Juan 5:3 - Manobo Sarangani

³ Medita se otaw doen mesakit eg-ogpà diyà te lima elonganan niyan, aw migtagad dan te pegpegolì kandan. Doen menge bota. Doen menge kapig. Doen heman menge otaw kenà egpekeiwal. [Gayed dan migtagad te pegketigaw te wayeg kidoen,

Juan 5:3 ပူးပေါင်းရင်းမြစ်များ

Luc. 7:22

Yan se doun te timaba si Jesus, “Likò kaw den doton ki Juan aw indani niyo sikandin te kedita te kinità niyo aw dinineg niyo dini. Doen menge bota kimità den. Doen heman kapig minipanaw den. Doen tompigun negolian den. Doen bingelen dimineg den. Doen heman nematay neantay den. Doen menge otaw sagkep tinoledaan te Mèpiya Indan.

Mat. 15:30

Ontò medita se otaw dimoton kandin, aw inibing dan heman se menge doma otaw doen medita kemolò te mesakit. Doen menge kapig, aw nepantig, aw bota, aw omo, aw medita heman se doma otaw doen mesakit. Insawol dan doton dapag i Jesus, aw pinegolian din dan.

Santiago 5:7

Nayan menge kedowa ko, mèpiya aw melayat se pedowan niyo lamig te peglikò te Pengolo tadon, so metoman din dan ipelumun. Netegahan niyo te melayat se pedowan te otaw megtagad te odan amon menanem te benì, so doen ontong niyan pelimanan din aw megketesan.

Roma 8:25

Meneng so wedà pa dateng se egpelimanan tadon, keilangan medalem se pedowan tadon dalem te pegpeliman tadon kenyan.

Mat. 4:24

Yan se doun te ontò sikandin nedengeg doton te kebelad te Sirya. Pinegolian din se kedita te otaw doen mesakit inibing diyà kandin, pengkey eden kemoloi te mesakit, aw otaw dinetengan te bosaw, aw otaw pigbaboy, aw otaw kenà egpekeiwal. Negolian se kedita dan.

Juan 5:2

Doen lanaw kidoen te Jerusalem doton dapag te lelebangan te kotà nekelibed te lonsod, sìyan iningedanan Lelebangan te Karniro. Iningedanan se lanaw Bitsata te menge otaw eg-ikagi te Hebreo, aw doen lima elonganan kidoen te kilid niyan.

Juan 5:4

so seletà doen anghil te Timanem mebo kidoen te lanaw, aw megtigaw te wayeg kidoen. Penga niyan, aw ayas mebo se otaw diyà te wayeg, kegolian dan.]