labi pa melangkaw diyà ki Juan se kedita te otaw megpesakop diyà te peglowan te Timanem.”

Mar. 6:20

so egsagman si Herod ki Juan, so netegahan din te gayed eg-inang si Juan te metòlid, aw wedad salà ininang din. Yan se doun te eked kepakay diyà kandin aw imetayan si Juan. Egkeibeg si Herod domineg te ipegtoladà i Juan, meneng pegdineg din kenyan, ontò migkebulung se aneng-aneng din.

Mat. 21:26

Meneng simpana tomaba kidon te olò otaw se simogò ki Juan, keopalan kidon te kedita te otaw netipon, so eg-aneng-aneng dan te ontò telekeliwat te kagi te Timanem si Juan.”

Mar. 1:5

Medita se otaw lekat te menge lonsod sakop te probinsya te Judiya aw lekat te Jerusalem dimoton amon menenalan kandin. Migselsel dan te menge salà ininang dan, aw binonyagan din dan doton te wayeg te Jordan.